Zeremii 7:6 - LAWA A BOO SONBORE

⁶ Ka nyan mɛnaa tiin la, nɛ toenən ne ka lɔ giɔɔrɔn nɛ wa. Ka nyan yii tì-a mà kaa wa. Ka nyan kɔ lawa kɔsɔn lɛ wa, ǹ mɛnɛn lɛn bɛ́ koe boe ka-a.

LAWA A BOO SONBORE 2011

⁶ Ka nyan mɛnaa tiin la, nɛ toenən ne ka lɔ giɔɔrɔn nɛ wa. Ka nyan yii tì-a mà kaa wa. Ka nyan kɔ lawa kɔsɔn lɛ wa, ǹ mɛnɛn lɛn bɛ́ koe boe ka-a.

Zeremii 7:6 ပူးပေါင်းရင်းမြစ်များ

Kiin2 21:6

A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔn-baa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.

Kiin2 24:4

a goã á zɛ̀rɛbaãnaan mà mɛn kaa á Zeruzalɛmu kiwi gɔ́ɔ̃ pã nɛ, bɛ lɛ dɔ taman yii ni. A giala Dɛnaa Lawa lɛ kɔ á bɛ toa-n wa.

Loen 106:38

Ǹ nə́ zɛ̀rɛbaa᷉naan mà kaa, ǹ nɛgiĩn laanka ǹ nɛlɔn kɛn lɛn mà kɛ lɛ. Ǹ dinin man nə́ bɛa nɛnyaanan lɛn dɛ wúlu mànan lɛa, Kanaan gána a dìn ganaa. Ǹ nə́ gána lɛ tii ka bɛa mà damata kɛ nɛ.

Suusun 23:10

N nyan gèlè la ǹ kɔlɔ zɔ̃ wa, n nyan tán si nɛ toenən la wa.

Izayii 59:7

Ka gòã yii n fuu sii baraa zɛnaa ganaa. Ka nə n nanaɛ̃ woe yii tì-an mà kiɛ. Ka ǹ sii baraa zɛnaa dinsɔɔ̃ taasɛ. Ka bɛ boe bǎã mɛn tumaa nɛ, kakaarɛbaa laanka basaã nɛ.

Zeremii 13:10

Tɔrɔ baraan manɛ. Ǹ ba n too koe maa da ǹ boon li wa. Maǹ nə n dinin foo kaka koe, ǹ paraamaa-n lawa kɔsɔn ganaa ǹ tá ǹ guguru koe. Ǹ tá re n biɛ ka maabɛlɛ kɛ bɛ́ lɔn, a na a màn kɔn bǐɛ̃ koe doo wa!»

Zeremii 19:4

A giala, Zudaa minin nə́ n la bɔ ma ganaa. Ǹ dinin lɛa nɛ, bǎã kɛ ba n doɛ̃ doo wa. Bɛa lawa tiin kɛn, ǹ nə́ ǹ ba ǹ doɛ̃ wa, ǹ dinin ni, ǹ digolon ne ka Zudaa kiin ni, maǹ nə́ *wúlu mànan kɔ bɛn la walan. Ǹ nə́ yii tì-an mà kaa walan.

Zeremii 2:30

Ma kaa nɛnyaanan dɛ, sɛnɛ a là goon yɛ wa. Ka golee maa doroon li wa. Ka yàra basaã-kɔle bɛ́ lɔn, ka kaa Lawa a dia dí-a wolen yii dɛ.

Zeremii 2:34

Doobaan laanka yii tì-an mà nə n mɔnaan ganaa, a da yaa dɔn n bie n woo ǹ tɔwaa n kiɛnlɛ yiɛ wa.

Zeremii 26:15

Sɛnɛ, ka doamaa-n ka sii goon dɔ̃. Bɛ̀ ka ma dɛ ma gã, kasɛn, Zeruzalɛmu laanka a minin, ka dɔ̃ mà zɛ̀rɛbaãdɛnaa a gɛ̀ n kuĩ ka mìi ni. A giala, Dɛnaa Lawa na á ma dia sonbore mà ma da boo kɛ tumaa pɛ ka nɛ.»

Zeremii 26:23

Ǹ nə́ bɔ ka Uria nɛ Ezipti gána nɛ ǹ nə́ daa nɛ, ǹ nə́ woo-n kii lɛ li. Zozakimu nə ǹ da a dɛ ganaa, ǹ ná a gere zũ geren kaa ǹ nyankɔrɔ gole kɛ nɛ.

Zeremii 35:15

Biikoo tumaa li, má maa dí-nyalin maa Lawa a boo gii-dalin dia ka la. Kɔn kio ganaa, maǹ nə́ goã pii ka nɛ: «Didie tumaa na a giã ǹ gɔn baraa kaa. Ka sii zɛnaa a yɔrɔ li. Ka nyan kɔ dì kɔsɔn lɛ ka ǹ guguru kɔ wa. Ma gána mɛn kɔ ka laanka ka digolon la, ka á re boe la ka giã bɛ-n kəni.» Sɛnɛ, ka n too da wa, ka n too kɔ ma lon wa.

Zeremii 5:28

Ǹ nə́ kã, ǹ wìi wɔ. Maǹ sii baraa zɛnɛɛ yǎa ǹ kiɛ̃ a dan la. Sɛnɛ ǹ sii tumaa n bǐɛ̃ koe. A da yaa ǹ ba nɛ toen a zia gii diɛ wa, ǹ ba kiri pepere we doobaan lɛa wa.

Zeremii 7:5

Sɛnɛ, ka kaa giã ǹ gɔn laanka kaa zɛnaa ǹ siin bɔyaa ka ka foo tumaa nɛ, ka kiri pepere wɔ kɔn nɛ.

Zeremii 7:9

Ka ǹ wurumu biɛ, ka n gɛ̀ dii, ka n naarɛbaa zɛnɛɛ, ka nə n liɛ soɛ la, ka n da yon gìĩ kɔɔ̃n koe *Baali la, ka bɛ kaa lawa tiin mɛnɛn doɛ̃ wa ka n koe bɛn lɛ.

Busii pɛ 4:13

Bɛ na á giala yɛ miɛ̃, Lawa a boo gii-dalin laanka Lawa a wúlu-bɔlen sii baraan taman yii. A giala, ǹ dinin maǹ nə́ toa Lawa bɔlɔ-sili sonboren mà kaa kiwi lɛ nɛ.

Ezekieli 18:6

Bɛa dɛnaa lɛa woe wúlu bɔ ǹ mànan kɛn bii kele la wa, a ba Izirayeli tɔrɔn kɛn dìn guguru koe wa. A ba we ǹ miã kɔsɔ a lɔ lɛ wa, bɛ̀ lɔ a lɛawaa tá a ganaa, a ba diɛ pìi-n wa.

Ezekieli 22:7

Maǹ díi laanka náa puusə koe n piɛ Zeruzalɛmu. Maǹ mɛnɛɛ tiin la kiwi lɛ nɛ, ǹ nə́ boe nɛ-toenən laanka lɔ giɔɔrɔn yii ni.

Lawa a wúlu-bɔlen 19:33

Bɛ̀ min daa gùli kɔ ka li kaa gána lɛ nɛ, ka baran bɔ a yii-n wa.

Lawa a wúlu-bɔlen 25:17

Min kɔn nyan toa a mɛnaa ǹ miã la wa. Bɛ lɛ n nyɛɛ, mà ka tá nyɛ́ɛbiɛ kaa Lawa nɛ. A giala, ma din Dɛnaa Lawa n kaa Lawa lɛa.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Matiə 27:25

Zaman lɛ tumaa tɔ́n pɛ: «A gɛ̀ lɛ a koen nə goã wɔsɛn dinin laanka wɔa nɛnyaanan mìi ni!»

Matiə 27:4

á pɛ ǹ nɛ: «Maa zɛ̀rɛ baãnaa kɔ ka la ke, má sii baraa zɛnaa!» Ǹ nə́ tɔ́n pɛ nɛ: «Wɔsɛn wàa n sii n bɛ nɛ? N din mìi gɔ́ɔ̃ ǹ sii ni!»

Timəə dí-pɛn 11:28

Sɛnɛ, ma bɛ́ zii mɛn nyɛɛ ka-n pelo, bɛ̀ ká kanaa ká n bɔ bɛ la ká woo lawa kɔsɔn kio, ka bɛ́ ka ǹ mɛnɛn dɔ̃ lɛlɛ wa, bɛ̀ ka n too kɔ Dɛnaa Lawa a gɔn waa ǹ boon kɛn li wa, kaa wɔ na á ziziɛ̃.

Timəə dí-pɛn 24:17

Ka nyan sii kɔkɔrɔ zɛnaa ka mɛnaa gùli laanka nɛ toen la wa. Ka baran lɔ giɔɔrɔ a mɔnaan si la giɔ̀mɔ lɛ koa ǹ màn lɛa wa.

Timəə dí-pɛn 27:19

Bɛ̀ min mɛn sii kɔkɔrɔ zɛnaa á mɛnaa gùli la, nɛ-toen hinlaa lɔ giɔɔrɔ la, bɔ̀n na á bɛa dɛnaa yɛ! Bɛ kio, zaman lɛ tumaa pɛ: «A n miɛ̃!»

Timəə dí-pɛn 8:19

Sɛnɛ, bɛ̀ ka yiri bɔ ka kaa Lawa, Dɛnaa Lawa kɛ nɛ, bɛ̀ ká kɔ lawa kɔsɔn kio lɛ, bɛ̀ ká kaa tán bɛn giulun ká ǹ guguru kɔ, man diɛ ka yiri-a pelo: ka á re papaɛ̃ lenlen.

Zaaki 1:27

Zii mɛn bɛ́ siĩni, á n pepere dɔn Díi Lawa yɔrɔ-a, bɛ n ka kɛ nɛ: N nə n dɔ nɛ-toenən laanka lɔ giɔɔrɔn lɛ ǹ nɔmaa gɔ́ɔ̃ nɛ, n nə n parabaa ka kanaa siin ni, màn mɛn bɛ́ toɛ, n baran gɔ̀ lɔ n din ganaa wa.