Zeremii 52:13 - LAWA A BOO SONBORE

¹³ Á tɛ da Lawa a kion ganaa, kii kion ne, kionən tumaa nɛ, ka kiwi lɛ a min yii guguru-an kionən ne.

LAWA A BOO SONBORE 2011

¹³ Á tɛ da Lawa a kion ganaa, kii kion ne, kionən tumaa nɛ, ka kiwi lɛ a min yii guguru-an kionən ne.

Zeremii 52:13 ပူးပေါင်းရင်းမြစ်များ

Kiin1 9:8

Lawa a kion kɛ laanka a siĩnbaa kɛ nɛ, á re kɛbɔlɔ biɛ, min woo min tá re kiɛ̃ a li, ǹ dɛnaa tá re n kaãbiɛ, a n mìi papasa a n toa: «Wàa na á toa Dɛnaa Lawa gána kɛ laanka Lawa a kion kɛ baa kɛnɛn?»

Kiin2 25:9

Á tɛ da Lawa a kion kɛ laanka kii a kion ganaa, ka Zeruzalɛmu kiwi a kionən tumaa nɛ. Á tɛ da min dadaran kionən tumaa ganaa.

KZS2 36:19

Baabilonii minin nə́ tɛ da Lawa a kion lɛ ganaa, ǹ nə́ Zeruzalɛmu a kungɔn wuru, ǹ nə́ tɛ kaa kii kionən lɛn tumaa ganaa kɔnlɛ kaa màn giɔ̀mɔ kakaa din tumaa nɛ.

Loen 79:1

Asaafu a loe goon ne. Lawa! Tɔrɔ kɔsɔn nə́ daa n bǎã lɛ kũ, ǹ nə́ si. Ǹ nə́ *gɔ̀ lɔ n Guguru Kɔ ǹ Kion sonbore kɛ ganaa, ǹ nə́ Zeruzalɛmu yu, ǹ nə́ baa kɛbɔlɔ kooro lɛa.

Zeremii 19:13

Ǹ tá re *gɔ̀ diɛ Zeruzalɛmu a kionən ganaa ka Zudaa a kii kionən ne ka Tofɛti bɛ́ lɔn. Sonbore, bɛa kionən lɛn kalan la, maǹ nə́ da yon gìĩ kɔɔ̃n tã lon a leere kurun wɔ lɛa, ǹ nə́ duvɛ̃ zumii wúlu màn lɛa lawa tiin la.»

Zeremii 21:10

Dɛnaa Lawa a da ǹ boo á ke: Hiĩ, man die yui Zeruzalɛmu gialaa, ma baraa zɛnaa nɛ, bǐɛ̃ boo bie wa. Man die we Baabiloniin kii gɔn, a tɛ da a ganaa.»

Zeremii 21:14

Man die yui ka gialaa a kɔnpɛ ka kaa zɛnaa ǹ siin ni, Dɛnaa Lawa a da ǹ boo ne. Ma á re tɛ diɛ kaa *Sɛdrə daã kɛ ganaa, màn mɛn tumaa bɛ́ a lɛnpɛnɛ, a na a tumaa kũ lenlen.

Zeremii 22:14

Ma nə n taasɛ: Man die kii kion gole doe, sanabolo dadaran lɛa, a kion nɛn nə́ dadara, ma fenɛtərən bɔ a ganaa, ma *sɛdrə gɔn kɔ a kungɔnɔn lɛ, ma a gɔ̀nɔn lɔ, a goã tã.

Zeremii 32:29

Baabilonii minin nə́ yoo a gialaa, ǹ tá re kuĩ, ǹ tɛ da a ganaa. Minin nə da yon gìĩ kɔɔ̃n tã kionən hinlaa kalan mɛnɛn la *Baali wɔ lɛa, ǹ nə́ mi ǹ màn zuməə dì soreen wɔ lɛa ǹ la, ǹ nə́ ma foo da yoo ganaa nɛ, ǹ tá re tɛ diɛ bɛn ganaa.

Zeremii 34:22

Sɛnɛ, man die wusii ma da ǹ nɛ Zeruzalɛmu, ǹ yoo a gialaa, ǹ kũ, ǹ tɛ da a ganaa. Zudaa kiwin tá re diə gole biɛ, min ná a ba ǹ nɛ wa.» Dɛnaa Lawa a da ǹ boo ne.

Zeremii 38:23

«Taãn nɛ, ǹ tá re woe n lɔn laanka n nɛnyaanan nɛ Baabilonii minin yɔrɔ-a. N dinmaa dɔ a re kanbiɛ ǹ ganaa wa. Baabiloniin kii á re n biɛ kòso nɛ lɛa, a tɛ da Zeruzalɛmu ganaa.»

Zeremii 6:5

Ka yoo! Ka wɔ n ta a gialaa tèlò-n, wɔ a kion sonboren kɛn ziziɛ̃!»

Zeremii 7:14

Kanna kəni, kion ke ma din tɔ n la, ka n foo doa a ganaa, bǎã ke má kɔ ka laanka ka digolon la, ma Siiloo baa lɔn, man die a dɔ biɛ miɛ̃.

Busii pɛ 2:5

Dɛnaa Lawa na á n baa ka zɔ́ɔ bɛ́ lɔn. Á Izirayeli yu, a ná a kion sonboren tumaa yu. Kungɔnɔn mɛnɛn bɛ́ tamɛɛ, á bɛn dɔn tumaa wuru. Á Zudaa gána tumaa pã ginii ni, ka foo ziziɛ̃ nɛ.

Busii pɛ 2:6

A ná a zìã lɛ yiɛ ka dù gɔrɔ bɛ́ lɔn. Dakɔnlɛ ǹ bǎã ke a din wɔ lɛa, á bɛ yu. Dɛnaa Lawa toa Siɔn kiwi yiri bɔ zɔ́n pinaa nɛ, ka *susu ǹ pii ni. A foo yoo baraa lɛ gɔ́ɔ̃ nɛ, á kiin laanka Lawa a wúlu-bɔlen yii puusə kɔ.

Busii pɛ 2:7

Dɛnaa Lawa nə n piã ka a *wúlu bɔ ǹ bǎã nɛ. Á n la bɔ a bǎã sonbore kɛ ganaa. Á ǹ kion sonboren wɔ ǹ zɔ́ɔn gɔn, Ǹ zɔ́ɔn lɛn manə n lɛ dii Lawa a kion, ka zɔ́n pinaa bɛ́ lɔn.

Busii pɛ 2:8

Dɛnaa Lawa golee li, mà a n die Siɔn a kungɔn wurii. Á biɛ nàn nyoã, a n die zɛnɛ kɔnlɛ. Á yuyu miɛ̃, yǎa a tumaa wuru. Kiwi lɛnpɛnɛ ǹ kungɔn bibinaa laanka a paabaa ǹ wɔ lɛ yu. Bɛ foo-ziziɛ̃ baa.

Ezekieli 16:41

Ǹ tá re n kionən tiɛ̃. N doamaa bɛ́ ka dɔlɔ mɛn nɛ, ǹ tá re bɛ boe n ganaa lɔ damata yii ni. Ma á re n kurii n kɔrɔbaa kɛ lɛ ganaa, n nə́ n ba re boe la n min din saraa doo wa.

Ezekieli 24:21

mà ma pɛ ka dinin Izirayeli minin lɛn manɛ, mà asɛ Dɛnaa Lawa gole a da ǹ boo á ke: «Maa kion sonbore ke ka tá n dinin koɛ la, ka nə́ n nyɛnyɛɛ la, ka á n foo doɛ a ganaa, ma á re bɛ lɛ ziziɛ̃. Ka kaa nɛgiĩn laanka kaa nɛlɔn mɛnɛn toa Zeruzalɛmu, ǹ tá re bɛn dii.»

Amɔɔsi 2:5

Ma á re tɛ diɛ Zudaa gána kɛ ganaa, tɛ á re Zeruzalɛmu a duru ǹ bǎã kakan kɛn kuĩ.

Amɔɔsi 6:11

Sonbore, á ke: Bɛ̀ Dɛnaa Lawa boo da, kion dadaran kɛn man kiɛ. Kion bisinin kɛn man pupuri.

Misee 3:12

Bɛ lɛ na á toa, ka dinin kɛn lɛn taman yii, Zeruzalɛmu á die kɛbɔlɔ biɛ, ǹ tá re Siɔn kele kɛ kɔsɛ wuru lɛa, kion bǎã lɛ a kele lɛ á re daã biɛ.

Zakarii 11:1

Liban gána, n kiɛnlɛn bũ tɛ nə n *sɛdrə dan kɛn kũ!

Matiə 24:2

Yezu tɔ́n pɛ ǹ nɛ: «Ka yii tá kɛ din tumaa a siĩnbaa ganaa? Man sonbore pii ka nɛ: Kɔlɔ kɔ́n ba re goɛ̃ ǹ miã lalan kànaa wa. A din tumaa á re kiɛ.»