Zeremii 51:8 - LAWA A BOO SONBORE

⁸ Bǎã goon ne Baabilonii mɛnaa, á busu da a din ganaa. Ka gɛ̀ loe lɔ la! Ka nyɔɔ lɔ a busulɛn ganaa, kɔntan á re kaka koe!

LAWA A BOO SONBORE 2011

⁸ Bǎã goon ne Baabilonii mɛnaa, á busu da a din ganaa. Ka gɛ̀ loe lɔ la! Ka nyɔɔ lɔ a busulɛn ganaa, kɔntan á re kaka koe!

Zeremii 51:8 ပူးပေါင်းရင်းမြစ်များ

Izayii 21:9

Ka ga, min nə́ ke yii die: A n giã-n ziabaa ǹ wotoro la, sùi màn paa n baɛ̃. A nə n lɛ dii á n pii: «*Baabilonii mɛnaa! Baabilonii mɛnaa! A dì nyínin kɛn, bɛn nə́ yɔyɔrɛ tán!»

Izayii 47:11

Á ke, koe n die boe n ganaa. N ba re boe la n na a lɛ goa wa. Koe gole n die miɛ n la. N ba re kanbiɛ a ganaa wa. Basaã gole mɛn bɛ́ n yiri ba a ganaa wa, bɛ n die n tɔwɛɛ bǎã goon ne.

Izayii 47:9

A bɛ́ miɛ̃, koe màn paa kɛ n die n yii bǎã goon ne. Lɛawaa goon gɔ́ɔ̃ nɛ, n nɛnyaanan tá re bɔ̀n biɛ n nə n bɔyaa n giɔɔrɔ baa. Bɛa koen lɛn tá re die n la ka pàã nɛ, n wɔ-kũ kɛn tumaa ka n gɔn nɔɔn kɛn tumaa a re boe la ǹ nə ǹ sàabaa wa.

Zeremii 46:11

Ezipti minin, ka yoo ka wo Galaati gána nɛ, ka ga nyɔɔ li, ka lɔ kaa busulɛn ganaa. Sɛnɛ là ba a ganaa ka dagòã gigiã si kooro wa. Kaa busulɛn lɛn ba nyɛɛ wa.

Zeremii 48:20

Ǹ tá re n lɛ sii kɛnɛn: «Moabu yɔyɔrɛ! Sìi nə́ n kɔ lɛ!» Ka n lɛ dɛ, ka gú da! Ka n lɛ dɛ Arnɔn tà lɛ-a ka pɛ: «Moabu ziziɛ̃!»

Zeremii 48:31

Bɛ lɛ nɛ, ma á gɛ̀ loe loe Moabu gána la, ma á gú diɛ a zaman tumaa a lɛa. Man gini Kiiri-Erɛsi minin taman yii.

Zeremii 50:2

Ka boo kɛ pɛ tɔrɔn tumaa nɛ, ka a boo da ka sii a kɔnboen ne, ka a boo da, ka nyan màn kɔn duru wa. Ka pɛ: Ǹ nə́ Baabilonii kũ! A dìn kɛn wɔ n ka sìi ni, a dì kooron kɛn wɔ n ka foo ziziɛ̃ gole ne. Sìi nə́ n kɔ Bɛɛli lɛ, Marduku foo ziziɛ̃ duduu.

Zeremii 51:41

Sekaki kiwi ke, a miã ná a banban kanaa wa, ǹ nə́ bɛ kũ. Bɛ na á saa lɔn kəni? Tɔrɔn bii, Baabilonii n ka kɛbɔlɔ bɛ́ lɔn. Bɛ na á saa lɔn kəni?

Zeremii 8:22

Da banban Galaati a n la paparɛɛ nyɛɛ wa? Dɔɔtɔrɔ ba walan doo wa? Wàa na á baa maa zaman lɛ a baayɛrɛ a nyɛɛ wa?

Ezekieli 30:2

Minbuiin a nɛ, maa boo kɛ da n pɛ: Dɛnaa Lawa a da ǹ boo á ke: Ka n lɛ dɛ ka pɛ: E! Lɛawaa mɛn tɔrɔ n ka kɛ nɛ!

Nahumu 3:19

Bɔ̀n gole ke á n yɛ, yɔrɔ bɔ ǹ gɔn ba la wa. N busulɛn kɛn ba nyɛɛ duduu wa. Bɛ̀ min nə́ə n sii kɛ ma, n dɛnaa nə n gɔn dii n koe kɛ ganaa, a giala, dan goã n baraabaa lɛ la wa. Bɛ n die lɛa kəni, n baraabaa lɛ ná a dɔ a ganaa wa?

Sii-nyaan 14:8

Lon a dia dí-a wole paabaa ǹ wɔ kɔ bibinaa lɛ kio lɛ, a n pii: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Asɛ mɛn bɛ́ á tɔrɔn tumaa a minin bebere, a ǹ baa naarɛbaali taãn-taãnan lɛa.»

Sii-nyaan 18:2

Á n lɛ dɛ ka lɛn gole ne, á pɛ: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Kanna, a bǎã nə́ n baa nɔ̀ɔn baraan giã ǹ bǎã lɛa, yiri baraan tumaa a duru ǹ bǎã lɛa, bàan gɔ̀dɛnaa gìĩ-bɔle-an tumaa a giã ǹ bǎã lɛa.