Zeremii 7:34 - LAWA A BOO SONBORE

³⁴ Zudaa kiwin ni, Zeruzalɛmu a ziin la, ma á re zɔ́n bìndiɛn lɛ kuri, foo kɔɔ̃n lɛ-dɛ nɛ, lɔ tii ǹ zuũ laanka lɔ tii a loe ne. Sonbore, gána lɛ n die kɛbɔlɔ biɛ.»

LAWA A BOO SONBORE 2011

³⁴ Zudaa kiwin ni, Zeruzalɛmu a ziin la, ma á re zɔ́n bìndiɛn lɛ kuri, foo kɔɔ̃n lɛ-dɛ nɛ, lɔ tii ǹ zuũ laanka lɔ tii a loe ne. Sonbore, gána lɛ n die kɛbɔlɔ biɛ.»

Zeremii 7:34 ပူးပေါင်းရင်းမြစ်များ

Zɔbu 3:7

Sonbore, n nyan toa là goon din yɛ bɛa tèlò kɛ ganaa wa, n nyan toa foo kɔɔ̃nbaa ǹ lɛ-dɛ kɔ́n bɔ a-n wa.

Loen 78:63

Zia nə́ ǹ tɔntɔraan bii, ǹ nɛlɔn kɛn, giĩn nə yɛ bɛn wɔ lɛa doo wa.

Izayii 1:7

Kaa gána n kɛbɔlɔ lɛa. Tɛ kaa kiwin kũ. Tiin man kaa wurun ziziɛ̃ ka dinin yii ni. Kaa wurun man ka kɛbɔlɔ bɛ́ lɔn, ká kaa zɔ́ɔn man nə́ bɔ ǹ nɛ.

Izayii 3:26

Bɛa biikoo li kəni, kiwi min tumaa á re gɛ̀ koɛ, ǹ gini ka lɔ mɛn nə́ ke giã-n tán furu-n, a gɔn màn tumaa bɔ̀n baa.

Izayii 6:11

Má tɔ́n nɔ̀n da: «Yǎa biĩ kəni Dɛnaa?» Á ma lɛ si kɛnɛn: «Yǎa bɛ̀ ǹ nə́ ǹ kiwin lɛn yu lenlen, min goon ná a ba ǹ nɛ wa, bɛ̀ ǹ nə́ ǹ kionən gɔ́ɔ̃ duduu, ǹ wurun nə́ diə gole baa.»

Zeremii 16:9

Masɛ Pàãyiidɛnaa Lawa, Izirayeli a Lawa a da ǹ boo á ke: «Ma á re zɔ́n bìn diɛn lɛ kuri, foo kɔɔ̃n lɛ-dɛn nɛ ka kɔn-wɔle tiin loen ne. Bɛ n die n zɛnɛɛ ka yii ni kaa yiikoonaabaa gɔ́ɔ̃ nɛ kànaa dinin.»

Zeremii 22:6

Dɛnaa Lawa bɛ boo mɛn diɛ Zudaan kii a kion a paǹ li, á ke: N siĩnbaa n ka Galaati a daã kɛ wɔ bɛ́ lɔn, ka Liban a kele mìin kɛn nɛ. A da yaa, sàabaa ba la wa, man die n biɛ diə gole lɛa, kɛbɔlɔ lɛa.

Zeremii 25:10

Ma á re zɔ́n bìn-diɛn sàabiɛ, foo kɔɔ̃n lɛ-dɛn nɛ, ka kɔn-wɔle tenən loen ne. Wii lɔ ǹ gii wuu a re boe doo wa, bolonən ba re fúlu kiɛ doo wa.

Zeremii 27:17

Ka nyan nə n too kɔ ǹ lon wa. Ka dí nya Baabilonii n kii ni. Ka yii á re goɛ̃ koo. Wàa n die toɛ kaa kiwi kɛbɔlɔ baa?»

Zeremii 33:10

Dɛnaa Lawa n kɛ pii: – Kasɛn Zudaa minin, ka ǹ pii: «Gána lɛ n diə lɛa, minbuiin nɛn ba a-n wa, tɔɔn ba a-n wa. Sonbore ne, Zudaa laanka Zeruzalɛmu, kaa kiwin lɛn kooromaa nɛ. Min goon din ba kaa ziin la wa. Haalɛ tɔɔ din.

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Zeremii 4:26

Man giɛ, á ke, gána sonbore lɛ diə gole baa. Ǹ ná a kiwin tumaa ziziɛ̃. Dɛnaa Lawa a lɛa nɛ, ka a foo-yoo baraa kɛ nɛ.

Zeremii 4:27

Dɛnaa Lawa bɛ́ boo mɛn diɛ, á ke: Gána lɛ tumaa á re n bɔyɛɛ a diə gole baa, sɛnɛ, ma a re ziziɛ̃ lenlen wa.

Zeremii 44:6

Bɛ lɛ nɛ má maa foo-yoo baraa kaa Zudaa kiwin laanka Zeruzalɛmu a ziin la. Ǹ nə́ kɛbɔlɔn baa, diə bǎã lɛa ka ka yii bɛ́ a ganaa lɔn pelo.»

Busii pɛ 5:14

Min golen ba woe kiwi lɛ a kiɛnlɛ-a doo wa. Tɔntɔraan nə́ loe lɔ lɛ da.

Ezekieli 26:13

Ma á re n kurii n loen kɛn lɔ ganaa, n tùtun kɛn wuu á re boe doo wa.

Ezekieli 7:11

Kakaarɛbaa na á yoo á golee, á gole kɔ sii baraa zɛnaa taman yii. Ka kɔn ba re goɛ̃ wa, kaa gugurubaa nɛ, ka gɔn mànan nɛ, ǹ kɔn ba re goɛ̃ wa.

Ozee 2:11

Bɛ lɛ na á toa, ma á re maa belee kuĩ ma si la, a kurii biikoo li, ma á re maa rezɛ̃ kuĩ ma si la, a ma biikoo li. Sère ka mɔnaa laanka gɛ̀sɛ sonbore mɔnaa ke, ǹ mɛnɛn lɛn bɛ́ a sìi duri, ma á re bɛn wɛɛ, ma ǹ bɔ a ganaa.

Ozee 2:13

Ma á re a foo kɔɔ̃nbaa ǹ siin kɛn tumaa sàabiɛ: A zɔ́nɔn nɛ, a mui dii zɔ́nɔn nɛ ka a susu ǹ piin ni, ka lɛsɔkɔn kɛn tumaa nɛ á ǹ zɛnɛɛ.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Misee 7:13

Sɛnɛ, kanaa lɛ gɔ́ɔ̃ kooro á die goɛ̃, kanaa minin lɛn dinin zɛnaa ǹ sii taman yii, ǹ nya ǹ dín lɛn saraa nɛ.

Sii-nyaan 18:23

Bólon fúlu a re yii a-n doo wa. Tɔntɔraa kɔn-wɔle laanka a lɔ lɛ a re boe a-n doo wa. A din a pii-kɔlen man nə́ goã pàãdɛnan lɛa kanaa, a din dɔ na á goã tɔrɔn tumaa a minin yiri siɛ̃ ká a gɔ́ɔ̃ tìbaa ǹ dagòãn nɛ.»