Zeremii 6:15 - LAWA A BOO SONBORE

¹⁵ Ǹ sii bɔbɔnɛɛn mɛnɛn zɛnaa, bɛa sìi tá ǹ ganaa? Kɛnɛn dinin wa! A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

LAWA A BOO SONBORE 2011

¹⁵ Ǹ sii bɔbɔnɛɛn mɛnɛn zɛnaa, bɛa sìi tá ǹ ganaa? Kɛnɛn dinin wa! A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Zeremii 6:15 ပူးပေါင်းရင်းမြစ်များ

Siin Giala 19:34

A lɛawaa, goledɛnaa lɛ pɛ kiɛɛrɛdɛnaa lɛ nɛ: «Ga dɛ! Má waa kun ka wɔ di-n gunun tèlò-n. Pelo tèlò-n, daa wɔ yɔ kɔ la a mi doo, n dɔ wo waa kun ni. Á re wɔ tɔrɔ yii a da kanaa.»

Bɔ bɛ̀rɛbaa nɛ 32:34

Kanna kəni, woo! Zaman kɛ lɛ nyɛɛnaan bɔ, ma bǎã mɛn pɛ n nɛ, wo-n walan. Ma din a lon a dia dí-a wole n die tɔ we n nyɛɛnɛ. Sɛnɛ, bɛ̀ ma yoo ǹ mɛn pinaa, ma á re dɔlɔ boe ǹ ganaa ǹ sii baraan lɛa.»

Suusun 29:1

Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.

Izayii 10:4

Ka á re n giɛrɛɛ tán kòso nɛn bii, ka mɛnaa, geren bii. Sɛnɛ, bɛ tumaa kio, Dɛnaa Lawa a foo-yoo a nyɛɛ wa, a gɔn-munii n tɔn lon.

Izayii 3:9

Ǹ yɔrɔ gɔ́ɔ̃ din nə ǹ zɛnaa ǹ siin nyɛɛ. Ǹ ba ǹ sii baraan duri wa, maǹ nə ǹ pii ǹ lɛ-a ka Sodɔmu minin wɔ bɛ́ lɔn. Koe n ka kɛ nɛ, maǹ bɔ̀n yɔrɔ boe ǹ dinin wɔ lɛa.

Zeremii 14:15

Bɛ lɛ nɛ, masɛ Dɛnaa Lawa n kɛ pii Lawa a boo gii-dalin kɛn wɔ paǹ li: «Bɛa minin kɛn lɛn mà ǹsɛn man boo diɛ ka masɛ tɔ nɛ, a da yaa ma ǹ dia wa. Maǹ pii mà zia laanka bòo á re yii gána kɛ-n wa. A da yaa, zia laanka bòo n die ǹ tumaa papaɛ̃ lenlen!

Zeremii 18:23

Nsɛ Dɛnaa Lawa, ǹ bɛ́ sii mɛn yɔrɔ boe màn mɛn bɛ́ toɛ ǹ ma nyin bɔ, ń tá bɛ doɛ̃ taãn nɛ. N nyan nə ǹ sii baraan toa ǹ nɛ wa! N nyan nə ǹ siɛ̃n tuturu wa! Toa ǹ mɛnaa n yɔrɔ-a! N foo-yoo pinaa, yoo ǹ gialaa!

Zeremii 23:12

Bɛ lɛ nɛ, ǹ zii á re wɔrɔnzɔrɔn biɛ ǹ ganaa. Tèlò-n, ǹ tá re n tɔtoe kɔn nɛ, ǹ bɔ ǹ kaa. Taãn nɛ, bɛ̀ ma yoo ǹ gialaa lɛ̀ mɛn-a, man die koe diɛ ǹ mìi ni. Dɛnaa Lawa a da ǹ boo ne.

Zeremii 3:3

Bɛ lɛ nɛ, la kaa wa, la nyɔɔbaa kaa wa. Sɛnɛ n nə n too kaka kɔ, n kɔrɔbaa zɛnaa n woo ne. N nə́ n piã ka n sã nɛ.

Zeremii 44:10

A da kaa pelo ǹ lɛ, min kɔn tɔn nə n din boɛɛn kɔ, á ma guguru kɔ wa. Min kɔn tɔn kɔ maa daraan laanka maa dí-pɛn kɛn lɛ wa, kɛn má ǹ kɔ ka la kɔnlɛ ka ka digolon ne.»

Zeremii 5:29

Dɛnaa Lawa a da ǹ boo á ke: Ma kɔnbɔ ma yoo minin kɛn gialaa wa? Ma doamaa bie ma maa gɛ̀ dòo bɔ tɔrɔ kɛ miã ganaa wa?

Zeremii 5:9

Dɛnaa Lawa a da ǹ boo á ke: Ma kɔnbɔ ma yoo minin kɛn gialaa wa? Ma doamaa bie ma maa gɛ̀ dòo bɔ tɔrɔ kɛ miã ganaa wa?

Zeremii 8:12

Ǹ sii bɔbɔnɛɛn mɛnɛn zɛnaa, bɛ á sìi diɛ ǹ ganaa? Kɛnɛn dinin wa. A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Zeremii 8:9

Bɛa sii-dɔ̃len lɛn manə n piɛ̃ ka Dɛnaa Lawa a boon ne. Ǹ sii-doɛ̃ lɛ a là n ka wàa-n kəni? Sìi nə́ n kɔ ǹ lɛ, nyɛ́ɛ nə ǹ ganaa, kan nə́ ǹ kũ.

Ezekieli 13:14

Ka kungɔn mɛn lɛ tɔrɔ, ma á re nyɛnɛɛ ma duwəə tán, a gòã daa ǹ bǎã kɛ yɛ kanaa. Kungɔn lɛ á re kiɛ, ka dinin tá re papaɛ̃ a bii walan. Ka á re doɛ̃ ka bɛ lɛ-n kəni, mà ma din nə Dɛnaa Lawa lɛa.

Ezekieli 2:4

Bɛa too kaakaan kɛn lɛn sii woon zɛnaa wolen lɛa, man die n diɛ ǹ li, n wo pɛ ǹ nɛ kɛnɛn: «Dɛnaa Lawa n kɛ pii.»

Ezekieli 24:7

A giala, a gɛ̀ mɛn dɛ, bɛa mà á tɔn tan kiwi lɛ nɛ. A na á mà lɛ kaa gɛ̀fu la tán kooro, á kaa tán kooro la, a tii kɔ lɛ wa.

Ozee 4:5

N tá re talɛɛ penleen tiɛɛ̃nɛ, n bɛ́ kun ka Lawa a boo gii-dali mɛn nɛ, bɛ dɔ din tá re talɛɛ a mɛnaa tèlò-n. Ma á re n dan Izirayeli nyin nyɛɛ lenlen.

Ozee 9:7

Dɔlɔ bɔ lɛawaa dɔ, saraa lɛawaa dɔ. Izirayeli minin tá re bɛ doɛ̃. Lawa a boo gii-dali lɛ n gàãnaa lɛa, a yiri na á n si la, a giala, kaa sã lɛ la yii ni, kaa baraabaa lɛ dɔ la yii ni.

Misee 3:6

A bɛ́ miɛ̃, á nya kəni! Ma a die sii kɔn nyɛɛ ǹ nɛ doo wa, ǹ yii ba re sii kɔn yii doo wa. Lɛawaa á die tèlò biɛ ǹ ganaa, wasa yii á die wɔlɔ tì biɛ ǹ ganaa.

Misee 7:4

Min mɛn din bɛ́ soɛ ǹ bii, bɛ n ka koronkoron bɛ́ lɔn, ǹ min sonbore á baraa á la zama nyan nɛ. N wɔlɔ-lɛduə̃lin nə lɛawaa mɛn boo da, ǹ dɔlɔ bɔ ǹ lɛawaa mɛn boo da, bɛ á ke á dɔ. Sisia, ǹ gɔ́ɔ̃ woɛ̃maa nɛ.

Sofonii 2:1

Ka n lɛ sɔkɔn, ka kaa kun, kasɛn tɔrɔn sìi doɛ̃baã wolen kɛn lɛn,

Sofonii 3:5

A da yaa, Dɛnaa Lawa tá kunun ǹ ni bɛa kiwi lɛ nɛ, a sii kɔn zɛnɛɛ baraa wa. Baayɛlɛ woo baayɛlɛ, a n kiri pepere we, a nyaabiɛ a zɛnaa ganaa pinin goon wa. Bɛ tumaa kio, min baraan man sii kɔkɔrɔ zɛnɛɛ, sìi ná a ba ǹ kuĩ wa.

Zakarii 13:4

Bɛa waáraa, sìi á re Lawa a boo gii-dali soɛ-bɔlen kuĩ ǹ Lawa a boo gii-dalibaa laanka ǹ sii-yɛn kɛn laakalaa a lɛa. Ǹ yii á re we doo ǹ maa zaman sã ka Lawa a boo gii-dalin ki mɔnaa kɛa wɔ-n wa.

Matiə 15:14

Ka ǹ toa walan. Maǹ yii tere-an lɛa yii tere-an bàlà kuĩ! Bɛ̀ yii tere-a nə́ ǹ miã yii tere-a a bàlà kũ, ǹ dinin paanan tá re boe ǹ kaa nyankɔrɔ nɛ.»

Filipi minin 3:19

Ǹ giala-nyɔmɔɔ á re ziziɛ̃, a giala, mà ǹ gɔ̀nɔn foo sii mànan manə ǹ Lawa lɛa. Sii mɛn doamaa bɛ́ a sìi da ǹ ganaa, manə n dinin koɛ ka bɛ nɛ, ǹ nə́ taasiɛ we kanaa kɛ a mànan dininsɔɔ̃nɔn ganaa.