Zeremii 51:43 - LAWA A BOO SONBORE

⁴³ A kiwin nə́ kɛbɔlɔn baa. Gána lɛ nə́ n baa tán gere lɛa, min ná a boe la a giã-n doɛ̃ wa, min ná a boe a-n dɔn wa.

LAWA A BOO SONBORE 2011

⁴³ A kiwin nə́ kɛbɔlɔn baa. Gána lɛ nə́ n baa tán gere lɛa, min ná a boe la a giã-n doɛ̃ wa, min ná a boe a-n dɔn wa.

Zeremii 51:43 ပူးပေါင်းရင်းမြစ်များ

Loen 46:8

Dɛnaa Lawa Pàãyiidɛnaa tá kun wɔsɛn nɛ. Zakɔba a Lawa kɛ n wɔa duru ǹ bǎã lɛa. Doa.

Izayii 13:20

Min kɔn ba re giɛ̃ a-n doo duduu wa, a gɔ́ɔ̃ kooro n die goɛ̃ miɛ̃. Mu gòo-kɔlen dinin ba re golee a nɛ wa, tɔɔ-lɛduə̃lin ba re woe ǹ tɔɔn nɛ a-n wa.

Izayii 34:13

Nyan tewonən tá re piɛ̃ kion sonboren ne. Buu nyandɛnan laanka koronkoron tá re n koe ǹ kiwi tamaa ǹ kungɔnɔn lɛ. Á re tolokan laanka bɛndan giã ǹ bǎã biɛ.

Izayii 47:11

Á ke, koe n die boe n ganaa. N ba re boe la n na a lɛ goa wa. Koe gole n die miɛ n la. N ba re kanbiɛ a ganaa wa. Basaã gole mɛn bɛ́ n yiri ba a ganaa wa, bɛ n die n tɔwɛɛ bǎã goon ne.

Zeremii 18:16

Maa zaman ná a gána lɛ bɔyaa á baa kɛbɔlɔ lɛa, yaa da ǹ màn lɛa yǎa duduu. Kiɛ̃ wolen yiri nə́ n lɔlɔkɔn. Maǹ nə n mìi papasɛ.

Zeremii 2:6

Ǹ nɔ̀n da kɛnɛn wa: Dɛnaa Lawa á maa, asɛ mɛn nə wɔ waa Ezipti gána nɛ, á wɔ nyɛɛnaa ǹ bɔ diə gole ne, don lɛa, piɛ̃-n ka nyankɔrɔ nɛ, gána gere lɛa, a n tì, min ná a boe a-n wa, min ná a ba a-n dɔn wa.

Zeremii 50:12

Sìi nə n kɔ kaa náa lɛ, min mɛn ka yɛ á ka da kanaa, a gugurubaa nya. Sisia, kaa gána lɛ n gána tumaa a giala nyɔmɔɔ lɛa. Diə gole ne, tán gere ne.

Zeremii 51:29

Dɛnaa Lawa a sii yɔrɔ boe ke, bɛ̀ á bɛ zɛnɛɛ Baabilonii gána nɛ, tán nə bìn diɛ, a n bìn diɛ nyɛ́ɛ gɔn. A n Baabilonii gána bɔyɛɛ, a baa kɛbɔlɔ lɛa, min ná a ba a-n wa.

Zeremii 51:37

Man die Baabilonii kiwi bɔyɛɛ, ma baa kɔlɔ da kɔn la lɛa, Á re tolokan giã ǹ bǎã biɛ. Nyɛ́ɛ á re minin kuĩ. Ǹ tá re nyɛ́ɛ da ǹ lɛ biɛ, min kɔn ba re giɛ̃ kiwi lɛ-n wa.

Zeremii 51:62

A pɛ: «Dɛnaa Lawa, n din nə́ n boo kɛ da: Baabilonii gána á re n bɔ̀n biɛ, min goon din ba re goɛ̃ a-n wa, minbuiin nɛ lɛa, hinlaa tɔɔ lɛa wa. A n die n biɛ kɛbɔlɔ lɛa yǎa duduu.»