Zeremii 6:17 - LAWA A BOO SONBORE

¹⁷ Má minin bɔ má ǹ koa máa ǹ nə n gɔn waa ǹ nɛ: «Bɛ̀ ka sère gɔ̀lɔ̀ bɛn wuu ma, ka yiri bɔ.» Sɛnɛ, ǹ nə́ pɛ: «Wɔ laadoo bie wa.»

LAWA A BOO SONBORE 2011

¹⁷ Má minin bɔ má ǹ koa máa ǹ nə n gɔn waa ǹ nɛ: «Bɛ̀ ka sère gɔ̀lɔ̀ bɛn wuu ma, ka yiri bɔ.» Sɛnɛ, ǹ nə́ pɛ: «Wɔ laadoo bie wa.»

Zeremii 6:17 ပူးပေါင်းရင်းမြစ်များ

Izayii 21:11

Duumaa a boo gii. Lɛ-dɛ n boe Seyiri a n pii: «Wɔlɔ-lɛduə̃li, ma n wàa boo diɛ tèlò paǹ li?» «Wɔlɔ-lɛduə̃li, ma n wàa boo diɛ tèlò paǹ li?»

Izayii 56:10

Izirayeli a wɔlɔ-lɛduə̃lin tumaa n yii tere-an lɛa. Ǹ ba sii kɔn doɛ̃ wa. Ǹ tumaa n gin lɛ tere-an lɛa, ǹ ba boe la ǹ tá gisĩ dinin wa. Maǹ waa-n tán ǹ nə́ n narɛ. Nyuù n kɔɔ̃nɛ ǹ ganaa.

Izayii 58:1

Dɛnaa Lawa pɛ: Paraa ka lɛn gole ne, n nyan nə n lɛ tã wa. Toa n lɛn nə bɔ ka bɛn wɔ bɛ́ lɔn! Maa zaman lɛ a sii baraan pɛ ǹ nɛ, n Zakɔba tɔrɔn siɛ̃n pɛ ǹ nɛ.

Izayii 62:6

Zeruzalɛmu, má bǎã-lɛduəlin koa n kungɔnɔn la. Penleen ka tèlò-n, ǹ ba re n lɛ tiɛ̃ wa. «Kasɛn lɛ̀ waa ma yii n koo wolen lɛn, ka ǹ Dɛnaa Lawa yiri gisĩ Zeruzalɛmu ni, ka nyan nə n susu duduu wa!

Zeremii 18:12

Sɛnɛ, ǹ tá re pii: «Wɔ laadoo bie wa. Wɔ golee sii mɛn li, wɔ n die bɛ lɛ zɛnɛɛ. Wɔ n koe wɔa taasiɛ bɔnɛɛn lɛn lɛ.»

Zeremii 25:4

Gunyin gigiã, Dɛnaa Lawa ná a dí-nyalin, Lawa a boo gii-dalin dia ka la, sɛnɛ, ka n too kɔ ǹ lon wa.

Zeremii 6:18

Bɛ lɛ nɛ, tɔrɔ kɔsɔn lɛn, ka n too kɔ. Sii mɛn bɛ́ re ǹ yii ka tumaa bɛ dɔ̃.

Zeremii 7:28

Ka bɛ nɛ, n tá re pii ǹ ni kɛnɛn: «Ka ǹ zaman lɛa, zaman mɛn bɛ́ a ba n too koe Dɛnaa Lawa, a Lawa a boon li wa, n piɛ̃ ka a gɔn waa ǹ boon ne. Kasɛn li, bɔlɔgoondɛnaabaa banban, bɛ boo ba n diɛ wa.»

Zeremii 8:5

Wàa na á baa Zeruzalɛmu zaman nə n lɛ goa zii kɛ ganaa, ǹ nə́ tɔn woe nyɛɛnɛ n piɛ̃ ka masɛ nɛ? Maǹ doa-n màn kooron ganaa, manə n piɛ̃ ǹ ba wusii die ma li wa.

Ezekieli 3:7

Sɛnɛ, Izirayeli tɔrɔn lɛn ba re n too koe n lon wa, a giala, ǹ ba li ǹ nə n too kɔ ma din lon wa. Sonbore ne, Izirayeli tɔrɔn lɛn tumaa too n kaka, n laɛ sii dɔ ganaa.

Ozee 8:1

Ka bɛn pɛ! Bɔ̀n nə́ n tele á die Dɛnaa Lawa a kion lɛ gialaa, ka giogialatã bɛ́ lɔn. A giala, ǹ nə́ maa lɛ kɔ kɔn la lɛ ziziɛ̃, ǹ nə́ n piã ka maa dí-pɛn kɛn nɛ.

Abakuku 2:1

Masɛ Abakuku, man die giɛ̃ wɔlɔ lɛduə̃ ǹ bǎã kɛ nɛ, ma gole lon kungɔn la, man yii da ma ga, Dɛnaa Lawa bɛ́ re boo mɛn pii ma nɛ, maa lɛ dia lɛ a binyəə lɛa.

Zakarii 1:4

Ka nyan ka digolon lɛn zɔɔ̃ wa. Lɛlɛ, maa boo gii-dalin nə́ boo da ǹ nɛ, mà ǹ nə ǹ giã ǹ gɔn baraa kɛ kaa, kɔnlɛ ka ǹ sii bɔnɛɛ zɛnaan kɛn nɛ. Sɛnɛ, ǹ nə n too kɔ ma lon wa, ǹ nə n yiri koa ma li wa. Dɛnaa Lawa a da ǹ boo ne.

Zakarii 7:11

Sɛnɛ, minin nə́ n piã ǹ nə n too kɔ wa. Ǹ nə́ n dɔ̀ɔ̃ wɔ, ǹ nə́ n toon tã màn mɛn bɛ́ toɛ ǹ nyan màn kɔn ma wa.

Ebrəə 13:17

Ka kaa nyɛɛnaandɛnan bɔlɔ si, ka goã doroo ne ǹ ne. Sonbore, maǹ giɛ ka telenboenən walan, a giala, ǹ tá re n bɔlɔ pii Lawa yɔrɔ-a bɛa lɛa. Bɛ̀ ka á ǹ bɔlɔ sii, ǹ tá re dí nyɛɛ ka nyɛnyɛɛ nɛ. Bɛ̀ ka a ǹ bɔlɔ sii wa, ǹ tá re nyɛɛ ka yɔrɔ-kɔsiɛ nɛ. Bɛ̀ á yɔrɔ-kɔsiɛ baa, ka dɔn dinin là ba a-n wa.