Zeremii 9:19 - LAWA A BOO SONBORE

¹⁹ Lɔn lɛn, ka n too kɔ Dɛnaa Lawa a boon kɛn li. A bɛ́ boo mɛn diɛ, ka n too da li. Ka kaa nɛlɔn daraa gɛ̀ loe kɛ ganaa. Didie na a miãkɛn daraa a ganaa.

LAWA A BOO SONBORE 2011

¹⁹ Lɔn lɛn, ka n too kɔ Dɛnaa Lawa a boon kɛn li. A bɛ́ boo mɛn diɛ, ka n too da li. Ka kaa nɛlɔn daraa gɛ̀ loe kɛ ganaa. Didie na a miãkɛn daraa a ganaa.

Zeremii 9:19 ပူးပေါင်းရင်းမြစ်များ

Izayii 32:9

Lɔ din narɛɛ wolen lɛn, ka yoo ka n too kɔ ma lɛn li! Nɛlɔ din koa wolen lɛn, ka n too kɔ maa boo li!

Zeremii 15:1

Dɛnaa Lawa pɛ ma nɛ: – Ta Muizu laanka Samayeli din nə́ n gii wɔ boo kɛ nɛ masɛ li, ma a re n yɔrɔ diɛ zaman lɛ la wa. Ǹ loo n nə ǹ bɔ ma yɔrɔ-a ǹ wo sɔsɔɔ.

Zeremii 2:14

Izirayeli n bɛ̀rɛ lɛa ya? A na á yɛ bɛ̀rɛbaa taman yii? Sɛnɛ wàa na á baa ǹ tá kokoe?

Zeremii 4:13

Zɔ́ɔn lɛn nə́ ke: maǹ die ka la a tì bɛ́ lɔn, Ǹ ziabaa ǹ wotoron yii n fuu ka piɛ̃ gole bɛ́ lɔn, ǹ sùin yii n fuu á la giogialatã-a nɛ. Wàa koe n ka kɛ nɛ! Wɔ́ sàabaa!

Zeremii 4:20

Maǹ bɔ̀n dinsɔɔ̃ boo diɛ, gána lɛ tumaa ziziɛ̃. Ǹ nə́ wɔa mɔnaa kionən ziziɛ̃ bǎã goon ne, wɔa duru ǹ bǎãn nə́ papaã gunyin goon.

Zeremii 7:15

Man die kasɛn dɔn zuĩ sɔsɔɔ, ka ma bɛ́ ma ka dɔɔ̃n Efrayimu minin kɛn tumaa zũ lɔn.

Zeremii 7:19

«Maǹ baraa zɛnɛɛ masɛ nɛ? Haayii! Maǹ zɛnɛɛ ǹ dinin manɛ. A doamaa nɛ a sìi da ǹ dinin ganaa.» Dɛnaa Lawa a da ǹ boo ne.

Zeremii 7:29

Dɛnaa Lawa pɛ: Zudaa a zaman, ń mìi ka sɔsɔrɔ kɛ kuru, n zũ, ǹ mɛn lɛ bɛ́ nyɛɛ mà maǹ nə́ n bɔ ǹ nə́ n koa ma din wɔ lɛa. Gɛ̀ loen lɔ tenten mìi kooro-an kɛn la. N miãlɛ tumaa ma foo yoo. Ma ba n li doo wa, Má n tii.

Busii pɛ 4:15

Bɛ̀ ǹ tá die, maǹ parɛɛ ǹ li: «Ka n tá ka n bɔ kànaa, *gɔ̀ tá ka ganaa! Ka n tá ka n bɔ kànaa! Ka nyan nə n gɔn da wɔ ganaa wa!» Maǹ baa sii, woo ǹ bǎã ná a ba ǹ la wa. Sɛnɛ, tɔrɔ kɔsɔn man pii: «Ǹ ba boe la ǹ giã wɔsɛn li wa.»

Busii pɛ 5:2

N gána mɛn kɔ wɔ la, á ke tiin wɔ lɛa. Min mɛnɛn bɛ́ wɔ ba ǹ doɛ̃ wa, wɔa kionən man bɛn gɔn.

Ezekieli 27:2

Minbuiin a nɛ, gɛ̀ loe lɔ Tiiri kiwi kɛ la.

Lawa a wúlu-bɔlen 18:25

Gána lɛ din gɔgɔrɛ kɔ. Má a sii baraa a dɔlɔ bɔ a ganaa. Bɛ lɛ n ke, gána lɛ nə́ n bɔ a minin li.

Lawa a wúlu-bɔlen 18:28

Min mɛnɛn nə goã gána lɛ-n lɛlɛ, bɛn man nə́ gána lɛ gɔgɔrɛ kɔ, bɛ lɛ nɛ, gána lɛ nə́ n bɔ ǹ li. Sɛnɛ, bɛ̀ kasɛn nə gána lɛ gɔgɔrɛ kɔ wa, gána lɛ a die n boe ǹ li ka á ke á n bɔ bɛn li lɔn wa.

Lawa a wúlu-bɔlen 20:22

Ka maa landa boon kɛn tumaa laanka maa sii yɔrɔ bɔ ǹ boon kɛn tumaa tamaa. Ǹ bɛ́ màn mɛn pii, ka bɛ zɛnaa. Bɛ̀ ka zɛnaa miɛ̃, ma bɛ́ woe giã ǹ bǎã koe ka la gána mɛn nɛ, bɛa gána lɛ a die n boe ka li wa.

Misee 2:10

Ka yoo ka n tan kəni! A giala, kànaa kɛ bie kaa susu ǹ bǎã lɛa bɔrɔ wa. Ka sii gɔgɔrɛ mɛn zɛnaa, a basaã á die ka yii, á die baraa koe ka ganaa.

Misee 2:4

Bɛa pinaa kɛ lɛ nɛ, minin tá re suusu diɛ ka ganaa, ǹ tá re wuu pii ǹ gù wɔ ka la ǹ pɛ: «Wɔsɛn nə́ ziziɛ̃ lenlen, á ke, á ma tɔrɔn lɛn bǎã si ǹ la, á kɔ min kɔsɔn la. Kɛ mìi n ka wàa nɛ? Ǹ nə́ ke wɔa wurun gii piã-wɔlen manɛ!»

Timəə dí-pɛn 28:29

Ka á re n gòã tatalaɛ zii li penleen tiɛɛ̃n ka yii tere-a wɔ bɛ́ lɔn, sɛnɛ, ka a re zii yii wa. Kaa nya ǹ dí kɔn ba re bǐɛ̃ koe wa. Maǹ die goɛ̃ mɛnɛɛ ka la miɛ̃ duduu bɛ̀ ǹ ka gɔn mànan si ka la, min dɔ ná a re yii a n dɔ ka lɛ wa.