Zeremii 8:3 - LAWA A BOO SONBORE

³ Ma bɛ́ tɔrɔ baraa kɛa yiikoonaan mɛnɛn pɛsɛ̃ bǎã woo bǎã nɛ, gɛ̀ á re soɛ koe ǹ ganaa yiikoonaabaa nɛ. Dɛnaa Lawa Pàãyiidɛnaa a da ǹ boo ne.

LAWA A BOO SONBORE 2011

³ Ma bɛ́ tɔrɔ baraa kɛa yiikoonaan mɛnɛn pɛsɛ̃ bǎã woo bǎã nɛ, gɛ̀ á re soɛ koe ǹ ganaa yiikoonaabaa nɛ. Dɛnaa Lawa Pàãyiidɛnaa a da ǹ boo ne.

Zeremii 8:3 ပူးပေါင်းရင်းမြစ်များ

Kiin1 19:4

Yilii dinmaa lɛ sɛ pinin goon tɔ wɔ diə gole ne. Á giã tán da goon giulun, á nɔ̀n da gɛ̀ li bɛ̀ á n pii: «Sii lɛ ma gɔ̀nɔn bɔ kanna. Dɛnaa Lawa, masɛ nyín si ma la, a giala, ma ba soɛ ma digolon man wa.»

Zeremii 23:3

Bɛ kio, má maa zaman gialakun kɛ loo má ǹ pɛsɛ̃ gánan mɛnɛn nɛ, ma dinmaa á re ǹ soekɔn ma bɔ ǹ nɛ walan, ma da ǹ nɛ ǹ lɛduə̃ ǹ bǎã nɛ. Ǹ tá re buluboe walan, ǹ mɔnaa.

Zeremii 23:8

Sɛnɛ, ǹ tá re pii: «Ma nə n liɛ ka Dɛnaa Lawa Yiikoonaa tɔ nɛ, asɛ mɛn nə Izirayeli nɛn waa gɔsɛ a lɛ̀gɔn la gánan nɛ á soo ǹ ne gánan kɛn tumaa nɛ á ǹ pɛsɛ̃ ǹ nɛ, a n die ǹ soekɔn ǹ gána nɛ!»

Zeremii 29:14

Ma á re toɛ ka ma yɛ. Dɛnaa Lawa a da ǹ boo ne. Ma ka loo gánan mɛnɛn tumaa nɛ, ma á re wusii ma ka sɔkɔn walan. Ǹ ka goa bǎã mɛn nɛ, ma á re wusii ma da ka-n walan. Dɛnaa Lawa a da ǹ boo ne.

Zeremii 29:28

Á ke, á sɛ́wɔ din kiɛ̃ á dia wɔ la Baabilonii a n pii: Ka á re beleboe walan. Ka kionən dɔ ka giã ǹ nɛ. Ka dù gɔrɔn bɔ ka ǹ dù bii!»

Zeremii 40:12

Ka bɛ-n kəni, Zudaa minin nə goã pɛsiɛ̃-n bǎã woo bǎã nɛ, ǹ tumaa nə́ n bɔyaa ǹ nə́ daa Zudaa gána nɛ, Gedalia li Mispaa. Ǹ nə́ rezɛ̃ nɛ gigiã yɛ walan ka da nɛ nɛ.

Zeremii 44:2

– Dɛnaa Lawa Pàãyiidɛnaa, Izirayeli a Lawa n kɛ pii: «Ma koen mɛnɛn da Zeruzalɛmu laanka Zudaa kiwin tɛnɛn mìi ni, táa ka bɛn yɛ. Pelo, ǹ tumaa kɛbɔlɔ baa, min goon din ba ǹ nɛ wa.

Zeremii 44:6

Bɛ lɛ nɛ má maa foo-yoo baraa kaa Zudaa kiwin laanka Zeruzalɛmu a ziin la. Ǹ nə́ kɛbɔlɔn baa, diə bǎã lɛa ka ka yii bɛ́ a ganaa lɔn pelo.»

Zeremii 6:9

Dɛnaa Lawa Pàãyiidɛnaa a da ǹ boo á ke: Izirayeli min gialakunun kɛn, ka ǹ tumaa goa, ka rezɛ̃ bɛ́ lɔn wuru-n. Ka n gɔn talaa *rezɛ̃ da lɛ la doo gunyin damata, ka ǹ dɛnaa bɛ́ zɛnɛɛ lɔn kaa-piɛ waáraa.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Amɔɔsi 3:1

Izirayeli minin lɛn, ka n too kɔ Dɛnaa Lawa kasɛn sɔmɔ lɛ a minin mɛnɛn waa, á ǹ bɔ Ezipti gána nɛ, a na á boo kɛ da ka dinin wɔ paǹ li, á pɛ kɛnɛn:

Zonaasi 4:3

Dɛnaa Lawa, masɛ nə n nyankoe máa n ma nyin bɔ gɔrɔ. A giala, gɛ̀ á soɛ masɛ ganaa tá kanaa nɛ.»

Misee 2:3

Bɛ lɛ na á toa, masɛ Dɛnaa Lawa á kɛ pii: Á ke, ma bɛ́ re sii mɛn diɛ kasɛn kɛn miãn tɔrɔ mìi ni, ka a re boe la ka n sɔlɔ a-n wa. Ka a re boe la ka tɔ wɔ ka mìi n lon wa, a giala, a n die goɛ̃ biikoo babaraa lɛa.

Timəə dí-pɛn 30:1

Ma boon mɛnɛn tumaa pɛ má ǹ kaa tán ka giulun, a bǐɛ̃ nɛ ka a baraa nɛ, bɛ̀ ǹ mɛn a sii dɔ ka ganaa ǹ mɛn waáraa, kaa Lawa, Dɛnaa Lawa lɛ bɛ́ re woe ka nɛ bǎã mɛn nɛ, ka n toa walan ka n taasɛ,

Timəə dí-pɛn 30:4

Haalɛ ta kaa min mɛnɛn man bɛ̀rɛn lɛa kanaa lɛ dàn ganaa, kaa Lawa, Dɛnaa Lawa lɛ á re woe ǹ kuĩ walan, a da ǹ sɔkɔn.

Sii-nyaan 6:16

Maǹ nə́ goã pii kelen lɛn manɛ ka gɛ̀fun lɛn nɛ: «Ka bɔ ka kaa wɔsɛn la, ka wɔsɛn duru, ń giɛ min mɛn bɛ́ giã-n kii dankan nɛ, bɛ yii baran wɔ yɛ wa, Sère Nɛ kɛ dɔ a foo-yoo baran dɔ wɔ ganaa wa.

Sii-nyaan 9:6

Bɛa mui sooro kɛ lɛ gɔ́ɔ̃ nɛ, minbuiinin tá re giɛ gɛ̀ li mà ǹ gã, sɛnɛ, ǹ ba re yii wa. Ǹ tá re n yiri koɛ gɛ̀ ganaa, sɛnɛ, gɛ̀ á re lɛ koe a n mɔrɔ ǹ ganaa wa.