Zeremii 9:10 - LAWA A BOO SONBORE

¹⁰ Man die Zeruzalɛmu biɛ kɛbɔlɔ gole lɛa, tolokan susu ǹ bǎã lɛa. Man die Zudaa kiwin bɔyɛɛ, ma ǹ baa kɛbɔlɔ lɛa, min ná a giã a-n doɛ̃ wa.

LAWA A BOO SONBORE 2011

¹⁰ Man die Zeruzalɛmu biɛ kɛbɔlɔ gole lɛa, tolokan susu ǹ bǎã lɛa. Man die Zudaa kiwin bɔyɛɛ, ma ǹ baa kɛbɔlɔ lɛa, min ná a giã a-n doɛ̃ wa.

Zeremii 9:10 ပူးပေါင်းရင်းမြစ်များ

Izayii 41:15

Á ke man die n biɛ dí nya ǹ màn dii lɛa, a sɔn nə́ sosolo, a n tii nyui, a sɔn nə màn papaa kɔn la. N tá re kelen yɔyɔrɛ, n nə ǹ bɔyaa n nə ǹ baa gusuũ lɛa. Tentenən kɛn, n tá re bɛn biɛ buu gere lɛa.

Izayii 49:19

Hiĩ, n gána lɛ n kɛbɔlɔ lɛa, a n diə gole lɛa, á ziziɛ̃. Sɛnɛ, kànaa ka boɛɛn nɛ, á re kiɛɛrɛ koe n zaman ganaa. Min mɛnɛn nə goã yui ka gialaa, bɛn tá re woe sɔsɔɔ.

Zeremii 12:10

Tɔɔ-lɛduə̃li gigiã maa rezɛ̃ wuru ziziɛ̃. Ǹ nə́ maa wuru tɔtɔrɔ. Maa bǎã kɔɔ̃n ke, ǹ nə́ bɛ bɔyaa ǹ nə́ baa diə gole lɛa.

Zeremii 12:11

Sonbore, maǹ nə́ bɔyaa ǹ nə́ baa gána ziziɛ̃ lɛa, piɛ̃-n ka gɛ̀ koa nɛ. Ma yɔrɔ-a, bǎã tumaa n diə gole lɛa. Gána lɛ tumaa ziziɛ̃. A min kɔn din yii li ǹ sii lɛa wa.

Zeremii 12:4

Gána lɛn die goɛ̃ koe ne yǎa biĩ kəni? Wurun man die goɛ̃ tán gere lɛa yǎa biĩ? Tɔɔn laanka bàanan man bɔ̀n biɛ minbuiin nɛn baraabaa taman yii. Maǹ pii: «Sii mɛn bɛ́ re wɔ yii, Dɛnaa Lawa yii ba re bɛ yii wa.»

Zeremii 14:6

Don dundunun man golee kele mìi kooro-an la. Maǹ piɛ̃ yoe ka tolokan bɛ́ lɔn. Ǹ nə́ ga buu li ǹ nə́ nɔmaa, sɛnɛ buu banban wa.

Zeremii 2:15

Yàran man lɛ biɛ a ganaa, maǹ wɔɔsaa we a ganaa, ǹ ná a gána ziziɛ̃ lenlen, ǹ nə́ tɛ da a kiwin ganaa. Màn kɔn ba giã nɛ a-n doo wa.

Zeremii 2:6

Ǹ nɔ̀n da kɛnɛn wa: Dɛnaa Lawa á maa, asɛ mɛn nə wɔ waa Ezipti gána nɛ, á wɔ nyɛɛnaa ǹ bɔ diə gole ne, don lɛa, piɛ̃-n ka nyankɔrɔ nɛ, gána gere lɛa, a n tì, min ná a boe a-n wa, min ná a ba a-n dɔn wa.

Zeremii 23:10

Gána lɛ piɛ̃maa-n ka naarɛbaalin ni. Lɛn baraa taman yii, gána lɛ n gɛ̀ koa gɔ́ɔ̃ nɛ. Gána lɛ a bɔmɔ bǎãn tumaa laa. Maǹ baa sii sii baraa ganaa. Sii mɛn bɛ́ a siĩ-n wa, ǹ foo n tã ka bɛa zɛnaa nɛ.

Zeremii 50:3

Tɔrɔ goon nə boe gɔsɛ a lɛ̀gɔn li die Baabilonii gialaa. A n die Baabilonii gána biɛ kɛbɔlɔ lɛa. Min goo din ba re goɛ̃ a-n wa. Minbuiinin ni, tɔɔn nɛ, ǹ tumaa n die baa sii, ǹ tumaa á re papaɛ̃.

Zeremii 7:29

Dɛnaa Lawa pɛ: Zudaa a zaman, ń mìi ka sɔsɔrɔ kɛ kuru, n zũ, ǹ mɛn lɛ bɛ́ nyɛɛ mà maǹ nə́ n bɔ ǹ nə́ n koa ma din wɔ lɛa. Gɛ̀ loen lɔ tenten mìi kooro-an kɛn la. N miãlɛ tumaa ma foo yoo. Ma ba n li doo wa, Má n tii.

Zeremii 8:18

Màn kɔn ba boe la a maa foo busii kɛ nya wa. Ma foo n ka a yu!

Busii pɛ 1:16

Bɛ lɛ n ke ma á wuu pii, ma yii mu gisĩ suù ni. A giala, min mɛn bɛ́ ma yii mu tuturi, a n nyin dii koe ma la, a wɔlɔ lui ma ganaa. Ǹ nə́ maa nɛnyaanan tumaa bɔ̀n baa. A giala, maa zɔ́ɔ lɛ pàã la ma nɛ.

Busii pɛ 2:11

Ma yii nànan nə́ tãtaã wuu gɔn. Ma yiri nə́ n lɔlɔkɔn. Koe mɛn maa zaman yɛ, ma a boe la ma á sii ma ganaa doɛ̃ wa. A giala, mu boro n nɛnyaan bɔnboɛɛnɛn gialaa kiwi lɛ a bǎã dadaraan nɛ.

Busii pɛ 5:18

A giala, Siɔn kiwi lɛ nə n bɔyaa á diə baa, á n baa tolokan giã ǹ bǎã lɛa.

Ezekieli 14:15

«Ma á re don màn babaraan diɛ gána lɛ nɛ, bɛn na a minin dɛ, ǹ gána lɛ gɔ́ɔ̃ kooro toa, min ná a boe la a n boe a nɛ a n kiɛ̃ wa, don mànan lɛn taman yii.

Ezekieli 27:2

Minbuiin a nɛ, gɛ̀ loe lɔ Tiiri kiwi kɛ la.

Ezekieli 29:11

Minbuiin nɛ a re boe a-n doo a kiɛ̃ wa, tɔɔ dɔ a re boe a-n doo a kiɛ̃ wa. Màn yiikoonaa kɔn ba re giɛ̃ a-n wa, yǎa lɛ̀ pusi.

Ezekieli 33:28

Ma á re gána lɛ yui, ma baa ka diə gole bɛ́ lɔn. A din-koa ke á we a pàã kɛ taman yii, bɛ á re papaɛ̃. Izirayeli gána a kelen kɛn kooro á die goɛ̃. A giala, min ba re yii a bɔ walan doo wa.

Ezekieli 6:6

Ka bɛ́ kiwin mɛnɛn tumaa nɛ, bɛa kiwin lɛn gɔ́ɔ̃ kooro á die goɛ̃, kaa wúlu bɔ ǹ bǎãn kɛn tá re goɛ̃ tán. Kaa wúlu màn tã ǹ bǎãn kɛn tá re wurii, ǹ nə́ ǹ ba re màn kɔn bǐɛ̃ koe doo wa. Kaa dìn kɛn tá re yɔyɔrɛ ǹ papaã. Kaa nyɔɔ gìĩ kɔɔ̃n tã ǹ mànan kɛn laanka ka màn mɛn tumaa zɛnaa, bɛn tá re ziziɛ̃.

Ozee 4:3

Bɛ lɛ n ke, lɛ̀ gere á re koe gána lɛ nɛ. A minin tumaa, don mànan dɔn laanka bàanan nɛ, bɛn tá re pɛrɛ mu boro gɔn. Yìsi mu li ǹ zɔ̀nɔn kɛn dɔn dinin tá re papaɛ̃.

Zowɛli 1:13

Lawa a wúlu-bɔlen lɛn, ka gɛ̀ koa ǹ mɔnaan wɔ, ka wuu pɛ. Kasɛn mɛnɛn bɛ́ *wúlu bɔ ǹ bǎã kɛa dí nyɛɛ, ka n lɛ dɛ. Kasɛn mɛnɛn bɛ́ dí nyɛɛ maa Lawa nɛ, ka n yɔrɔ kɔsɛ, ka lɛ̀ waa nɛ. A giala, minin ba die ka belee laanka duvɛ̃ nɛ Lawa gɔ ǹ wɔ lɛa, Lawa a kion doo wa.

Zowɛli 1:19

Dɛnaa Lawa, ma nə n lɛ dii n din li. Tɛ á ke á tɔɔn buu sɔ̃ ǹ bǎã lɛ kũ don, tɛ lɛ da tumaa kũ don.

Amɔɔsi 5:1

Amɔɔsi tɔn pɛ: Izirayeli minin lɛn, ka n too kɔ boo kɛ li, ka n too kɔ gɛ̀ loe kɛ li, ma á loe kaa wɔ paǹ li:

Amɔɔsi 5:16

Bɛ lɛ nɛ, Dɛnaa Lawa Pàãyiidɛnaa lɛ n kɛ pii: Zaman paã ǹ bǎã tumaa nɛ, minin tá re gɛ̀ loe loe. Kiɛ̃ ǹ ziin tumaa la, minin tá re n lɛ didi: Má sàabaa wooo, má sàabaa! Ǹ tá re woe lɛ diɛ min la wuru-n, mà a da gɛ̀ wuu pɛ. Ǹ tá re woe gɛ̀ wuu-pɛlen bíi, mà ǹ da loe lɔ gere la.

Misee 2:4

Bɛa pinaa kɛ lɛ nɛ, minin tá re suusu diɛ ka ganaa, ǹ tá re wuu pii ǹ gù wɔ ka la ǹ pɛ: «Wɔsɛn nə́ ziziɛ̃ lenlen, á ke, á ma tɔrɔn lɛn bǎã si ǹ la, á kɔ min kɔsɔn la. Kɛ mìi n ka wàa nɛ? Ǹ nə́ ke wɔa wurun gii piã-wɔlen manɛ!»

Misee 3:12

Bɛ lɛ na á toa, ka dinin kɛn lɛn taman yii, Zeruzalɛmu á die kɛbɔlɔ biɛ, ǹ tá re Siɔn kele kɛ kɔsɛ wuru lɛa, kion bǎã lɛ a kele lɛ á re daã biɛ.