Zeremii 50:46 - LAWA A BOO SONBORE

⁴⁶ Ǹ mɛn waáraa bɛ̀ ǹ tá pii: «Ǹ nə́ Baabilonii kũ!», tán nə bìn diɛ, lɛ dɛ gole n boe gána tumaa nɛ.

LAWA A BOO SONBORE 2011

⁴⁶ Ǹ mɛn waáraa bɛ̀ ǹ tá pii: «Ǹ nə́ Baabilonii kũ!», tán nə bìn diɛ, lɛ dɛ gole n boe gána tumaa nɛ.

Zeremii 50:46 ပူးပေါင်းရင်းမြစ်များ

Izayii 15:5

Man gú diɛ Moabu minin lɛa. A zaman nə baa sii yǎa Sowara, yǎa Eglati-Selesia. Maǹ wuu pii bɛ̀ ǹ tá dii Luhiti kele kɛ la. Oronayimu zii la, maǹ foo ziziɛ̃ ǹ lɛ dɛ we!

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Zeremii 10:10

Sɛnɛ, Dɛnaa Lawa n Lawa taãn lɛa. Lawa Yiikoonaa nɛ. A n kii lɛa yǎa duduu. Bɛ̀ a foo yoo, tán nə bìn diɛ. Tɔrɔn ba boe sii kɔn la ǹ zɛnaa a foo-yoo gɔ́ɔ̃-n wa.

Zeremii 46:12

Tɔrɔn nə́ kaa sìi boo ma. Bǎã tumaa nɛ, maǹ kaa ginii lɛ miɛ. A giala zia-baali na á n tɔ ǹ miã nɛ, ǹ tumaa bɔ ǹ nə́ kaa.

Zeremii 49:19

Dɛnaa Lawa pɛ: Man die goɛ̃ ka yàra bɛ́ lɔn, á soo da yii ni Zurdɛ̃ tà lɛ-a, woe tɔɔn buu sɔ̃ ǹ bǎãn ganaa. Man die min tumaa goɛ bǎã goon ma wo ǹ ne, Bɛ kio, ma á re min goon boe kiã lɛa ma koa Edɔmu mìi la? Die n ka ma bɛ́ lɔn? Die n boe la a maa sii zɛnaa a nɔ̀n da ma la. Kiã mɛn nə boe la a n gòãn dii ma ganaa?

Zeremii 49:21

Ǹ bɔ á mɛnaa wuu n bìn diɛ tán ganaa. Ǹ lɛ dɛ wuu n boe Sawɛɛ tà lɛ-a.

Zeremii 51:29

Dɛnaa Lawa a sii yɔrɔ boe ke, bɛ̀ á bɛ zɛnɛɛ Baabilonii gána nɛ, tán nə bìn diɛ, a n bìn diɛ nyɛ́ɛ gɔn. A n Baabilonii gána bɔyɛɛ, a baa kɛbɔlɔ lɛa, min ná a ba a-n wa.

Zeremii 51:54

Gú diɛ lɛ n boe, boe Baabilonii. Koe gole wuu n boe gána lɛ nɛ.

Ezekieli 26:18

Sisia kəni, tɔrɔn mɛnɛn bɛ́ yìsi mu lɛ-a, bɛn gɔ̀nɔn nə́ ke bìn diɛ n mɛnaa lɛ taman yii, nyɛ́ɛ yìsi mu lɛ-a minin kɛn kũ n papaã lɛ taman yii.

Ezekieli 27:28

N goo gɔ́ɔ̃dɛnan kɛn lɛ-dɛ wuu á re bìn diɛ yìsi mu lɛkoro lɛ-a dɛnan kɛn ganaa.

Ezekieli 31:16

Man má toa da lɛ mɛnaa, màn mɛn bɛ́ toɛ, a wo kun ka ǹ miãn nɛ geren piɛ. Tɔrɔ kɔsɔn ná a mɛnaa wuu ma, ǹ gɔ̀nɔn bìn da nyɛ́ɛ gɔn. Edɛn dù gɔrɔ a dan kɛn, Liban dan kɛn mɛnɛn siĩnbaa bɛ́ á goã á la ǹ miãn wɔ nɛ, ǹ nə́ mu yii sɔnbɔraanɛ, bɛn tumaa foo á re basɛ̃ da lɛ a mɛnaa gɔ́ɔ̃ nɛ.

Ezekieli 32:10

Má bɛ́ re sii mɛn zɛnɛɛ n nɛ, bɛ á re nyɛ́ɛ diɛ tɔrɔ gigiã ganaa. Bɛ̀ má maa gɔya sa kɛ biə̃ ǹ kiin yɔrɔ-a, ǹ mìi ka á re yui a gole ka gurusuu. N bɛ́ re mɛnɛɛ ǹ mɛn pinaa, ǹ gɔ̀nɔn bìn diɛ a re nyɛɛ wa. Didie á re pàã diɛ ka a din ni.