Zeremii 50:31 - LAWA A BOO SONBORE

³¹ Taãn nɛ, Din koa wole Baabilonii, ma lɛ nə n li. Dɛnaa Lawa Pàãyiidɛnaa a da ǹ boo ne. Kanna kəni, maa yoo n gialaa ǹ lɛawaa n ka kɛ nɛ.

LAWA A BOO SONBORE 2011

³¹ Taãn nɛ, Din koa wole Baabilonii, ma lɛ nə n li. Dɛnaa Lawa Pàãyiidɛnaa a da ǹ boo ne. Kanna kəni, maa yoo n gialaa ǹ lɛawaa n ka kɛ nɛ.

Zeremii 50:31 ပူးပေါင်းရင်းမြစ်များ

Izayii 2:12

A giala, a din lɛawaa mɛn bɔ á koa, Dɛnaa Lawa Pàãyiidɛnaa á re din gole-kɔlen kɛn laanka din koa wolen kɛn mìi diɛ ǹ giulun.

Zeremii 21:13

Kasɛn mɛnɛn bɛ́ giã-n nyankɔrɔ basa nɛ ka gɛ̀fu la ǹ dɛnan nɛ, Dɛnaa Lawa a da ǹ boo ne, man die ka gialaa. A giala, ka ǹ pii: «Min kɔn ba boe la a dii a da wɔ gialaa hinlaa a wɔ wɔa kion wa.»

Zeremii 48:29

Wɔ́ Moabu a din gole kɔ boo ma. A din gole kɔ la yii ni, a din narɛ kɛ nɛ, a foo doa a din ganaa nɛ, a yaa wɔ minin ganaa nɛ, ka a din koa nɛ!

Zeremii 49:16

Ma n nyɛ́ɛ da ǹ màn lɛa, n nə́ n din koɛ n miãn ganaa. Sɛnɛ, ma nə n din siɛ̃. N giã ǹ bǎã n ka kele yalan nɛ, sɛnɛ, n woo giã kele mìi ni. Ta ma n nə́ n kii dɔ lon sɔsɔɔ á la zèwo wɔ nɛ, man die n zuĩ yǎa tán.» Dɛnaa Lawa a da ǹ boo ne.

Zeremii 50:29

Ka sa-zũlin tumaa sɔkɔn, ka ǹ kaa Baabilonii kiwi ganaa. Ka a lɛnpɛnɛ a paǹ tumaa li! Ka nyan toa min kɔn la wa! Ka a saraa kɔ la a kɔnpɛ ka a zɛnaa ǹ siin ni. A siin mɛnɛn zɛnaa ǹ miãn manɛ, ka zɛnaa a dɔ-n miɛ̃. A giala, á n din koa Dɛnaa Lawa, Izirayeli a Lawa sonbore kɛ ganaa.

Zeremii 50:32

Din koa wole nə n gòã niɛ a mɛnaa. Min kɔn ba yii a saa a da lon wa. Man tɛ diɛ a kiwin gana. Màn mɛn tumaa bɛ́ ǹ lɛnpɛnɛ, man tɛ diɛ a tumaa ganaa.

Zeremii 51:25

Hiĩ, Baabilonii, ma lɛ nə n li, Dɛnaa Lawa a da ǹ boo ne. Ziziɛ̃ á paǹ li, ń pàã la kele wɔ nɛ, ń kanaa tumaa ziziɛ̃. Man die n gɔn siɛ n li, ma n da birikəə̃ ganaa gɛ̀fun mìi ni, ma n baa kele tɛdɛnaa lɛa.

Ezekieli 29:3

Boo da n pɛ, mà masɛ Dɛnaa Lawa n kɛ pii: Nsɛ Eziptin kii Faarahɔn kɛ lɛ, man die n gialaa. Nsɛ mu li ǹ màn babaraa kɛ lɛ, waa-n tán Ezipti a tà gòã nɛ, táa n din nə́ ń pɛ mà nsɛ din a tà n ka n tà nɛ, ma nsɛ nə ń zɛnaa n din wɔ lɛa.

Ezekieli 38:3

n pɛ nɛ, mà masɛ Dɛnaa Lawa n kɛ pii: «Nsɛ Gɔgu kɛ lɛ, Mesɛki tɔrɔn laanka Tubaali tɔrɔn nyɛɛnaandɛnaa gole lɛa, man die yui n gialaa.

Ezekieli 39:1

Minbuiin a nɛ, maa boo kɛ da Gɔgu wɔ paǹ li, n pɛ mà masɛ Dɛnaa Lawa n kɛ pii: «Mesɛki tɔrɔn laanka Tubaali tɔrɔn nyɛɛnaandɛnaa gole Gɔgu, ma á die n gialaa.

Ezekieli 5:8

Bɛ lɛ taman yii, masɛ Dɛnaa Lawa n kɛ pii: «Ma dɔ á die ka gialaa. Man die dɔlɔ boe ka ganaa kiwi lɛ bii, tɔrɔ kɔsɔn kɛn tumaa yɛ.

Nahumu 2:13

Yàra n don siĩ dii a tɔtoɛ̃, yàra dan laanka a nɛn wɔ lɛa. A bɛ́ don siĩn mɛnɛn dii, bɛn ná a yala pã.

Nahumu 3:5

Dɛnaa Lawa Pàãyiidɛnaa na á kɛ pɛ: Á ke, ma lɛ nə n li. Ma á re n mɔnaa lusi ma kɔ ǹ yɔrɔ lɛ, ma n tontoro nyaa tɔrɔ kɔsɔn manɛ. Gána kɔsɔn kɛn tá re n sìi yii.

Zaaki 4:6

Sɛnɛ, Lawa din nə pàã koe wɔ la doo, wɔ boo la wɔ n dinin si wɔa taasiɛ baraan la. Bɛ lɛ na á toa a boo á pii: «Lawa n zia diɛ din gole kɔlen ganaa, sɛnɛ, a na a sonborebaa nyɛɛ din gisiĩ wolen manɛ.»

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»

Sii-nyaan 18:8

Bɛ lɛ a lɛa nɛ, koen mɛnɛn tumaa bɛ́ a wɔ lɛa, ǹ tá re die kiɛ la pinin goon toto: busu ni, gɛ̀-koa nɛ, bòo ne, ka tɛ mɛn bɛ́ re kuĩ. A giala Dɛnaa Lawa mɛn bɛ́ á kiri wɔ a ganaa, Pàãyiidɛnaa nɛ.