Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zeremii 51:37 - LAWA A BOO SONBORE

37 Man die Baabilonii kiwi bɔyɛɛ, ma baa kɔlɔ da kɔn la lɛa, Á re tolokan giã ǹ bǎã biɛ. Nyɛ́ɛ á re minin kuĩ. Ǹ tá re nyɛ́ɛ da ǹ lɛ biɛ, min kɔn ba re giɛ̃ kiwi lɛ-n wa.

အခန်းကိုကြည့်ပါ။ ကော်ပီ

LAWA A BOO SONBORE 2011

37 Man die Baabilonii kiwi bɔyɛɛ, ma baa kɔlɔ da kɔn la lɛa, Á re tolokan giã ǹ bǎã biɛ. Nyɛ́ɛ á re minin kuĩ. Ǹ tá re nyɛ́ɛ da ǹ lɛ biɛ, min kɔn ba re giɛ̃ kiwi lɛ-n wa.

အခန်းကိုကြည့်ပါ။ ကော်ပီ




Zeremii 51:37
24 ပူးပေါင်းရင်းမြစ်များ  

Bɛ lɛn nɛ Dɛnaa foo yoo Zeruzalɛmu kiwi li ka Zudaa gána tumaa nɛ. Á ǹ baa nyɛ́ɛ da ǹ sii a kɔnboe lɛa, foo saa ǹ màn lɛa, foo ziziɛ̃ ǹ màn lɛa ká yii bɛ́ a ganaa lɔn pelo.


«Baabilonii á re kɔlɔn giã ǹ bǎã biɛ. Á re bɛrɛɛ bǎã biɛ. Man die ziziɛ̃ lenlen ka ǹ bɛ́ wɔlɔ wɔrɛɛ lɔn.» Dɛnaa Lawa a da ǹ boo ne.


Maa zaman ná a gána lɛ bɔyaa á baa kɛbɔlɔ lɛa, yaa da ǹ màn lɛa yǎa duduu. Kiɛ̃ wolen yiri nə́ n lɔlɔkɔn. Maǹ nə n mìi papasɛ.


Man die Zeruzalɛmu biɛ nyɛ́ɛ da ǹ kiwi lɛa, yaa da ǹ màn lɛa. A ziziɛ̃ a la yii-n kɛ á die tɔwaa biɛ kiɛ̃ wolen tumaa ganaa.


Dɛnaa Lawa a da ǹ boo á ke: «Bɛ̀ bɛa lɛ̀ pɔsɔbaa lɛ lɛ pã, man die yui Baabiloniin kii gialaa, ǹ gɛ̀-dɛ kɛa lɛa. Man die yui *Baabilonii minin gána gialaa, ma baa diə gole lɛa yǎa duduu.


A na á n giala kɔ Zeruzalɛmu ganaa, ka Zudaa kiwi kɔsɔn nɛ, ǹ kiin laanka ǹ nyɛɛnaandɛnan nɛ. Bɛa kiwin lɛn nə́ kɛbɔlɔn baa, bǎã bɔbɔnɛɛn lɛa. Kɛ doamaa nɛ a ǹ kaa nyɛ́ɛbaa ǹ lɛ-dɛ gole ganaa, a sii a kɔnboe baa lɛ ǹ baraa bíi a paǹ li. Bɛ lɛ n ke n zɛnɛɛ pelo.


man die gɔsɛ a lɛ̀gɔn la tɔrɔn kɛn tumaa bíi, ma maa dí-nyali Baabiloniin kii Nebukadenezɔɔrɔ bíi. Ma ǹ die yui gána kɛ gialaa, a zaman nɛ, ka ǹ miãkɛnɛn nɛ. Man die ǹ tumaa ziziɛ̃. Man die gána kɛ biɛ bǎã bɔbɔnɛɛ lɛa, kɛbɔlɔ lɛa biikoo yii li. Minin tá re foo ziziɛ̃ ǹ lɛ-dɛ we a ganaa. Masɛ Dɛnaa Lawa a da ǹ boo ne.


Man die ǹ kio lui ka zia nɛ, bòo ne ka piɛ̃ busu ni. Bɛ̀ gánan mɛnɛn nə́ ǹ yɛ, nyɛ́ɛ á re bɛn tumaa kuĩ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ bɛn li, bɛ̀ ǹ tá re lɛn baraa bíi, bɛ̀ ǹ tá sii bɔbɔnɛɛ boo diɛ, nyɛ́ɛ da ǹ sii ni ka sìi boo ni.


Edɔmu á re kɛbɔlɔ biɛ. Min mɛn tumaa bɛ́ kiɛ̃ kunu a li, ǹ yiri á re n lɔlɔkɔn. Ǹ tá re n lɛ dii basaã kɛ tumaa taman yii.


Asɔɔrɔ kiwi á re tolokan susu ǹ bǎã biɛ, kɛbɔlɔ lɛa yǎa duduu. Min goon ba re goɛ̃ kaa kiwin ni wa, minbuiin nɛ goon din ba re goɛ̃ ǹ nɛ wa.


Dɛnaa Lawa a sii yɔrɔ boe ke, bɛ̀ á bɛ zɛnɛɛ Baabilonii gána nɛ, tán nə bìn diɛ, a n bìn diɛ nyɛ́ɛ gɔn. A n Baabilonii gána bɔyɛɛ, a baa kɛbɔlɔ lɛa, min ná a ba a-n wa.


Sii-dɔ̃li tan a n boe la a siin kɛn giala ma? Bɛ̀ Dɛnaa Lawa boo da ǹ dɛnaa nɛ, gána lɛ ziziɛ̃ mìi mɛn ganaa, tɛ kũ ka yɔrɔ mɛn nɛ min ná a kiɛ̃ a-n doɛ̃ dinin wa, a bɛ giala pɛ.


Ɔmuri a landa sii kɔrɔn kɛn, a nɛ Akaabu a kion minin zɛnaa ǹ sii gɛsɛn kɛn tumaa, ka gɔn nə paraa-n bɛn lɛn ganaa. Bɛ lɛ a lɛa nɛ, ma á die kaa gána lɛ yui. Kaa kiwi minin kɛn, ǹ tá re bɛn diɛ yaa lɛa. Sìi sii mɛn bɛ́ re maa zaman lɛ yii, a guĩ á re doe ka ganaa.


Man die yisi kiɛ n la, n bɛbɛnɛ, má n nyaa sii a kɔnboe lɛa.


Ninivu n die goɛ̃ kɛnɛn lɛn, asɛ mɛn bɛ́ á goã foo kɔɔ̃nbaa la, ka là nyantoro ne, a n pii a gɔ́ɔ̃ nɛ: «Min kɔn ba ka wɔ bɛ́ lɔn wa!» Sɛnɛ, Ninivu kɛbɔlɔ baa á don siĩn duru ǹ bǎã baa. Min mɛn tumaa bɛ́ kiɛ̃ walan, maǹ puru diɛ a ganaa, ǹ nə́ n gɔn pɛsɛ̃.


Á n lɛ dɛ ka lɛn gole ne, á pɛ: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Kanna, a bǎã nə́ n baa nɔ̀ɔn baraan giã ǹ bǎã lɛa, yiri baraan tumaa a duru ǹ bǎã lɛa, bàan gɔ̀dɛnaa gìĩ-bɔle-an tumaa a giã ǹ bǎã lɛa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ