Zeremii 50:27 - LAWA A BOO SONBORE

²⁷ Ka a sɔraasi sonboren tumaa dɛ, ka wo ǹ ne ǹ bɔlɔ kuru ǹ bǎã nɛ! Ǹ wɔ n ka bɔ̀n nɛ, a giala ǹ dɔlɔ bɔ biikoo na á dɔ.

LAWA A BOO SONBORE 2011

²⁷ Ka a sɔraasi sonboren tumaa dɛ, ka wo ǹ ne ǹ bɔlɔ kuru ǹ bǎã nɛ! Ǹ wɔ n ka bɔ̀n nɛ, a giala ǹ dɔlɔ bɔ biikoo na á dɔ.

Zeremii 50:27 ပူးပေါင်းရင်းမြစ်များ

Zɔbu 18:20

Sii mɛn bɛ́ re yii bɛ n die kaãbaa diɛ lɛ̀nyɛɛn minin ganaa, a n die nyɛ́ɛ diɛ lɛ̀giala minin ganaa.

Loen 22:12

N nyan nə n wɔlɔ lui ma ganaa wa. A giala, biikoo baraa diri. Á ke, dɔmalɛ wole dɔ ba ma lon wa.

Loen 37:13

Sɛnɛ, Dɛnaa Lawa n yaa we min baraa ganaa, a giala, a yii tá a bɔ̀n baa ǹ lɛawaa ganaa die.

Izayii 21:12

Wɔlɔ-lɛduə̃li lɛ ná a lɛ si, á pɛ: «Lɛ̀ n wɛɛ, sɛnɛ tèlò n tɔn a tan. Bɛ̀ ka á li ka wusoo ka da nɔ̀n da, ka wusoo ka da biikoo kɔsɔ li doo!»

Izayii 34:6

Dɛnaa Lawa a gɔya sa n mà lɛa, a n nyɔɔ lɛa, sère ten laanka butumun mà lɛa, sère gɔ̀lɔ̀ dɔ̀ɔ̃ koron nyɔɔ lɛa. Bosraa kiwi gole kɛ nɛ, Dɛnaa Lawa *wúlu màn yɔrɔ bɔ: Basaã gole-n Edɔmu gána wɔ lɛa.

Izayii 34:7

Zùn tá re mɛnɛɛ kunun ǹ ni, dii gɔ̀lɔ̀n laanka diin nə mɛnaa kun. Mà á re baa sii tán, siĩ nyɔɔ tán si á n kɔ lɛ.

Zeremii 12:3

Sɛnɛ, Dɛnaa Lawa, ń tá ma doɛ̃, ń yii tá ma-a. Ń tá doɛ̃ ma man kunun n ni ka ma foo din tumaa nɛ. Min baraan kɛn kaa para-a ka sèren bɛ́ lɔn, ǹ nə́ woe ǹ bɔlɔ kuri. Ǹ kaa ǹ gɔrɔn dɔlɔ pinaa kɛ taman yii!

Zeremii 25:34

Kasɛn kɛn maa zaman-lɛduə̃lin lɛa, ka n lɛ dɛ, ka n duduwə. Ka n birikəə̃ tán, kasɛn mɛnɛn bɛ́ maa tɔɔn lɛduĩ. Hiĩ ka dɔn gɛ̀ wɔ na á dɔ. Ka n die mɛnɛɛ, ka yɔyɔrɛ ka tasa giɔ̀mɔ kaka bɛ́ lɔn.

Zeremii 27:7

Tɔrɔ tumaa á re dí nyɛɛ nɛ, a nɛgiĩn ni ka a nɔ̀ɔnɔn nɛ. Bɛ n die n zɛnɛɛ miɛ̃ yǎa biikoo mɛn li bɛ̀ tɔrɔ gigiã laanka kii pàãdɛnan ná a dɔ a gána da ǹ dɔn pàã giulun.

Zeremii 46:21

Ezipti sɔraasi tiin mɛnɛn pii, á goã giɛ bɛn walan parsiini ka tɔɔ mɛn bɛ́ ǹ tá toe. Sɛnɛ, bɛn dɔn nə́ n dɔ̀ɔ̃ wɔ nɛ, ǹ tumaa baa si kun. Ǹ dɔlɔ pinaa á die ǹ gialaa, koe lɛawaa nɛ.

Zeremii 48:10

Min mɛnɛn bɛ́ ǹ ba Dɛnaa Lawa a dí nyɛɛ ka ǹ foo tumaa-n wa, lɛn baraa bíi bɛa dɛnan kũ! Min mɛnɛn bɛ́ ǹ ba li ǹ gɛ̀ dɛ ka ǹ gɔya sa n wa, lɛn baraa bíi bɛn kũ!

Zeremii 48:15

Moabu ziziɛ̃, Maǹ we a kiwin kuĩ. Maǹ woe ka a nɛ tenən lɛn nɛ bɔlɔ kuru ǹ bǎã nɛ. Kii ke a tɔ n Dɛnaa Lawa Pàãyiidɛnaa, bɛa da ǹ boo á ke:

Zeremii 48:44

Min mɛn bɛ́ baa sii nyɛ́ɛ taman yii, bɛa dɛnaa n die mɛnɛɛ nyankɔrɔ zuzulu ni. Bɛ̀ á boo la á soo, kan kũ. Taãn nɛ, ma bɛ́ re yui Moabu gialaa lɛ̀ mɛn-a, man die kɛa sii kɛ lɛ tumaa diɛ a mìi ni. Masɛ Dɛnaa Lawa a da ǹ boo ne.

Zeremii 50:11

Ka n nyɛnyɛɛ ka bɛ̀ baa ka foo kɔɔ̃n nɛ, kasɛn mɛnɛn nə maa kíɛ̃ lɛ ziziɛ̃. Ka paparɛ ka dii nɛ ten bɛ́ lɔn, buu sɔ̃ ǹ bǎã nɛ. Ka lɛ baa ka sùin wɔ bɛ́ lɔn!

Zeremii 50:31

Taãn nɛ, Din koa wole Baabilonii, ma lɛ nə n li. Dɛnaa Lawa Pàãyiidɛnaa a da ǹ boo ne. Kanna kəni, maa yoo n gialaa ǹ lɛawaa n ka kɛ nɛ.

Zeremii 51:40

Man woe ǹ ne ǹ bɔlɔ kuru ǹ bǎã nɛ, ka sère nɛn bɛ́ lɔn, sère gɔ̀lɔ̀ nɛ ka butumun ni.

Busii pɛ 1:21

Maǹ ma lɛ miɛ gini, min banban a tá ma foo wɛɛ wa. Maa zɔ́ɔn tumaa maa koe kɛ boo ma. N sii mɛn da ma mìi ni, maǹ bɛa nyɛnyaa we. N lɛawaa mɛn bɔ n koa, toa bɛ́ dɔ. Toa ǹ dɔn nə n baa ka ma dɔ bɛ́ lɔn.

Sii-nyaan 18:10

Fuu mɛn bɛ́ a mìi ni, ǹ tá re nyɛ́ɛ biɛ bɛ nɛ, ǹ wo giã tiãlɛa, ǹ nə́ pii: «Bɔ̀n woo bɔ̀n! Bɔ̀n gole Baabilonii kiwi gole pàãdɛnaa lɛ yɛ! A dɔlɔ bɔ ma-a ǹ gɔn yii n ke biikoo goon toto dinsɔɔ̃ nɛ!»

Sii-nyaan 19:17

Má tɔ́n lon a dia dí-a wole goon yɛ golee-n bii-a wasa nɛ. Bàanan mɛnɛn tumaa bɛ́ kiɛ̃ piɛ̃ li lon, á n lɛ dɛ kɔsɛkɔsɛ, á pɛ ǹ nɛ: «Ka tumaa da n lɛ sɔkɔn ka Lawa a zɔ́n gole màn kɛ bii.