Zeremii 7:9 - LAWA A BOO SONBORE

⁹ Ka ǹ wurumu biɛ, ka n gɛ̀ dii, ka n naarɛbaa zɛnɛɛ, ka nə n liɛ soɛ la, ka n da yon gìĩ kɔɔ̃n koe *Baali la, ka bɛ kaa lawa tiin mɛnɛn doɛ̃ wa ka n koe bɛn lɛ.

LAWA A BOO SONBORE 2011

⁹ Ka ǹ wurumu biɛ, ka n gɛ̀ dii, ka n naarɛbaa zɛnɛɛ, ka nə n liɛ soɛ la, ka n da yon gìĩ kɔɔ̃n koe *Baali la, ka bɛ kaa lawa tiin mɛnɛn doɛ̃ wa ka n koe bɛn lɛ.

Zeremii 7:9 ပူးပေါင်းရင်းမြစ်များ

Kiin1 18:21

Bɛ kio, Yilii nə́ n zɔ̃ á dɔ zaman lɛ tumaa li, á pɛ: «Yǎa biĩ kəni kaa yiri binbirin boe kɛ tɔ nə n danbiɛ? Bɛ̀ Lawa n ka Dɛnaa Lawa nɛ, ka kɔ lɛ, bɛ̀ Baali dɔ n doo ka kɔ lɛ.» Sɛnɛ zaman lɛ boo la a ná a lɛ si ka boo goon ne wa.

Bɔ bɛ̀rɛbaa nɛ 20:3

- N baran Lawa kɔsɔ guguru kɔ masɛ kio wa.

Izayii 1:13

Kaa Lawa gɔ ǹ màn ke, ka n susu ka bɛa koe ne. A là banban. A tɛmaa gìĩ kɔɔ̃n ke, bɛ tìĩ bɔ ma nyin ni. A giala, kaa mui dii zɔ́nɔn kɛn bɛ̀ ka ǹ zɛnaa, kaa susu ǹ piin kɛn nɛ, ka kaa zɔ́n dadaraan kɛn nɛ, ka n sii baraan zɛnɛɛ bɛn li. Ma a bɛ sii ma ganaa duduu wa.

Izayii 58:2

Lɛawaa tumaa li, maǹ nɔ̀n diɛ maa taasiɛn nɛ. Maǹ giɛ li ǹ ma foo siin dɔ̃. Maǹ nə́ kɔnbɔ ka tɔrɔ mɛn nə́ ke, koe peperebaa lɛ, ǹ nə́ ǹ ba ǹ Lawa a dí-pɛn tii wa. Maǹ kiri pepere li. Maǹ li ma goã mɔrɛɛ nɛ ǹ ganaa.

Zeremii 1:16

Ka bɛa yɔrɔ kɛ nɛ, ma á re maa dɔlɔ boe gána lɛa minin tumaa ganaa. Sonbore, ǹ nə́ sii bɔbɔnɛɛ zɛnaa, ǹ nə́ n la bɔ ma ganaa, ǹ nə́ wúlu mànan kɔ lawa kɔsɔn la, ǹ mànan mɛnɛn zɛnaa ka ǹ dinin gɔn nɛ, ǹ nə́ bɛn guguru kɔ.

Zeremii 11:13

Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃. Zeruzalɛmu a ziin bɛ mɔnaa-n lɔn kaa wúlu bɔ ǹ bǎãn kɛn sìi diɛ, bɛn dɔn man mɔnaa-n miɛ̃, kɛn lɛn ka n da yon gìĩ kɔɔ̃n tiɛ̃ ǹ ganaa dì *Baali wɔ lɛa.

Zeremii 11:17

Dɛnaa Lawa Pàãyiidɛnaa din na á n zumu. Sɛnɛ kanna, a n koe pii n ni Izirayeli minin laanka Zudaa minin sii baraa zɛnaan taman yii. A giala, maǹ nə́ wúlu mànan kɔ Baali la ǹ nə́ Dɛnaa Lawa foo yoo ne.

Zeremii 13:10

Tɔrɔ baraan manɛ. Ǹ ba n too koe maa da ǹ boon li wa. Maǹ nə n dinin foo kaka koe, ǹ paraamaa-n lawa kɔsɔn ganaa ǹ tá ǹ guguru koe. Ǹ tá re n biɛ ka maabɛlɛ kɛ bɛ́ lɔn, a na a màn kɔn bǐɛ̃ koe doo wa!»

Zeremii 18:15

A da yaa maa zaman yiri bɔ ma nɛ. Maǹ wúlu boe màn kooron ganaa. Bɛa màn kooron lɛn manə ǹ boe ǹ daɛ zii la, ǹ goã koe ziin mɛnɛn lɛ lɛlɛ, maǹ nə n boe n boe bɛn la, ǹ nə́ koe ziin kɔsɔn lɛ ǹ nə́ ǹ ba ǹ doɛ̃ wa.

Zeremii 19:4

A giala, Zudaa minin nə́ n la bɔ ma ganaa. Ǹ dinin lɛa nɛ, bǎã kɛ ba n doɛ̃ doo wa. Bɛa lawa tiin kɛn, ǹ nə́ ǹ ba ǹ doɛ̃ wa, ǹ dinin ni, ǹ digolon ne ka Zudaa kiin ni, maǹ nə́ *wúlu mànan kɔ bɛn la walan. Ǹ nə́ yii tì-an mà kaa walan.

Zeremii 32:29

Baabilonii minin nə́ yoo a gialaa, ǹ tá re kuĩ, ǹ tɛ da a ganaa. Minin nə da yon gìĩ kɔɔ̃n tã kionən hinlaa kalan mɛnɛn la *Baali wɔ lɛa, ǹ nə́ mi ǹ màn zuməə dì soreen wɔ lɛa ǹ la, ǹ nə́ ma foo da yoo ganaa nɛ, ǹ tá re tɛ diɛ bɛn ganaa.

Zeremii 44:3

Ǹ sii baraan mɛnɛn zɛnaa ǹ nə́ ma foo yoo ne, bɛ lɛ na á toa sii kɛ nə ǹ yɛ. A giala, maǹ nə́ da yon gìĩ kɔɔ̃n tã dì soreen manɛ, ǹ nə́ ǹ guguru kɔ, a da yaa, ǹ ba bɛa dìn lɛn dɔn dinin doɛ̃ wa, ka dɔn dinin ni ka ka dogolon dɔn ba ǹ doɛ̃ wa.

Zeremii 44:8

Ka ǹ ma foo yui ká kaa zɛnaa ǹ siin ni. A giala, ka ǹ da yon gìĩ kɔɔ̃n tiɛ̃ dì soreen manɛ Ezipti gána nɛ. Ka ǹ li ka papaã lenlen ka n bɔ gána lɛ nɛ, ka sii a kɔnboe baa kanaa a gánan tumaa yɔrɔ-a lɛn baraa bíi laanka sìi a paǹ li?

Zeremii 44:9

Ka yiri na á bɔ sii baraan kɛn nɛ ka ǹ zɛnaa Zudaa gána nɛ ka Zeruzalɛmu a ziin la ǹ nɛ? Kaa díin zɛnaa ǹ sii bɔbɔnɛɛn kɛn manɛ, Zudaa kiin wɔn nɛ, ǹ lɔn wɔn nɛ, ka dinin wɔn nɛ ka kaa lɔn wɔn nɛ.

Zeremii 48:35

Dɛnaa Lawa a da ǹ boo á ke: «Moabu minin mɛnɛn tumaa bɛ́ woe ǹ wúlu mànan koe ǹ nə́ da yon gìĩ kɔɔ̃n koe ǹ dìn la kelen la, ma á re bɛn tumaa dii.

Zeremii 5:2

Bɛ̀ ǹ tá liɛ we, maǹ pii: «Ma nə n liɛ ka Dɛnaa Lawa Yiikoonaa tɔ nɛ.» Sɛnɛ, ǹ liɛ tumaa n soɛ lɛa.

Zeremii 5:7

Man makara boe n ganaa lɔn kəni Zeruzalɛmu? N nɛnyaanan nə́ n la bɔ ma ganaa. Mànan mɛnɛn bɛ́ ǹ ba Lawa lɛa wa, maǹ liɛ we ka bɛn tɔ nɛ. Ǹ bɛ́ màn mɛn tumaa li, má a tumaa kɔ ǹ la. Sɛnɛ, ǹ nə́ naarɛbaa zɛnaa, ǹ nə́ kɔn nyɛnyɛnaa ǹ nə́ woo kɔrɔbaa ǹ kion.

Zeremii 7:6

Ka nyan mɛnaa tiin la, nɛ toenən ne ka lɔ giɔɔrɔn nɛ wa. Ka nyan yii tì-a mà kaa wa. Ka nyan kɔ lawa kɔsɔn lɛ wa, ǹ mɛnɛn lɛn bɛ́ koe boe ka-a.

Ezekieli 18:18

A díi lɛ sɛ bɛ́ na á pàã nyaa ǹ miãn manɛ, á wurumu baa, sii mɛn bɛ́ a siĩn wa á bɛ zɛnaa, a tɔrɔ minin bii, a din lɛ n die giɛ̃, a din a sii baraa zɛnaa taman yii.

Ezekieli 20:30

Bɛ lɛ taman yii, kɛ pɛ Izirayeli tɔrɔn lɛn manɛ: «Masɛ Dɛnaa Lawa gole n kɛ pii: Haya! Ka bɛ́ ká ka digolon giã ǹ gɔn saa, ká kɔrɔbaa zɛnaa kun ka ǹ dì bɔbɔnɛɛn kɛn nɛ, ka n ká *gɔ̀ da ka dinin ganaa.

Ezekieli 23:39

Bɛ̀ ǹ nə́ ǹ nɛnyaanan lɛn dɛ dìn ganaa ǹ mɛn pinaa, maǹ wusii bɛ̀ ǹ da wɔ maa kion sonbore kɛ nɛ a din pinaa, bɛ̀ ǹ bɛ dɔ ziziɛ̃. Ǹ sii mɛn zɛnaa maa kion lɛ nɛ, a din lɛ n ka bɛ nɛ.

Ezekieli 5:11

Dɛnaa Lawa a da ǹ boo á ke: Ma tɔ taman yii, ka bɛ́ ka *gɔ̀ da maa kion sonbore kɛ ganaa kaa sii babaraan kɛn tumaa laanka kaa sii bɔbɔnɛɛn kɛn tumaa nɛ, man die ka dii lenlen, ka ǹ bɛ́ min mìi koɛ̃ lenlen lɔn. Ma a re makara boe ka ganaa wa, ma a re ka toɛ walan wa.

Ozee 2:13

Ma á re a foo kɔɔ̃nbaa ǹ siin kɛn tumaa sàabiɛ: A zɔ́nɔn nɛ, a mui dii zɔ́nɔn nɛ ka a susu ǹ piin ni, ka lɛsɔkɔn kɛn tumaa nɛ á ǹ zɛnɛɛ.

Ozee 6:9

Ká wurumu kuru bɛ́ kuu koe minin ganaa lɔn, Lawa a wúlu-bɔlen kurun man nɛn bɛ̀ ǹ minin dɛ Sisɛmu zii la miɛ̃. Bɛa sii bɔbɔnɛɛ kɛ lɛ nɛ ǹ tá zɛnɛɛ.

Amɔɔsi 4:5

Izirayeli minin lɛn, ka kaa yɔ bù buurun lɛn tã, ka kaa Lawa gɔ ǹ mànan lɛn boo da, ka lɛn gole ne, a giala, bɛ lɛ n kɔɔ̃n ka ganaa. Dɛnaa Lawa a da ǹ boo ne.

Sofonii 1:5

Min mɛnɛn dɔn bɛ́, dii kalan ǹ tá lon mànan guguru koe ma á re bɛn bɔ̀n biɛ. Min mɛnɛn bɛ́ masɛ guguru koe ǹ wusoo doo ǹ nə n liɛ ka ǹ dì Molɛki ni ma á re bɛn dɔn bɔ̀n biɛ.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Rɔmu minin 2:2

Wɔ́ dɔ̃ mà min mɛnɛn bɛ́ bɛa siin kɛn zɛnɛɛ, mà á pepere, Lawa kiri kuru ǹ la.

Timəə dí-pɛn 32:17

Maǹ wúlu mànan koe nɔ̀ɔnɔn la, a da ya bɛn dɔn bie Lawa lɛa wa. Maǹ wúlu mànan koe dìn la, a da yǎa ǹ ba ǹ doɛ̃ lɛlɛ wa. Maǹ koe dì soreen la, a da yaa, ǹ din dinin nə bɛn guguru kɔ wa.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»

Sii-nyaan 22:15

Sɛnɛ, min baraan nɛ, minin yiri sã ǹ dagòã-bɔlen ne, min gɛsɛn nɛ, gɛ̀-dɛlen ne, dì wúlu-bɔlen ne, ka min mɛnɛn tumaa bɛ́ soɛ-bɔ narɛ, ǹ ná a sii zɛnɛɛ, bɛn kɔ́n ba re we kiwi lɛ gɔ́ɔ̃-n wa.

Sii yɔrɔ-bɔlen 5:8

Maǹ nə́ goã lawa tiin boe, bɛ lɛ nɛ, zia goã yui ǹ ganaa. Izirayeli giĩ duu pusi bii, á kaka n goóro laanka sɛmiɛ̃ yɛ ǹ gɔn.