Zeremii 51:13 - LAWA A BOO SONBORE

¹³ Baabilonii, nsɛ ke tà gole lɛ-a, gɔn màn gigiã nə́ n lon, n sàabaa ǹ gɔn nə ka kɛ lɛ nɛ. Ń mɛnaa n miãn la á la yii ni.

LAWA A BOO SONBORE 2011

¹³ Baabilonii, nsɛ ke tà gole lɛ-a, gɔn màn gigiã nə́ n lon, n sàabaa ǹ gɔn nə ka kɛ lɛ nɛ. Ń mɛnaa n miãn la á la yii ni.

Zeremii 51:13 ပူးပေါင်းရင်းမြစ်များ

Siin Giala 6:13

Lawa tɔ́n pɛ Nowee-n kɛnɛn: «Masɛ a lɛa, minbuiinin tumaa a nyin nya biikoo dɔ kəni! Ǹ dinin lɛn man nə́ toa kanaa pã ka kakaarɛbaa ǹ siin ni. Bɛ lɛ nɛ, man die a laanka a gɔ́ɔ̃gɔ́ɔ̃ ǹ mànan yii bɔ̀n biɛ kun.

Loen 137:1

Wɔ bɛ́ *Baabilonii tà lɛ-a, bɛ̀ wɔ́ n taasɛ Zeruzalɛmu ni, wɔ n giɛ̃ tán, bɛ̀ wɔ wuu pɛ.

Izayii 43:14

Dɛnaa Lawa, kaa si sii la wole, Izirayeli a Lawa sonbore n kɛ pii: «Ka dinin taman yii, man die min diɛ *Baabilonii. Kiɛnlɛ-a ǹ goon mɛnɛn bɛ́ kiwi lɛ tamɛɛ, man die bɛn woɛ̃. Baabilonii minin li, foo kɔɔ̃n lɛ-dɛ á re n bɔyɛɛ a gɛ̀ loe baa.

Izayii 45:3

Naforon mɛnɛn bɛ́ koa-n wɔlɔ tì li ka ǹ mɛnɛn bɛ́ durii ni, ma á re bɛn koe n la. Ka bɛ nɛ, n tá re doɛ̃ kəni, mà masɛ din Dɛnaa Lawa nə n bíi ka n tɔ nɛ, masɛ n Izirayeli a Lawa lɛa.

Izayii 57:17

Izirayeli a zɛ̀rɛ laanka a din foo siin kɛn nə́ ma foo yoo, bɛ lɛ nɛ má dɔlɔ da la. Ma ba li ma yɛ doo wa. Sɛnɛ a too kakabaa taman yii, a n tɔn koe a din foo siin lɛ.

Zeremii 17:11

Min mɛn bɛ́ pàãma biɛ yɔrɔ baraa la, bɛa dɛnaa na á kɔnbɔ ka koo dan nɛ, á waa gìi la, a ná a gìi dɔ da wa. A toa a yii n koo foo kɔɔ̃n la, naforo lɛ nə n gɔn boe a ganaa. A nə n gɔn nyɔmiɛ̃ baãnaa lɛa.

Zeremii 50:27

Ka a sɔraasi sonboren tumaa dɛ, ka wo ǹ ne ǹ bɔlɔ kuru ǹ bǎã nɛ! Ǹ wɔ n ka bɔ̀n nɛ, a giala ǹ dɔlɔ bɔ biikoo na á dɔ.

Zeremii 50:31

Taãn nɛ, Din koa wole Baabilonii, ma lɛ nə n li. Dɛnaa Lawa Pàãyiidɛnaa a da ǹ boo ne. Kanna kəni, maa yoo n gialaa ǹ lɛawaa n ka kɛ nɛ.

Zeremii 50:37

Ka zia baa a sùin laanka a ziabaa ǹ wotoron ganaa, ka tiin kɛn nɛ zia biɛ a lɛa. Ǹ die ǹ nə n baa ka lɔ pàãwɛɛnaan bɛ́ lɔn! Ka zia baa a naforon ganaa, ka ǹ tumaa kokoo!

Zeremii 51:36

Bɛ lɛ nɛ Dɛnaa Lawa n kɛ pii: Ma dinmaa n die n gɛ̀ dòo boe, ma n zia gii da. Ma á re Baabilonii gána a tà mun piɛ̃, ma a mu pìãn tumaa dama.

Busii pɛ 4:18

Maǹ gɔn diɛ wɔ ganaa, wɔ a boe la wɔ á n gòan boe kɔn doɛ̃ wa. Wɔa gɔn nyɔmɔɔ dɔ. Wɔa lɛawaa dɔ, wɔa wɔ nya.

Amɔɔsi 8:2

Á tɔ́n nɔ́n da ma la: «Amɔɔsi, n yii n wàa mɛn ganaa?» Má tɔ́n pɛ nɛ: «Ma yii n da nɛ mərə ganaa, kaka piɛ̃.» Dɛnaa Lawa tɔ́n pɛ ma-n kɛnɛn: – Maa zaman, Izirayeli minin lɛn goa biikoo dɔ, ka da nɛ mərə kɛ wɔ bɛ́ lɔn ma a re ǹ toɛ walan doo wa.

Piɛrɛ1 4:7

Màn din tumaa a giala-nyɔmiɛ biikoo diri. Ka ka dinin yiri kũ, ka n yii dɔraa, màn mɛn bɛ́ toɛ, ka boo la ka Lawa nyankɔ.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.

Sii-nyaan 17:1

Lon a dia dí-a wolen mɛnɛn bɛ́ ǹ nə́ goã ka koe mànan nɛ ǹ gunun, bɛn goon nə́ n zɔ̃ á dɔ ma li, á pɛ ma nɛ: «Ǹ bɛ́ re dɔlɔ boe lɔ naarɛbaali gole kɛ ganaa ka yɔrɔ mɛn nɛ, daa, ma á re bɛ nyɛɛ n nɛ, kiwi gole mɛn bɛ́ ǹ nə́ dɔ pɛrɛ damata lɛkoro lɛ-a.

Sii-nyaan 17:15

Lon a dia dí-a wole lɛ tɔ́n pɛ ma-n doo: «N mun mɛnɛn tumaa yɛ naarɛbaali kɛ a giã ǹ bǎã nɛ, bɛn man gánan minin lɛa, ka zaman nɛ, ka tɔrɔn nɛ, ka bɔlɔ totoro pɛlen ne.

Sii-nyaan 18:19

Maǹ nə́ goã gusuũ goɛ kiɛ ǹ mìi ni, ǹ nə́ wuu pii, ǹ nə́ n duwii, ǹ nə́ n lɛ dii: «Bɔ̀n woo bɔ̀n! Asɛ-n bɔ̀n gole kiwi gole lɛ yɛ! A din a pàãmabaa na á yìsi mu la ǹ dí-nyali tumaa baa pàãma lɛa. Sɛnɛ, a màn lɛ tumaa á ke á papaã biikoo goon toto dinsɔɔ̃ gɔ́ɔ̃ nɛ.»