Zeremii 9:3 - LAWA A BOO SONBORE

³ Didie nə n parabaa n giaára nɛ. Min kɔn doamaa bie a n foo doa ǹ dɔɔ̃n ganaa wa. Sàabaa ba la wa, á re ka siɛ̃. Haalɛ ń giaára dinmaa n die soɛ diɛ n la.

LAWA A BOO SONBORE 2011

³ Didie nə n parabaa n giaára nɛ. Min kɔn doamaa bie a n foo doa ǹ dɔɔ̃n ganaa wa. Sàabaa ba la wa, á re ka siɛ̃. Haalɛ ń giaára dinmaa n die soɛ diɛ n la.

Zeremii 9:3 ပူးပေါင်းရင်းမြစ်များ

Siin Giala 39:16

Á Zozɛfu a dɔnkɛ lɛ koa a din li miɛ̃, yǎa ǹ zuũ Potifaara nə́ n bɔyaa, á daa piɛ.

Suusun 12:5

Min sonbore a taasiɛ n doa-n peperebaa ganaa. Min baraa wɔ n ka ǹ miãn sã nɛ.

Izayii 1:3

Dii tá a dɛnaa doɛ̃, dundun na a màn-bii ǹ goo doɛ̃, ǹ dɛnaa bɛ́ màn-bii koe la ǹ mɛn lɛ nɛ. Sɛnɛ, Izirayeli sɛ a màn kɔ́n doɛ̃ wa, maa zaman kɛ a màn kɔ́n giala miɛ wa.»

Izayii 3:5

Minin man die boe kɔn yii ni, ǹ kakaarɛ kɔ kɔ ǹ ganaa. Nɛ tenən man die yui min zizin gialaa, min kooron nə sìi da min yii guguru-an ganaa.

Izayii 6:5

Má tɔ́n pɛ kəni: «Koe bɔ ma ganaa! Maa wɔ nya lenlen! A giala, man gɔ̀dɛnaa lɛa, ma bɛ́ giã-n tɔrɔn mɛnɛn dɔn bii, bɛn dɔn man gɔ̀dɛnan lɛa. A giala ma yii Kii gole yɛ, Dɛnaa Lawa Pàãyiidɛnaa lɛ!»

Izayii 9:18

Dɛnaa Lawa Pàãyiidɛnaa a foo-yoo gole taman yii, gána lɛ n kuĩ tɛ lɛa, a n ka tɛ n zaman lɛ kuĩ, min kɔn ba ǹ dɔɔ̃n makara doɛ̃ wa.

Zeremii 12:6

Sonbore, n tanlɛ minin laanka n sumu lɛ minin dinin manə n yiri siɛ̃. Maǹ nə n lɛ dii n ganaa. Ta maǹ boo diɛ n nɛ sɔnbɔraanɛ, n nyan nə n foo doa ǹ ganaa wa.

Zeremii 22:16

A na á goã doobaan laanka nɔmaa wolen zia gii diɛ. A sii tumaa goã yɔrɔ yii. Bɛ lɛ bie masɛ Lawa doɛ̃ lɛa wa? Dɛnaa Lawa a da ǹ boo ne.

Zeremii 31:34

Min kɔn ba re ǹ miã hinlaa ǹ dɔɔ̃n darɛɛ a pɛ-n kɛnɛn wa: «Ka n daraa Dɛnaa Lawa doɛ̃ ganaa!» A giala, min tumaa á re ma doɛ̃. A kũ nɛnyaanan ganaa, a wo min zizin yaa. Ma á re ǹ sãn toɛ ǹ nɛ, ma yiri bɔ ka ǹ sii baraan nɛ. Dɛnaa Lawa a da ǹ boo ne.

Zeremii 4:22

Dɛnaa Lawa pɛ: Maa zaman lɛ a sii doɛ̃ wa, a ba ma doɛ̃ wa. Maǹ nɛnyaanan lɛa, ǹ ba n taasɛ wa, ǹ ba sii kɔn giala miɛ wa. Ǹ tá kɔn doɛ̃ ka sii baraa zɛnaa nɛ, sɛnɛ, ǹ ba kɔn doɛ̃ ka bǐɛ̃-n wa.

Zeremii 5:4

Man taasɛ: «Min mɛnɛn bɛ́ ǹ ba n taasɛ sɔsɔɔ wa, bɛn zɛnaa ǹ sii n kɛ nɛ. Maǹ sii zɛnɛɛ ǹ nə́ ǹ ba n taasɛ wa. Taãn nɛ! Ǹ ba ǹ Dɛnaa Lawa dùũ doɛ̃ wa, ǹ ba a dí-pɛn dɔn doɛ̃ wa.

Zeremii 5:5

Man die woe nyɛɛnaandɛnan li, ma á re boo diɛ ǹ nɛ, ta a baalan, bɛn tá Dɛnaa Lawa dùũ doɛ̃ ka ǹ Lawa a dí-pɛn nɛ.» Sɛnɛ, haayii! Ǹ tumaa kun, ǹ nə́ ǹ zǔun yiyiɛ, ǹ nə́ ǹ biɛn nana.

Zeremii 6:28

Ǹ tumaa n gòãn dii wolen lɛa, Ǹ foo n kaka. Maǹ soɛ diɛ kɔn la. Ǹ sii a kakabaa n ka zan hinlaa fɔlɔ wɔ bɛ́ lɔn. Ǹ tumaa n basaã-kɔle lɛa.

Zeremii 7:26

Sɛnɛ, ka n too kɔ ǹ lon wa, ka n too da wa. Ka mìi n laa nɛ, kaa bɔnɛɛbaa la ka digolon wɔ nɛ.

Zeremii 9:5

Kakaarɛbaa woo kakaarɛbaa. Soɛ woo soɛ. Maǹ nə n piɛ̃ ǹ ba ma doɛ̃ wa. Dɛnaa Lawa a da ǹ boo ne.

Zeremii 9:8

Ma kɔnbɔ ma yoo minin kɛn gialaa wa? Ma doamaa bie ma maa gɛ̀ dòo bɔ tɔrɔ kɛ miã ganaa wa? Dɛnaa Lawa a da ǹ boo ne.

Ezekieli 8:13

Á tɔ́n pɛ ma nɛ: «N tá re wusii doo n sii bɔbɔnɛɛ dadara kɔsɔn yɛ, ǹ ná a gialaa zɛnɛɛ.»

Lawa a wúlu-bɔlen 19:11

Ka baran wurumu baa wa, ka baran kɔn yiri sã wa, ka baran soɛ dɔ bɔ kɔn nɛ wa.

Marki 8:38

Pelo minin mɛnɛn bɛ́ ǹ nə́ n piã ka Lawa nɛ, ǹ nə́ sii baraa zɛnɛɛ, bɛ̀ min mɛn sìi kɔ bɛn yɔrɔ-a a ná a masɛ boo da wa, a masɛ a boo kɛ lɛ dɔ pɛ wa, Min a Nɛgiĩ bɛ́ re boe lon ǹ mɛn pinaa a daa, kun ka lon a dia dí-a wole sonboren ne, ǹ Di a gugurubaa a siĩnbaa kɛ nɛ, a dɔ á die sìi koe a bɛa dɛnaa bíi mà asɛ a kialandɛnaa.»

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Nya ǹ dín 24:9

Zuifun gialakunun kɛn tumaa nə́ n lɛ kaa kun ǹ nə́ pɛ, mà Tɛrtulusu sonbore pɛ.

Rɔmu minin 1:16

Maa sìi koe ka Lawa a Boo Tii Kɔɔ̃n pɛ kɛ-n wa. A giala, Lawa pàã n dí nyɛɛ a nɛ, á kirisibaa koe a goleemali wolen tumaa la: Bibinaa nɛ Zuifun manɛ, bɛ kio tɔrɔ kɔsɔn mɛnɛn bɛ́, ǹ ba Zuifun lɛa wa.

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Rɔmu minin 3:13

Ǹ bɛ́ boo mɛn yii diɛ, bɛ n die ka gɛ̀ laanka gere biĩ ni. Soɛ baraan dininsɔɔ̃nɔn man boe ǹ lɛwɔnɔn la. Ǹ boon man baraa ka miɛ̃ a sèwo bɛ́ lɔn.

Korɛnti1 15:34

Ka toa ka wusoo ka sii giala ma, ka sii baraa zɛnaa lɛ da. A n kaa sìi boo lɛa ma á diɛ ka nɛ: Ka tɛnɛn ba Lawa doɛ̃ wa.

Filipi minin 1:28

Ka baran toa kaa zɔ́ɔn nə nyɛ́ɛ da ka ganaa ka sii kɔ́n nɛ wa. Bɛ á re sii biɛ, a n nyɛɛ ǹ nɛ, mà ǹ dininmaan wɔ na á ziziɛ̃, a n nyɛɛ mà kasɛn man kaa kirisibaa ǹ zii la, a giala, bɛ lɛ n boe Lawa li.

Timote2 3:13

Min babaraan kɛn laanka minin yiri-sãlin kɛn, màn tá re miɛ bɛn baraabaa li. Ǹ tá re min kɔsɔn siɛ̃, ǹ dininmaan dɔn siɛ̃maa nɛ.

Zude 1:3

Maa giaára sonboren lɛn, kirisibaa mɛn bɛ́ wɔ tumaa wɔ lɛa kun, man má goã giɛ li parsiini, ma sɛ́wɔ kiɛ̃ ma dia ka la bɛ wɔ gɔn la. Sɛnɛ, má yɛ máa a na á pàã baa ma ganaa sisia, ma sɛ́wɔ lɛ kiɛ̃, màn mɛn bɛ́ toɛ, ma ka foo taã ka n doa, ka yɔ bɔ golee Lawa li gɔ́ɔ̃ nɛ, golee Lawa li mɛn bɛ́ Lawa din kɔ wɔ la gunyin goon dinsɔɔ̃, kɔsɔ ná a ba kio wa, wɔsɛn mɛnɛn tumaa bɛ́ a din wɔn lɛa.

Sii-nyaan 12:11

Wɔ dɔɔ̃nɔn nə́ gɔ̀lɔ̀baa yɛ ka Sère Nɛ mà kɛ pàã nɛ, ka ǹ siérebaa ǹ boo pàã nɛ. Haalɛ ta maǹ giɛ̃ bɛa lɛa, ǹ tá lɛ koe bɛ ganaa á la ǹ yiikoonaabaa nɛ.

Sii yɔrɔ-bɔlen 14:17

Á wuu pɛ Sansɔn kio miɛ̃, zɔ́n lɛ a biikoo lɛawaa sɔbaa lɛ gɔ́ɔ̃ nɛ. A lɛawaa sɔbaabaa ǹ wɔ pinaa, Sansɔn nyiǹ lɛ a binyəə pɛ nɛ. A giala, lɔ lɛ nə́ n laa a ganaa á la yii ni. Lɔ lɛ nyiǹ lɛ a binyəə pɛ a tɔrɔ minin lɛn manɛ.

Sii yɔrɔ-bɔlen 2:10

Bɛa biikoo kɛ lɛ a minin tumaa daa ǹ nə́ gã. Ǹsɛn kio, min kɔsɔn nə́ yoo. Sɛnɛ, bɛn nə goã Dɛnaa Lawa doɛ̃ wa, a dí mɛn tumaa nya Izirayeli minin wɔ paǹ li, ǹ goã bɛ dɔ doɛ̃ wa.

Samayeli1 2:12

Yiili a nɛgiĩn lɛn man nə́ goã min gɛsɛn lɛa, ǹ goã Dɛnaa Lawa doɛ̃ wa.