Zeremii 51:33 - LAWA A BOO SONBORE

³³ Dɛnaa Lawa Pàãyiidɛnaa, Izirayeli a Lawa n kɛ pii: Baabilonii doobaan lɛ yɔyɔrɛ ka *belee duwəə ǹ bǎã bɛ́ lɔn. Kànaa ka boɛɛnɛ, asɛ a kaa-piɛ dɔ.

LAWA A BOO SONBORE 2011

³³ Dɛnaa Lawa Pàãyiidɛnaa, Izirayeli a Lawa n kɛ pii: Baabilonii doobaan lɛ yɔyɔrɛ ka *belee duwəə ǹ bǎã bɛ́ lɔn. Kànaa ka boɛɛnɛ, asɛ a kaa-piɛ dɔ.

Zeremii 51:33 ပူးပေါင်းရင်းမြစ်များ

Izayii 18:5

Kaa-piɛ laan bɛ̀ a dɔ, ǹ mɛn waáraa bɛ̀ *rezɛ̃ da buũ kɔ á nya, a nɛ n zoɛ̃ li a ma, gùrùn mɛnɛn bɛ́ ǹ là ná a banban, maǹ bɛn boe ka kuku ni. Maǹ nə ǹ kuri, maǹ a gɔnɔn boe.

Izayii 21:10

Maa zaman, ǹ nə nsɛ mɛn duwəə ka n bɛ́ *belee duwii lɔn, ma doroo mɛn yɛ boe Dɛnaa Lawa Pàãyidɛnaa, Izirayeli a Lawa li, bɛ n ka kɛ nɛ. Bɛ n kibərə lɛa, man pii n ni.

Izayii 47:1

Dɛnaa Lawa pɛ: *Baabilonii kiwi, gisĩ n giã tán gusuũ li, *Kaldee minin kiwi, kii dankan bɛ́ a bǎã mɛn nɛ wa, giã tán furu-n walan. Baabilonii kiwi, giã tán furu-n sonbore! Kanna, ǹ ba re n bíi: "Baabilonii sonbore" doo wa, "Baabilonii siĩn" wa.

Zeremii 51:32

Ǹ nə́ ziin tumaa kũ, tɛ kiwi tamaa ǹ kungɔnɔn kɛn kũ, sɔraasin foo ziziɛ̃.

Ozee 6:11

Zudaa minin lɛn, manə n yɔrɔ boe die kiri we ka dɔn ganaa, bɛ á zɛnɛɛ, bɛ̀ má maa minin giã ǹ gɔn zizi kɛ kɔ ǹ la.

Amɔɔsi 1:3

Dɛnaa Lawa na á pɛ kɛnɛn: Damaasi minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la: A giala ǹ nə́ boo Galaati minin kɛn la ka fɔlɔ mànan nɛ, ǹ nə́ ǹ kakã. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Misee 4:12

Sɛnɛ, ǹ ba Dɛnaa Lawa a taasiɛ doɛ̃ wa. A bɛ́ li a sii mɛn zɛnaa, ǹ yiri a doe bɛ gɔ́ɔ̃-n wa: a na á gánan lɛn sɔkɔn, ka ǹ bɛ́ *belee soekɔn lɔn a duwəə ǹ bǎã nɛ.

Misee 4:13

Zeruzalɛmu minin lɛn, ka yoo kəni, ka kaa belee duwəə, ma din tá re a duwəə ǹ pàã koe ka la. Dii mɛn bɛ́ a bɛnɛn nə́ fɔlɔ lɛa, a gòon tɔnɔn nə́ zan lɛa, ma á re ka biɛ bɛa dii lɛ miã lɛa, ka á re boe la ka tɔrɔ gigiã yɔyɔrɛ ka gòãn giulun. Ǹ gɔn mànan kɛn, ka bɛn kɔ Dɛnaa Lawa la, ǹ pàãmabaa ǹ mànan kɛn, ka bɛn kɔ kanaa tumaa a dɛnaa la.

Abakuku 3:12

Man tɔ we tán la ka foo-yoo ne. Man tɔrɔn yɔyɔrɛ ka foo-yoo baraa nɛ.

Matiə 13:30

Ka toa ǹ gole kɔ kun, yǎa a kurii waáraa. Bɛa waáraa, dí-nyalin mɛnɛn bɛ́ re kuri, ma á die pii bɛn manɛ, máa ǹ buu babaraa lɛ kuru bɔrɔ ǹ yii gɔn-sara-yii ǹ kaa tɛ-n, bɛ kio, ǹ màn tɔrɔ sonbore lɛ kaa maa dɔǹ nɛ.»

Matiə 13:39

Zɔ́ɔ mɛn bɛ́ á buu babaraa lɛ pɛsɛ̃ wuru lɛ nɛ, Sɛtaan din nə ka bɛ nɛ. A kurii waáraa ke, kanaa a nya waáraa n ka bɛ nɛ. Dí-nyalin mɛnɛn bɛ́ kuri, bɛn man lon a dia dí-a wolen lɛa.