Zeremii 6:8 - LAWA A BOO SONBORE

⁸ Zeruzalɛmu, lɛ kɔ maa doroon ganaa, bɛ bie wa, man die n lɛ boe n ganaa, ma n baa diə gole lɛa, tán lɛa min ná a boe la a giã la wa.

LAWA A BOO SONBORE 2011

⁸ Zeruzalɛmu, lɛ kɔ maa doroon ganaa, bɛ bie wa, man die n lɛ boe n ganaa, ma n baa diə gole lɛa, tán lɛa min ná a boe la a giã la wa.

Zeremii 6:8 ပူးပေါင်းရင်းမြစ်များ

Loen 2:10

Haya! KIIN lɛn, ka yiri yɛ kanna kəni. Kanaa a pàãdɛnan lɛn, ka toa ka doroo ma.

Loen 50:17

N bɛ́ ń maa doroo tii, ń nə́ n piã ka maa boo ne.

Loen 94:12

Dɛnaa Lawa, n bɛ́ min mɛn doree, n nə́ daraa koe la ka n din a boo ne, bɛa dɛnaa wɔ na á bǐɛ̃ kɔ.

Suusun 19:20

N too kɔ doroo li, n lɛ kɔ daraa ganaa. Ka bɛ nɛ, n tá re sii-doɛ̃ yii.

Suusun 4:13

N doroo mɛn yɛ, kũ sɔnbɔraanɛ, n nyan nə n la a ganaa wa. A kũ doɛ̃, a nə yii toɛ koo.

Zeremii 17:23

Ǹsɛn nə n too kɔ wa, ǹ nə n too da wa. Ǹ nə́ n mìi laa, ǹ nə́ n piã ka maa gɔn waa nɛ, ǹ lɛ kɔ a ganaa wa.»

Zeremii 2:15

Yàran man lɛ biɛ a ganaa, maǹ wɔɔsaa we a ganaa, ǹ ná a gána ziziɛ̃ lenlen, ǹ nə́ tɛ da a kiwin ganaa. Màn kɔn ba giã nɛ a-n doo wa.

Zeremii 31:19

Taãn nɛ, wɔ́ n wɔlɔ lui n ganaa. Sɛnɛ sisia, bɛ n busi wɔ ganaa. Wɔ́ wɔa sãn dɔ̃, wɔ́ na ǹ nɛ kanna. Wɔa yii gugurubaa nya, sìi nə n kɔ wɔ lɛ. Sonbore, wɔ́ sii baraa zɛnaa wɔa tenmaa waáraa. Bɛa nɔmaa n ke wɔ gialaa.»

Zeremii 32:33

Màn mɛn tá-a ǹ nə n bɔyaa ǹ da masɛ li, maǹ nə́ n dɔ̀ɔ̃ wɔ ma nɛ. A da yaa, biikoo tumaa li, má ǹ daraa, sɛnɛ, ǹ nə n too kɔ ma lon wa, ǹ lɛ kɔ maa daraan ganaa wa.

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Zeremii 7:20

Bɛ lɛ nɛ, Dɛnaa Lawa pɛ: «Man die maa foo-yoo baraa kiɛ kiwi kɛ la, a minin ni a tɔɔn nɛ, kɔnlɛ ka a dan laanka a tán kɔsiɛ mànan nɛ. Á die n biɛ ka tɛ bɛ́ lɔn a ná a nimi wa.»

Zeremii 7:28

Ka bɛ nɛ, n tá re pii ǹ ni kɛnɛn: «Ka ǹ zaman lɛa, zaman mɛn bɛ́ a ba n too koe Dɛnaa Lawa, a Lawa a boon li wa, n piɛ̃ ka a gɔn waa ǹ boon ne. Kasɛn li, bɔlɔgoondɛnaabaa banban, bɛ boo ba n diɛ wa.»

Zeremii 7:34

Zudaa kiwin ni, Zeruzalɛmu a ziin la, ma á re zɔ́n bìndiɛn lɛ kuri, foo kɔɔ̃n lɛ-dɛ nɛ, lɔ tii ǹ zuũ laanka lɔ tii a loe ne. Sonbore, gána lɛ n die kɛbɔlɔ biɛ.»

Zeremii 9:11

Sii-dɔ̃li tan a n boe la a siin kɛn giala ma? Bɛ̀ Dɛnaa Lawa boo da ǹ dɛnaa nɛ, gána lɛ ziziɛ̃ mìi mɛn ganaa, tɛ kũ ka yɔrɔ mɛn nɛ min ná a kiɛ̃ a-n doɛ̃ dinin wa, a bɛ giala pɛ.

Ezekieli 23:18

Á n din tontoro da minin yii ni, a ná a kɔrɔbaa lɛ da wɔlɔ fúlu-a. Bɛ lɛ n ke a tìĩ bɔ ma dɔ nyin ni, ka ǹ dɔɔ̃nlɔ Oholaa lɛ tìĩ á ke á bɔ masɛ Dɛnaa Lawa nyin ni lɔn.

Ozee 2:5

Bɛ bie wa, man die sɔlɛɛ ma a tontoro da. Ma á re a tontoro diɛ ka a yɛ pinaa bɛ́ lɔn. A gána lɛ á re don biɛ, ma á re bɔyɛɛ ma baa ka bǎã gere bɛ lɔn, ma á re toɛ mu boro dɛ a gã.

Ozee 9:12

Ta ǹ nə́ nɛnyaanan mɛnɛn dɔn dinin too, ma á re ǹ sii ǹ la, bɛ̀ ǹ nə́ ǹ tɔn min baa wa. Ka bɛ dɔ nɛ, bɛ̀ má n bɔ má n bɔ ǹ li, bɔ̀n na á ǹ yɛ!

Lawa a wúlu-bɔlen 26:34

Bɛ̀ ka a gána lɛ nɛ ǹ mɛn waáraa wa, gána lɛ a tán tá re susui yii bɛa biikoo kɛ lɛ tumaa gɔ́ɔ̃ nɛ. Gána lɛ a tán tá re susui yii a n susu, bɛ á zɛnɛɛ, bɛ̀ ka dininmaan tá kaa zɔ́ɔn gána nɛ.

Sofonii 3:7

Má pɛ ma din ni: Sisia, kiwi lɛ á die ma guguru koe, á re n too koe maa doroon li. Bɛ̀ á miɛ̃, ma a re maa dɔlɔn kɛn boe a ganaa doo wa, ma a re a bɔ̀n biɛ doo wa. Sɛnɛ, haayii! Kiwi lɛ a minin man nə́ n gòã yii fuu saa ǹ nə́ kaa sii baraa nɛ.

Timəə dí-pɛn 32:29

Bɛ̀ maǹ sii doɛ̃, sii mɛn bɛ́ n yii diɛ ǹ la, bɛ̀ ǹ tá n taasɛ ka bɛ nɛ, bɛ̀ ǹ tá re a giala miɛ.