Zeremii 50:37 - LAWA A BOO SONBORE

³⁷ Ka zia baa a sùin laanka a ziabaa ǹ wotoron ganaa, ka tiin kɛn nɛ zia biɛ a lɛa. Ǹ die ǹ nə n baa ka lɔ pàãwɛɛnaan bɛ́ lɔn! Ka zia baa a naforon ganaa, ka ǹ tumaa kokoo!

LAWA A BOO SONBORE 2011

³⁷ Ka zia baa a sùin laanka a ziabaa ǹ wotoron ganaa, ka tiin kɛn nɛ zia biɛ a lɛa. Ǹ die ǹ nə n baa ka lɔ pàãwɛɛnaan bɛ́ lɔn! Ka zia baa a naforon ganaa, ka ǹ tumaa kokoo!

Zeremii 50:37 ပူးပေါင်းရင်းမြစ်များ

Loen 46:9

Ka da ga Dɛnaa Lawa a nya ǹ dí ganaa, a kaãbaa ǹ din mɛnɛn nya tán la.

Loen 76:6

Zia-baali dadaran kɛn mànan tumaa nə́ n si ǹ la, gɛ̀ nyuù nə́ ǹ saa. Bɛa zia-dɔ̃li sonboren kɛn lɛn nə boo la ǹ nə sii kɔn zɛnaa wa.

Izayii 19:16

Ǹ kɔn pinaa, bɛ̀ Dɛnaa Lawa Pàãyiidɛnaa yoo Ezipti minin gialaa, maǹ die goɛ̃ ka lɔn bɛ́ lɔn, nyɛ́ɛ nə́ ǹ ganaa. Bɛ̀ á n gɔn pepere ǹ li ǹ mɛn pinaa, ǹ gɔ̀nɔn tá re bìn diɛ nyɛ́ɛ gɔn.

Izayii 45:3

Naforon mɛnɛn bɛ́ koa-n wɔlɔ tì li ka ǹ mɛnɛn bɛ́ durii ni, ma á re bɛn koe n la. Ka bɛ nɛ, n tá re doɛ̃ kəni, mà masɛ din Dɛnaa Lawa nə n bíi ka n tɔ nɛ, masɛ n Izirayeli a Lawa lɛa.

Zeremii 25:20

kɔnlɛ ka tɔrɔn kɛn tumaa nɛ giã-n Ezipti gána nɛ. Usu gána a kii ni, Filisiti minin kiin ni: Asikalɔn wɔ nɛ, Gaazaa wɔ nɛ, Ekrɔn wɔ nɛ, ka Asidɔdi min lɛkun mɛn goã.

Zeremii 25:24

Larabu gána kiin tumaa nɛ, ka tɔrɔn kɛn nɛ giã-n diə gole ne.

Zeremii 48:41

Ǹ nə́ Keriyɔti kiwi kũ, Bǎãn mɛnɛn bɛ́ tamaa nɛ, ǹ nə́ bɛn si la. Nyɛ́ɛ n Moabu a zia-baali foo-taãn-an ganaa ka lɔ bɛ́ lɔn a nɛ yɛ biikoo li.

Zeremii 50:10

Ǹ tá re Baabilonii gána kokoe. Ǹ tá re a gɔn mànan goɛ ka ǹ bɛ́ li lɔn. Dɛnaa Lawa a da ǹ boo ne.

Zeremii 50:26

Ka bɔ paǹ yii li ka daa, ka a dɔǹɔn lɛ bũ, ka a naforon sɔkɔn, ka tɛ da ǹ ganaa! Ka nyan màn kɔn toa walan wa!

Zeremii 51:21

N din barka nɛ, má sùin laanka sùidɛnan yɔyɔrɛ, ziabaa ǹ wotoron ne ka ǹ da baa-a wolen ne.

Zeremii 51:22

N din barka nɛ, ma giĩn laanka lɔn yɔyɔrɛ, nɛnyaanan laanka min zizin ni, nɛgiĩn laanka nɛlɔn nɛ.

Zeremii 51:30

Baabilonii a sɔraasi sonboren nə́ n piã ka ziabaa nɛ. Maǹ nə n duri bǎã kakan nɛ. Ǹ foo tãbaa nya. Maǹ ka lɔ bɛ́ lɔn. Kiwi lɛ a kiɛnlɛn buĩmaa nɛ, tɛ na a kionən kuĩ.

Zeremii 51:4

Ǹ geren tá re goɛ̃ tán Baabilonii gána nɛ, ǹ busulən tá re goɛ̃ tán bǎã yii ni, ziin la.

Ezekieli 30:5

Etiopii minin ni, Puti wɔn nɛ, Ludu wɔn nɛ, Larabu gána wɔn nɛ, bɛa tɔrɔ lɔlɔkɔn kɛ lɛ tumaa á re kiɛ kunun ǹ ni zia la, haalɛ ma din tɔrɔn kɛn lɛn dɔn dinin minin.

Ezekieli 39:20

Màn bii ǹ bǎã lɛ nɛ, ǹ tá re n dinin toe ka sùin laanka ǹ da baa-a wolen siĩ ni, ka sɔraasin kɛn tumaa siĩ ni. Ma din Dɛnaa Lawa a da ǹ boo ne.

Nahumu 2:13

Yàra n don siĩ dii a tɔtoɛ̃, yàra dan laanka a nɛn wɔ lɛa. A bɛ́ don siĩn mɛnɛn dii, bɛn ná a yala pã.

Nahumu 3:13

N sɔraasin lɛn man ka lɔn bɛ lɔn, pàã ba ǹ lon wa. N gána lɛ a kiɛnlɛn buĩ maa nɛ n zɔ́ɔn nyɛɛnɛ. Tɛ nə n goo-nɛ daanan lɛn tumaa kũ.

Azee 2:22

Ma á re kiin nyɛnɛɛ ma ǹ kaa, ma ǹ bɔ kii dankan la, ma á re kiin laanka gánan pàã ziziɛ̃, ma á re ziabaa ǹ wotoron noɛ̃ ma ǹ kaa kɔnlɛ ka ǹ da baa a wolen ne, sùi laanka a dii mala wole á re mɛnɛɛ, dɔɔ̃n tá re ǹ dɔɔ̃n diɛ gɛ̀ nɛ.»