Zeremii 7:8 - LAWA A BOO SONBORE

⁸ Sɛnɛ, ka foo n doa-n soɛ boon ganaa, là goon ná a ba ǹ ganaa wa.

LAWA A BOO SONBORE 2011

⁸ Sɛnɛ, ka foo n doa-n soɛ boon ganaa, là goon ná a ba ǹ ganaa wa.

Zeremii 7:8 ပူးပေါင်းရင်းမြစ်များ

Izayii 28:15

Ka ǹ pii: «Wɔ́ lɛ kɔ kɔn la wɔ ka gɛ̀ nɛ, wɔ́ lɛ kɔ kɔn la wɔ ka geren ne. Bɛ̀ koe daa, a re wɔ yii wa. A giala, soɛ n wɔa mìi duru ǹ bǎã lɛa, màn mɛn bɛ́ a taãn lɛa wa, bɛ n wɔa duru ǹ bǎã lɛa.»

Izayii 30:10

Maǹ pii sii-nyaalin manɛ: «Ka nyan sii-nyaa yɛ doo wa.» Maǹ pii Lawa a boo gii-dalin manɛ: «Ka nyan Lawa a boo gii da wɔ-n doo wa. Boo mɛn bɛ́ sonbore lɛa, ka nyan bɛ pɛ wɔ-n doo wa. Boo mɛn bɛ́ kɔɔ̃n wɔ too ne, haalɛ ta a n soɛ lɛa, ka bɛ pɛ wɔ nɛ.»

Izayii 59:4

Min kɔn ba woe kiri wɔ ǹ bǎã nɛ peperebaa a lɛa wa. Min kɔn ba kiri kuri ka sonborebaa-n wa, ka nə n foo doɛ sii kooron ganaa, ka n soɛ boe, Ka nə n taasɛ sii baraa zɛnaa ganaa, ka n koe yii nɛ lɛa.

Zeremii 13:25

Dɛnaa Lawa a da ǹ boo á ke: Zeruzalɛmu, sii mɛn bɛ́ re n yii, ma sii mɛn yɔrɔ bɔ n wɔ lɛa, bɛ á ke. A giala, n yiri bɔ ka ma nɛ ń nə n foo doa lawa kooron ganaa.

Zeremii 23:26

Bɛa Lawa a boo gii-dalin lɛn man soɛ boon diɛ, ǹ nə́ ǹ dinin taasiɛn pii. Bɛ n die beleboe yǎa biĩ kəni?

Zeremii 23:32

Ma á re yui ǹ gialaa. Ǹ narɛɛn man soɛn lɛa. Bɛ̀ ǹ tá ǹ kalɛɛ maa zaman yɔrɔ-a, boo kooron dininsɔɔ̃nɔn manɛ. Ma ǹ dia wa, ma zii kɔ ǹ la wa. Ǹ là goon din ba maa zaman ganaa wa. Dɛnaa Lawa a da ǹ boo ne.

Zeremii 28:15

Lawa a boo gii-dali Zeremii wusoo doo á pɛ Lawa a boo gii-dali Anania-n kɛnɛn: – Anania, n too kɔ taãn nɛ! Soɛ boon manɛ n tá zaman lɛ foo taɛ̃ nɛ. Dɛnaa Lawa bie á n dia wa.

Zeremii 4:10

Ma á re pii kəni: – Áh! Dɛnaa Lawa, ń zaman lɛ laanka Zeruzalɛmu minin yiri sã taãn-taãnɛ, bɛ̀ n bɛ n goã ń pɛ: «Ka á re yii-nyɛɛ yii.» Sɛnɛ, gɔya sa n zoɛ̃ li á wɔ nyin boe.

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Zeremii 7:4

Ka ǹ pii: «Lawa a kion nə kànaa, Lawa a kion nə kànaa, Lawa a kion nə kànaa. Ka nyan nə dinin sã ka bɛa soɛ boon kɛn nɛ wa.»

Zeremii 8:10

Dɛnaa Lawa pɛ: Á bǐɛ̃ kɔ, Man die ǹ lɔn koe min kɔsɔn la, ma ǹ wurun kɔ ǹ kũ wolen la. A giala, a kũ ǹ boɛɛndɛnaa ganaa a wo ǹ goledɛnaa yaa, ǹ tumaa n giɛ là li. A kũ Lawa a boo gii-dalin ganaa a wo Lawa a wúlu-bɔlen yaa, ǹ tumaa n kɔkɔrɔ.