Zeremii 6:26 - LAWA A BOO SONBORE

²⁶ Maa zaman, ka gɛ̀ koa ǹ mɔnaa wɔ. Ka n birikəə̃ tii li. Ka gɛ̀ zɛnaa giala kɔ, ka nɛgiĩ goon toto wɔ bɛ́ lɔn. Ka gɛ̀ koa ǹ loe kɔɔsɛ lɔ. A giala, sisia bɛ̀ zɔ́ɔ basaã-kɔle lɛ dɔ ka ganaa.

LAWA A BOO SONBORE 2011

²⁶ Maa zaman, ka gɛ̀ koa ǹ mɔnaa wɔ. Ka n birikəə̃ tii li. Ka gɛ̀ zɛnaa giala kɔ, ka nɛgiĩ goon toto wɔ bɛ́ lɔn. Ka gɛ̀ koa ǹ loe kɔɔsɛ lɔ. A giala, sisia bɛ̀ zɔ́ɔ basaã-kɔle lɛ dɔ ka ganaa.

Zeremii 6:26 ပူးပေါင်းရင်းမြစ်များ

Siin Giala 21:16

Bɛ kio, a din kiɛ̃ á woo giã tán tìãlɛa, á n wɔlɔ lui nɛ lɛ ganaa, ka kiɛ zũ a wo mɛnaa tán bɛ́ lɔn. A giala, a na á goã pii a din gɔ́ɔ̃-n kɛnɛn: «He, maa nɛ kɛ baran gã ma yii-n wa!» A bɛ́ giã-n tán tìãlɛa, á n lɛn saa lon á wuu pɛ.

Zɔbu 15:21

Gɔ̀nɔn bìn da ǹ boo ne ǹ tá miɛ miɛ̃. Ta maǹ là nyantoro ne, basaã-kɔli gɔn nə doe ǹ ganaa.

Zɔbu 2:8

Zɔbu na á goã n gɔ̀nɔn lɛ gasiɛ̃ ka tanpara nɛ, bɛ̀ a wo giã tán tontonbɔlɔ la.

Izayii 22:12

Bɛa pinaa kɛ nɛ, Dɛnaa Lawa Pàãyiidɛnaa na á goã li mà ka wuu pɛ, ka n lɛ dɛ, ka n mìi kɔɔ̃, ka gɛ̀ koa ǹ mɔnaan wɔ.

Izayii 22:4

Bɛ lɛ taman yii, man pii ka nɛ: «Ka ma toa walan ma dinsɔɔ̃, ka ma toa walan ma wuu pɛ kɔsɛkɔsɛ. Maa zaman bɔ̀n baa, sɛnɛ, ka nyan pɛ mà ka n ma foo wɛɛ wa.

Izayii 3:24

Màn gìĩ kɔɔ̃n bǎã nɛ, màn bɔnɛɛ gìĩ á re goɛ̃ a tan, maabɛlɛ bǎã nɛ, biɛ nɛ, mìi-tiɛ̃ sonbore bǎã nɛ, mìi-koɛ̃ nɛ, mɔnaa sonboren bǎã nɛ, gɛ̀ koa ǹ mɔnaa nɛ. Sìi n die siĩnbaa bǎã siɛ.

Izayii 30:13

Sisia kəni, bɛa sã kɛn die n biɛ ka ganaa ka kungɔn bɛ ke á yu lɔn. Kungɔn lɛ n kolo boe, a bɔ a kaa bǎã goon ne.

Izayii 32:11

Lɔ din narɛɛ wolen lɛn, ka gɔ̀nɔn tá re bìn diɛ, kasɛn mɛnɛn bɛ́ n dinin koɛ ka yɔrɔ á re kɔsɛ! Ka n sɔlɔ, ka n gɔ̀nɔn kooro da, ka gɛ̀ koa ǹ mɔnaan wɔ.

Zeremii 12:12

Diə gole a kele mìi kooro-an kɛn tumaa la, basaã-kɔlen man die. Dɛnaa Lawa màn tumaa ziziɛ̃ a kũ gána paǹ goon kɛ ganaa a wo a paǹ kɔsɔ kɛ yaa. Yii-nyɛɛ banban min kɔn wɔ lɛa wa.

Zeremii 13:17

Bɛ̀ ka n too kɔ gɔn waa kɛ li wa, man wuu pii ka durii ni kaa din koa kɛ taman yii. Ma yii mu n piɛ̃ kiɛ, a giala, maǹ nə́ Dɛnaa Lawa a zaman goa ǹ nə́ woe ne.

Zeremii 14:17

N bɛ́ re boo mɛn diɛ ǹ nɛ, á ke: Penleen ka tèlò, ma yii mu pã á kaa suuu! Koe gole na á maa zaman yɛ, busulɛ gole ne.

Zeremii 15:8

Má ǹ lɔ giɔɔrɔn mɔnaa, ka yìsi mu gole a nyɔɔsɔ̃ bɛ́ lɔn. Penleen tã, má basaã dia sɔraasi ten a náa la. Bǎã goon ne, má nyɛ́ɛ laanka gɔ̀nɔn bìn diɛ dia la.

Zeremii 18:22

Zia nɛn kaa ǹ ganaa! Ka bɛ-n kəni, lɛ-dɛ á re boe ǹ kionən ne. A giala, maǹ nyankɔrɔ foɛ̃ ma nyɛɛnɛ, maǹ kan koe ma nɛ.

Zeremii 30:5

«Dɛnaa Lawa n kɛ pii: Wɔ́ nyɛ́ɛ baa ǹ lɛ-dɛ ma, nyɛ́ɛ gole ne, bǐɛ̃ bie wa.

Zeremii 4:11

Bɛa waáraa kəni, Dɛnaa Lawa á re pii Zeruzalɛmu minin manɛ: Kele mìi ni, piɛ̃ fuu nə n toɛ diə gole ne, die maa zaman gialaa. Piɛ̃ lɔnlɔɔn bie màn suu ǹ wɔ lɛa wa, màn *yoreen kɔ ǹ wɔ bie wa.

Zeremii 4:20

Maǹ bɔ̀n dinsɔɔ̃ boo diɛ, gána lɛ tumaa ziziɛ̃. Ǹ nə́ wɔa mɔnaa kionən ziziɛ̃ bǎã goon ne, wɔa duru ǹ bǎãn nə́ papaã gunyin goon.

Zeremii 4:8

Ka gɛ̀ koa ǹ mɔnaan wɔ, ka wuu pɛ, ka gini. Haayii! Dɛnaa Lawa a foo-yoo baraa lɛ nə n bɔ wɔ kio wa.

Zeremii 6:14

Koe mɛn bɛ́ maa zaman lɛ mìi ni, ǹ ba bɛ biɛ ǹ parsii lɛa wa. Maǹ pii: «Sii kɔn banban, sii kɔn banban!» A da yaa, sii tan.

Zeremii 8:19

Ka n too kɔ, Maa zaman lɛ nə n toɛ wɔlɔ sɔsɔɔ nɛ, gú diɛ, Maǹ pii: «Dɛnaa Lawa ba *Siɔn doo wa? Kii ba kiwi lɛ n doo wa?» Maǹ nə́ ma foo yoo ka ǹ dìn kɛn nɛ, ka lawa kɔsɔn kɛn nɛ. Wàa na á baa kəni?

Zeremii 8:21

Koe n ma mìi ni, maa zaman lɛ a koe taman yii. Ma foo ziziɛ̃, ma yiri nə́ n lɔlɔkɔn.

Zeremii 9:1

Áh! Man zoɛ̃ li ma goã diə gole ne, zii tɔ-wɔlen bɛ́ nɛn bɛ̀ ǹ golee bǎã mɛn nɛ. Ma á re maa zaman toɛ walan, ma wo sɔsɔɔ man bɔ ǹ li. Minin giala da kanaa wolen manɛ, Naarɛbaalin manɛ!

Zeremii 9:10

Man die Zeruzalɛmu biɛ kɛbɔlɔ gole lɛa, tolokan susu ǹ bǎã lɛa. Man die Zudaa kiwin bɔyɛɛ, ma ǹ baa kɛbɔlɔ lɛa, min ná a giã a-n doɛ̃ wa.

Busii pɛ 1:16

Bɛ lɛ n ke ma á wuu pii, ma yii mu gisĩ suù ni. A giala, min mɛn bɛ́ ma yii mu tuturi, a n nyin dii koe ma la, a wɔlɔ lui ma ganaa. Ǹ nə́ maa nɛnyaanan tumaa bɔ̀n baa. A giala, maa zɔ́ɔ lɛ pàã la ma nɛ.

Busii pɛ 1:2

Á wuu pɛ á lɛ̀ waa nɛ, a yii mu gisĩ a pàãn ganaa. Min mɛnɛn tumaa goã narɛ, min banban a tá a foo wɛɛ wa. A giaáran tumaa tii. Maǹ a zɔ́ɔn lɛa kanna.

Busii pɛ 2:11

Ma yii nànan nə́ tãtaã wuu gɔn. Ma yiri nə́ n lɔlɔkɔn. Koe mɛn maa zaman yɛ, ma a boe la ma á sii ma ganaa doɛ̃ wa. A giala, mu boro n nɛnyaan bɔnboɛɛnɛn gialaa kiwi lɛ a bǎã dadaraan nɛ.

Busii pɛ 3:16

Á gɛ̀pɛn kaa maa màn-bii li. Á ma tuturu tán bonbolon ne.

Busii pɛ 3:48

Ma yii mu n suù, baa sii ka mu bɛ́ lɔn, koe kɛa lɛa, maa zaman mìi ni.

Busii pɛ 4:10

Maa zaman lɛ a koe biikoo li, náa sonboren dinin nə́ ǹ nɛnyaanan kɔrɛ, ǹ nə́ sɔ̃ màn-bii lɛa.

Busii pɛ 4:3

Ka ga, tolokan dinin tá nyɔ koe ǹ nɛnyaanan la. Sɛnɛ, maa zaman lɛ n ka nɛ ǹ dan baraa bɛ́ lɔn, ka diə gɔ́ɔ̃ nɛ ǹ bɛnda bɛ́ lɔn.

Busii pɛ 4:6

Maa zaman lɛ a sii baraa gole kɔ á la Sodɔmu kiwi kɛ wɔ nɛ. A na á n yu bǎã goon, min kɔn boo la á sii kɔn zɛnaa wa.

Amɔɔsi 8:10

Ma á die kaa zɔ́nɔn kɛn bɔyɛɛ, ma ǹ baa foo-ziziɛ̃ pinaa lɛa. Ma á die kaa loen kɛn tumaa bɔyɛɛ, ma ǹ baa gɛ̀ wuu lɛa. Min tumaa á die gɛ̀ koa ǹ mɔnaa we, min tumaa á die n mìi koɛ̃, ka nɛgiĩ goon toto na á gã. Sii mɛn bɛ́ re koɛ bɛ la kəni, bɛa re koe biɛ.

Zonaasi 3:6

Boo lɛ dɔ Ninivu n kii li. Á yoo á n bɔ a kii dankan la, a ná a kii dɔnkɛ sɔlɔ á bɔ a ganaa, á boroo wɔ a din ganaa, á giã ton la, á nyaa mà asɛ wusoo a sii baraan kio.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Luku 7:12

Yezu bɛ́ á dɔ kiwi lɛ lɛ-a, á minin yɛ woe gere goon biĩ. Lɔ giɔɔrɔ goon a nɛgiĩ goon toto ne. Zaman gole paã kun ka lɔ lɛ nɛ, ǹ nə́ woe nɛ lɛ biĩ.

Zaaki 4:9

Ka toa kaa zɛnaa ǹ siin lɛn nə foo-ziziɛ̃ da ka dinin ganaa, ka wuu pɛ, ka n lala da. Ka nyan pɛ mà ka n yaa we wa dɛ, ka doamaa-n ka wuu pɛ! Ka nyan pɛ mà ka nə n nyɛnyɛɛ wa dɛ, ka foo doamaa nɛ a ziziɛ̃!

Zaaki 5:1

Ka pàãman lɛn, bɔ̀n gigiã mɛn bɛ́ re ka yii, ka dɔ ka dinin ganaa ka wuu pɛ kɔsɛkɔsɛ!