Zeremii 7:31 - LAWA A BOO SONBORE

³¹ Inɔn a nyankɔrɔ basa kɛ nɛ, ǹ nə́ *wúlu bɔ ǹ bǎã koa walan a tɔ n Tofɛti. Maǹ nə ǹ nɛgiĩn laanka ǹ nɛlɔn tiɛ̃ wúlu màn lɛa walan. A da yaa, ma bɛa zii kɔ min kɔn la wa. Ma bin nə n taasɛ ka bɛ n duduu wa.

LAWA A BOO SONBORE 2011

³¹ Inɔn a nyankɔrɔ basa kɛ nɛ, ǹ nə́ *wúlu bɔ ǹ bǎã koa walan a tɔ n Tofɛti. Maǹ nə ǹ nɛgiĩn laanka ǹ nɛlɔn tiɛ̃ wúlu màn lɛa walan. A da yaa, ma bɛa zii kɔ min kɔn la wa. Ma bin nə n taasɛ ka bɛ n duduu wa.

Zeremii 7:31 ပူးပေါင်းရင်းမြစ်များ

Kiin2 17:17

Ǹ nə́ ǹ nɛgiĩn laanka ǹ nɛlɔn tã wúlu mànan lɛa, ǹ nə́ wɔ kũ, ǹ nə́ boobaa ǹ dí nya. Ǹ nə́ ǹ dinin kɔ dí baraa nya la, Dɛnaa Lawa yɔrɔ-a, yǎa ǹ nə́ Dɛnaa Lawa foo yoo.

Kiin2 23:10

*Wúlu màn tã ǹ bǎã mɛn goã Tofɛti, Bɛn-Inɔmu a nyankɔrɔ lɛ kɛ nɛ, kii lɛ bɛ dɔ soɛ̃ yiɛ, màn mɛn bɛ́ toɛ, min kɔn baran a nɛginin hinlaa a nɛlɔ tã wúlu màn lɛa, dì Molɛki wɔ lɛa wa.

Kiin2 23:20

Dì wúlu bɔ ǹ bǎãn wúlu-bɔlen mɛnɛn tumaa goã walan, Zoziasi bɛn tumaa dɛ wúlu bɔ ǹ bǎãn lɛn la, á minbuiin wen dɔn tã ǹ la. Bɛ kio, á wusoo á daa Zeruzalɛmu.

KZS2 28:3

A n màn gìĩ kɔɔ̃n koe Inɔn a nyankɔrɔ basa kɛ nɛ, a na a nɛnyaanan tiɛ̃ *wúlu màn lɛa ka tɔrɔn kɛn wɔ bɛ́ lɔn, sii bɔbɔnɛɛn zɛnɛɛ, Dɛnaa Lawa nə́ ǹ loo á ǹ bǎã kɔ Izirayeli minin la.

KZS2 33:6

A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔnbaa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.

Izayii 30:33

Tɛ kɔn yɔrɔ boemaa nɛ haalɛ bibi, a n Asiiriin kii wɔ lɛa. Yala zuzulu pəmə goon gɔ́ɔ̃ nɛ, maǹ nə́ gɔn da kɔn la buurii ni tɛ lɛ wɔ lɛa. Dɛnaa Lawa lɛ gɔ́ɔ̃ ǹ piɛ̃ ke ka kiribi tɛdɛnaa bɛ́ lɔn, bɛ n die tɛ lɛ diɛ.

Izayii 57:5

Dan mɛnɛn bɛ́ kɔɔ̃n ka ganaa, ka n kɔrɔbaa zɛnɛɛ bɛn giulun, ka da mɛn tumaa bɛ́ ǹ luu n kɛkɛ. Ka n kaa nɛnyaanan koe *wúlu màn lɛa mu ziin ganaa, ka gɛ̀fu yalan nɛ.

Zeremii 19:2

Bɔ kiɛnlɛ kɛ nɛ ǹ nə́ bíi "dɔnɔn kiɛnlɛ", n wo Inɔn nyankɔrɔ lɛ kɛ nɛ. Ma bɛ́ re boon mɛnɛn pii n ni, n lɛ dɛ ǹ nɛ walan.

Zeremii 2:23

N nə n siɛ lɔn n tá pii mà n nə n din gɔgɔrɛ kɔ wa, mà n Baalin guguru kɔ wa. Ga n giã ǹ gɔn ganaa nyankɔrɔ basa kɛ nɛ. Lɛ kɔ n sãn ganaa. N nə n kɔnbɔ nyɔɔmaa dan ten ne, baa sii paǹ yii li.

Zeremii 32:34

Maǹ nə́ ǹ dì nyín bɔbɔnɛɛn kɛn kaa kion kɛ nɛ ma tɔ n la, ǹ nə́ *gɔ̀ da a ganaa.

Zeremii 32:35

Inɔn nyankɔrɔ basa nɛ, ǹ nə́ *wúlu bɔ ǹ bǎã dɔ dì Baali wɔ lɛa. Ǹ nə́ ǹ nɛgiĩn laanka ǹ nɛlɔn tã *wúlu màn lɛa dì Molɛki ganaa. A da yaa ma bɛa nɔ̀n da ǹ la wa, a taasiɛ din da ma yiri-n wa. Bɛa sii bɔbɔnɛɛn lɛn zɛnaa Zudaa minin dɔn kaa sii baraa zɛnaa nɛ.

Ezekieli 16:20

Zeruzalɛmu, n nɛgiĩn laanka n nɛlɔn nɛ, n nə ǹ mɛnɛn lɛn yɛ masɛ wɔn lɛa, ń wusoo ń wúlu bɔ ka bɛn nɛ, bɛa dìn lɛn ganaa. N bɛ kɔrɔbaa mɛn zɛnɛɛ, bɛ na a goã n boe wa?

Ezekieli 20:26

Má toa ǹ nə́ gɔ̀ da ǹ dinin ganaa ka ǹ wúlu mànan kɛn nɛ, ǹ nə́ wúlu bɔ ka ǹ nɛgiĩ bibinaa tumaa nɛ. Man má toa ǹ nə́ bɛa sii bɔbɔnɛɛ kɛ lɛ zɛnaa ǹ dinin manɛ, màn mɛn bɛ́ toɛ ǹ dɔ̃, mà ma din nə Dɛnaa Lawa lɛa.»

Ezekieli 20:31

A da kaa pelo lɛ, ka n ká gɔ̀ da ka dinin ganaa ka kaa dìn kɛn lɛn tumaa nɛ. Ka nə ǹ goe ka mànan nɛ, ka n kaa nɛnyaanan tiɛ̃ *wúlu màn lɛa. Izirayeli tɔrɔn lɛn, man ka toɛ bɛ lɛ zɛnɛɛ kəni, ma wusoo ma lɛ kɔ ka nɔ̀n da ma la ka sii ni? Bɛ̀ ma toa ka nɔ̀n da ma la ka sii ni, ma din Lawa yiikoonaa kɛ bie wa. Ma din Dɛnaa Lawa a da ǹ boo ne.

Lawa a wúlu-bɔlen 18:21

Min kɔn baran toa a na a nɛ kɔ, ǹ wúlu bɔ nɛ dì Molɛki kɛ ganaa wa. Min kɔn baran toa a Lawa tɔ ziziɛ̃ wa. Masɛ din ni Dɛnaa Lawa lɛa.

Misee 6:7

Dɛnaa Lawa n giɛ sère gɔ̀lɔ̀ duu damata li wúlu màn lɛa? Hinlaa a n giɛ nyɔɔ gigiã li? Ma doamaa-n ma maa nɛgiĩ bibinaa kɔ, maa bɔlɔ-tii kɛa lɛa? Ma doamaa-n ma maa yɛ ǹ nɛ kɔ, maa sii baraan kɛn lɛa?

Timəə dí-pɛn 12:31

Ka nyan nə ǹ wɔ kɛ tɔrɔ zɛnaa, kaa Lawa, Dɛnaa Lawa lɛ-n wa. A giala, sii mɛn tumaa bɛ́ sii bɔbɔnɛɛ lɛa Dɛnaa Lawa yii li, a ná a ba li wa, maǹ nə́ bɛ zɛnaa ǹ dìn lɛn manɛ. Minin dinin nə́ ǹ nɛgiĩn laanka ǹ nɛlɔn kɔ dìn lɛn la, ǹ nə́ ǹ tã.

Timəə dí-pɛn 17:3

Ǹ dɛnaa á die woe lawa kɔsɔn guguru koe a kaa tán bɛn giulun, á re kiɛ tán wasa din giulun, mui ni ka lon gɔ́ɔ̃ nɛ ǹ mànan tumaa nɛ. A da yaa, ma bɛ pɛ ka-n wa.

Timəə dí-pɛn 18:10

Min nyan yɛ ka bii, á n wúlu boe ka a nɛgiĩ hinlaa ka a nɛlɔ-n wa. Min nyan yɛ ka bii, a n wɔ-kũlibaa ǹ dí hinlaa boobaa ǹ dí nyɛɛ wa. A nyan yɛ ka bii min lɛa giɛ siin ganaa a ná a giala pii, hinlaa kɔnkoã lɛa wa.

Zozoe 15:8

Gèlè lɛ n wusii a kɔ Bɛn-Inɔn a nyankɔrɔ basa kɛ wàã lɛ doo, dia-n woe Zebuzu kiwi kɛa gusin a lɛ̀gɔn la. Zebuzu lɛ nɛ ǹ tá bii Zeruzalɛmu. A n woe yǎa kele kɛ mìi ni Inɔn a nyankɔrɔ basa lɛ a lɛ̀nyɛɛnɛ, a Refayimu minin nyankɔrɔ basa kɛ da a nɛ, gɔsɛ a lɛ̀gɔn la.