Zeremii 51:5 - LAWA A BOO SONBORE

⁵ A giala, gána lɛ piɛ̃maa-n ka sii baraa nɛ Izirayeli a Lawa sonbore lɛ yɔrɔ-a. Sɛnɛ, Dɛnaa Lawa Pàãyiidɛnaa Izirayeli laanka Zudaa toa walan wa.

LAWA A BOO SONBORE 2011

⁵ A giala, gána lɛ piɛ̃maa-n ka sii baraa nɛ Izirayeli a Lawa sonbore lɛ yɔrɔ-a. Sɛnɛ, Dɛnaa Lawa Pàãyiidɛnaa Izirayeli laanka Zudaa toa walan wa.

Zeremii 51:5 ပူးပေါင်းရင်းမြစ်များ

Kiin1 6:13

Man die goɛ̃ Izirayeli minin lɛn bii, ma ba re maa zaman Izirayeli minin lɛn toɛ walan wa.»

Kiin2 21:16

Manaasee zɛrɛbaãnaa gigiã dɔ mà kaa tán, yǎa Zeruzalɛmu gɔ́ɔ̃ yii pã ka mà nɛ. Bɛ̀ á yoo bɛ la, sii mɛn bɛ́ baraa Dɛnaa Lawa yii li, a na á Zudaa minin lɛn kaa bɛa zɛnaa ganaa.

Ɛsidrasi 9:9

A giala, wɔ n bɛ̀rɛn lɛa, sɛnɛ Lawa nə n gɔn bɔ wɔ ganaa wɔa bɛ̀rɛbaa lɛ gɔ́ɔ̃-n wa. Pɛrsi kiin nyɛɛnɛ, n bǐɛ̃ kɔ wɔ ganaa, n susui kɔ wɔ la, màn mɛn bɛ́ toɛ wɔ wɔa Lawa a kion lɛ dɔ, wɔ a kɛbɔlɔ saa wɔ da lon. N wɔ tamaa ǹ kungɔn kɔ wɔ la Zudaa gána laanka Zeruzalɛmu kiwi.

Loen 94:14

Sonbore, Dɛnaa Lawa ba n gɔn boe a zaman kɛ ganaa wa. A ba a din wɔn kɛn toɛ walan wa.

Izayii 44:21

«Nsɛ Zakɔba n yiri kɔ ka kɛ nɛ, nsɛ Izirayeli, a giala ma n maa dí-nyali lɛa. Man má n zɛnaa máa n maa dí nya. Izirayeli, ma yiri a boe n ne wa.

Izayii 51:15

Sɛnɛ, masɛ nə n Lawa, Dɛnaa Lawa lɛa. Ma din nə bìn diɛ yìsi mu gole ganaa, ma mu yoo wole da ginii ganaa. Ma tɔ n Dɛnaa Lawa Pàãyiidɛnaa.

Izayii 62:12

Ǹ tá re ǹ bíi mà «Tɔrɔ sonbore» «Dɛnaa Lawa min mɛnɛn si á ǹ kaa». Nsɛ Zeruzalɛmu, ǹ tá re n bíi: «Lawa foo sii kiwi», «kiwi mɛn bɛ́ ǹ nə n la bɔ a ganaa wa».

Zeremii 14:19

Dɛnaa Lawa, ń Zudaa daa sonbore? *Siɔn tìĩ bɔ n nyin ni? Fuu mɛn bɛ́ a nyɛɛ wa, a n siɛ lɔn n tá bɛ diɛ wɔ mìi ni? Wɔ nə n yii diɛ là nyantoro la, sɛnɛ màn kɔn banban bǐɛ̃ lɛa wa. Wɔ nə n yii diɛ wɔa busu á nya la, sɛnɛ, nyɛ́ɛ n die!

Zeremii 14:9

Ma nə n kɔnbɔ ka giĩ pàãwɛɛnaa nɛ, ka zia-baali mɛn bɛ́ a boe la a min kirisibaa wa. Bɛ n siɛ lɔn kəni? A da yaa Dɛnaa Lawa, n tá kun ka wɔ nɛ. N din tɔ n wɔ la, n nyan nə n la bɔ wɔ ganaa wa!

Zeremii 16:18

Ma á re ǹ kiɛ ǹ gɛ̀-dɛ ǹ giɔ̀mɔ lɛ laanka ǹ sãn lɛn saraa a laman paa saraa ganaa. A giala, ǹ nə́ *gɔ̀ da maa gána lɛ ganaa ka ǹ màn nyín gere bɔbɔnɛɛn kɛn nɛ. Gána mɛn bɛ má bɔ má koa maa wɔ lɛa, ǹ nə́ bɛ pã ka màn bɔbɔnɛɛn nɛ.»

Zeremii 19:4

A giala, Zudaa minin nə́ n la bɔ ma ganaa. Ǹ dinin lɛa nɛ, bǎã kɛ ba n doɛ̃ doo wa. Bɛa lawa tiin kɛn, ǹ nə́ ǹ ba ǹ doɛ̃ wa, ǹ dinin ni, ǹ digolon ne ka Zudaa kiin ni, maǹ nə́ *wúlu mànan kɔ bɛn la walan. Ǹ nə́ yii tì-an mà kaa walan.

Zeremii 23:15

Bɛ lɛ nɛ, Dɛnaa Lawa Pàãyiidɛnaa á kɛ pii Lawa a boo gii-dalin paǹ li: Man die liɛ kɔɔsɛ koe ǹ la ǹ sɔ̃, ma sèwò kɔ ǹ la ǹ mi. A giala Zeruzalɛmu a Lawa a boo gii-dalin lɛn man ka mu yala gɔ̀dɛnaa bɛ́ lɔn, n daɛ gána lɛ tumaa la.

Zeremii 31:37

Dɛnaa Lawa n kɛ pii: «Bɛ̀ min boo la á lon a wo lon zɔɔ̃, á tán a zuzulubaa zɔɔ̃, ma dɔ á re Izirayeli minin tii, ǹ sii baraan taman yii!» Dɛnaa Lawa a da ǹ boo ne.

Zeremii 46:28

Nsɛ Zakɔba maa dí-nyali, nyɛ́ɛ nyan nə n kũ wa, Dɛnaa Lawa a da ǹ boo ne, a giala ma tá kunun n ni. Ma ka pɛsɛ̃ tɔrɔn mɛnɛn bii, ma á re yui bɛn gialaa, ma ǹ bɔ̀n baa lenlen. Sɛnɛ nsɛ, ma a re n bɔ̀n biɛ lenlen wa. Taãn nɛ, má n doroo ka peperebaa nɛ. A giala, ma a boe la ma n toa walan ka yii tì-a bɛ́ lɔn wa!

Zeremii 50:20

Bɛa biikoo li, bɛa pinaa kəni, ǹ tá re giɛ Izirayeli a sãn li, sɛnɛ ǹ ba re màn kɔn yii wa. Ǹ tá re giɛ Zudaa a sãn li, sɛnɛ ǹ ba re màn kɔn yii wa. A giala, min mɛnɛn yii bɛ́ re goɛ̃ koo, ma á re bɛn sãn toɛ ǹ nɛ. Dɛnaa Lawa a da ǹ boo ne.

Zeremii 51:19

Sɛnɛ, Zakɔba a naforo ke, bɛ ba ka ǹ bɛ́ lɔn wa. Asɛ n kanaa tumaa a zɛnaali lɛa. A wɔ n ka Izirayeli tɔrɔn nɛ. A tɔ n: "Dɛnaa Lawa Pàãyiidɛnaa".

Ezekieli 8:17

Á wusoo á pɛ ma nɛ: «Nsɛ minbuiin a nɛ, táa n yɛ? Zudaa tɔrɔn bɛ́ sii bɔbɔnɛɛn mɛnɛn zɛnɛɛ kànaa, á la yii ni. Sɛnɛ, ǹ ba toɛ bɛ dɔ din li wa. Maǹ gána lɛ gɔ́ɔ̃ piɛ̃ ka kakaarɛbaa ǹ siin ni, ǹ nə́ wusii we ma lon. Ǹ nə́ ke n nyin din koe da luu lɛ!

Ezekieli 9:9

Á tɔ́n pɛ ma nɛ: – Izirayeli minin laanka Zudaa minin sii baraa lɛ gole kɔ á la yii ni. Kakaarɛbaa gána lɛ pã, mɛnaa kɔn la kiwi lɛ pã. A giala, maǹ pii: «Dɛnaa Lawa gána lɛ toa walan, a yii a màn kɔn ganaa wa.»

Ozee 2:1

Ǹ kɔn pinaa, Izirayeli minin lɛn tá re mɔnɛɛ, ka yìsi mu lɛ-a ǹ nyɔɔsɔ̃ bɛ́ lɔn, min ná a boe la a zɔɔ̃ wa, min ná a boe la a nimi wa. Lawa pɛ ǹ nɛ bǎã mɛn nɛ "Ka bie maa zaman lɛa doo wa", á re wusii a pɛ ǹ nɛ walan "Lawa yiikoonaa a minin"!

Ozee 2:3

Ka pɛ ka dɔɔ̃ngiĩn lɛn manɛ: «Amii, maa zaman.» Ka pɛ ka dɔɔ̃nlɔn lɛn manɛ: «Urukama, ma á re makara boe ka ganaa.»

Ozee 4:1

Dɛnaa Lawa n kiri we gána lɛ a minin ganaa. Izirayeli minin lɛn ka n too kɔ a da ǹ boo li: sonbore-pɛ ba gána lɛ-n wa, kɔn-narɛɛ ba a-n wa, Lawa-doɛ̃ ba a-n wa.

Ozee 4:2

Maǹ lɛn baraa bíi kɔn li, soɛ boe kɔn nɛ, gɛ̀ dii, wurumu biɛ, naarɛbaa zɛnɛɛ. Kakaarɛbaa kɛ din la yii ni, maǹ kɔn ka gɛ̀ dɛ-n miɛ̃ duduu.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Misee 7:20

N tá re n sonborebaa nyɛɛ Zakɔba tɔrɔn kɛn manɛ, n tá re n giaárabaa nyɛɛ Abrahamu tɔrɔn kɛn manɛ. N lɛ kɔ wɔ digolon la ka sii mɛn nɛ haalɛ bibi, a din lɛ n ka bɛ nɛ.

Zakarii 12:6

Bɛa waáraa kəni, ma á re Zudaa a kiã biɛ ka tɛ bɛ́ lɔn gɔn dakɔnla giulun, hinlaa ka tɛ bɛ́ lɔn làpaa ganaa toa giulun. Tɔrɔn mɛnɛn bɛ́ ǹ lɛnpɛnɛ, ǹ tá re bɛn tumaa yɔyɔrɛ lenlen. Sɛnɛ, Zeruzalɛmu minin tá re giɛ̃ ǹ kiwin ni.

Zakarii 12:8

Bɛa waáraa kəni, Dɛnaa Lawa á re Zeruzalɛmu minin tamɛɛ: Pàã n die goɛ̃ ǹ pàãwɛɛnaan lon ka Davida bɛ́ lɔn. Davida a sumu minin man die goɛ̃ ka Lawa bɛ́ lɔn, ka Dɛnaa Lawa a lon a dia dí-a wole bɛ́ lɔn.

Zakarii 2:12

Dɛnaa Lawa Pàãyiidɛnaa a da ǹ boo á ke, asɛ mɛn dí gole wɔ ma gɔn, mà ma pɛ tɔrɔn kɛn manɛ ǹ nə́ ka kokoo: «Min woo min yoo ka gialaa, ǹ dɛnaa na á n gɔn sã masɛ din yii ni.

Samayeli1 12:22

Dɛnaa Lawa tɔ golebaa lɛ taman yii, a ba re a zaman lɛ toɛ walan wa. A giala, Lawa na á bɔ a din ni, á ka baa a zaman lɛa.