Zeremii 50:15 - LAWA A BOO SONBORE

¹⁵ Ka ziabaa ǹ lɛ dɛ wɔ a ganaa! Á n gɔnɔn goa lon, á re n din we wɔ gɔn. A sanabolon man kiɛ, a kungɔnɔn kɛn a kiwin tamaɛ, bɛn man kiɛ. Dɛnaa Lawa a gɛ̀ dòo boe ne. Ka kaa gɛ̀ dòo bɔ Baabilonii ganaa. A sii mɛn zɛnaa ǹ miãn manɛ, ka bɛ lɛ zɛnaa a dɔ nɛ.

LAWA A BOO SONBORE 2011

¹⁵ Ka ziabaa ǹ lɛ dɛ wɔ a ganaa! Á n gɔnɔn goa lon, á re n din we wɔ gɔn. A sanabolon man kiɛ, a kungɔnɔn kɛn a kiwin tamaɛ, bɛn man kiɛ. Dɛnaa Lawa a gɛ̀ dòo boe ne. Ka kaa gɛ̀ dòo bɔ Baabilonii ganaa. A sii mɛn zɛnaa ǹ miãn manɛ, ka bɛ lɛ zɛnaa a dɔ nɛ.

Zeremii 50:15 ပူးပေါင်းရင်းမြစ်များ

KZS2 30:8

Kanna kəni, ka nyan nə n gòan dii ka kaa díin wɔ bɛ́ lɔn wa, ka n dinin kɔ Dɛnaa Lawa la, ka wusoo ka da Lawa a kion kɛ nɛ, á bɔ á koa a din wɔ lɛa duduu. Ka Dɛnaa Lawa kaa Lawa guguru kɔ, màn mɛn bɛ́ toɛ a na a foo-yoo baraa kɛ saa a bɔ ka la.

Loen 149:7

Ka kaa gɛ̀ dòo bɔ tɔrɔn ganaa, ka dɔlɔ bɔ tɔrɔ kɔsɔ minin kɛn ganaa.

Loen 94:1

Dɛnaa Lawa, n din lɛ n gɛ̀ dòo boe, Lawa mɛn bɛ́ gɛ̀ dòo boe, n din nyaa.

Izayii 59:17

A na á peperebaa wɔ a din ganaa ziabaa ǹ dɔnkɛ lɛa. Á kirisibaa ǹ kòlo fu wɔ a mìi ganaa. Á gɛ̀ dòo bɔ ǹ dɔnkɛ wɔ a din ganaa. Mɔnaa mɛn bɛ́ a ganaa pipiãbaa ǹ mɔnaa nɛ.

Izayii 59:18

Minin nə kɔnbɔ ka màn mɛn nɛ, a n die bɛ sarɛɛ ǹ la. A foo-yoo kɛ na a zia baa kɔn wolen wɔ lɛa, a dɔlɔ na a zɔ́ɔn wɔ lɛa, mu gánan mɛnɛn da bii, bɛn nə kɔnbɔ ka màn mɛn nɛ a n die bɛ sarɛɛ ǹ la.

Izayii 61:2

A na á ma dia mà ma da pɛ mà Dɛnaa Lawa a bǐɛ̃baa ǹ lɛ̀ nɛ, mà Dɛnaa Lawa a gɛ̀ dòo bɔ a zɔ́ɔn ganaa ǹ lɛawaa nɛ. A na á ma dia màn mɛn bɛ́ toɛ ma gɛ̀ koa wolen yiri giã.

Izayii 63:4

A nà á goã ma gɔ́ɔ̃ nɛ, máa ma gɛ̀ dòo bɔ. Maa zaman lɛ a si a kaa lɛ̀ na á dɔ.

Zeremii 46:10

Sɛnɛ, bɛa lɛawaa lɛ n dɔlɔ lɛawaa lɛa Dɛnaa Lawa Pàãyiidɛnaa din yii li. A n die a gɛ̀ dòo boe a zɔ́ɔn ganaa. Gɔya sa n gɛ̀ dii, yǎa a kã kiɛ̃ ka mà nɛ. Bɛ n *wúlu màn lɛa Dɛnaa Lawa Pàãyiidɛnaa wɔ lɛa, gɔsɛ a lɛ̀gɔn la ǹ gána nɛ, Efrati tà lɛ-a.

Zeremii 50:14

Kasɛn, sa-zũlin lɛn, ka Baabilonii lɛnpɛnɛ, ka yoo a gialaa! Ka pã! Ka nyan ga kaa kiɛn ganaa wa! A giala, á wɔ Dɛnaa Lawa lon.

Zeremii 50:25

Dɛnaa Lawa n soe ka a ziabaa ǹ mànan nɛ, a n die a foo-yoo nyɛɛ. Baabilonii gána nɛ, dí n Dɛnaa Lawa Pàãyiidɛnaa gɔn.

Zeremii 50:44

Dɛnaa Lawa pɛ: Man die goɛ̃ ka yàra bɛ́ lɔn, á soo da yii ni Zurdɛ̃ tà lɛ-a, woe tɔɔn buu sɔ̃ ǹ bǎã nɛ. Man die min tumaa goɛ bǎã goon ne ma wo ǹ ne. Bɛ kio, ma á re giĩ goon boe ma koa Baabilonii gána mìi la. Die n ka ma bɛ́ lɔn? Die n boe la a maa sii zɛnaa a nɔ̀n da ma la? Kiã mɛn nə boe la a n gòãn dii ma ganaa?

Zeremii 51:11

Dɛnaa Lawa n zoɛ̃ li a Baabilonii ziziɛ̃. Bɛ lɛ nɛ, á Mɛdi gána a kiin sɔsɔmɔ á ǹ da a zɛnaa ganaa. Dɛnaa Lawa n gɛ̀ dòo boe, a na a kion sonbore lɛ a gɛ̀ dòo boe. Ka kaa kiɛn lɛ bɔ, ka kaa goóron goa.

Zeremii 51:14

Dɛnaa Lawa Pàãyiidɛnaa na á n liɛ kɛnɛn: «A ma toa maa Lawabaa nɛ, zaman damata á re kiɛ n li, ka bisin kuru bɛ́ lɔn. Ǹ tá re gɔ̀lɔ̀baa ǹ lɛ dɛ we n ganaa.»

Zeremii 51:24

Sɛnɛ, sii mɛn bɛ re ka yii, á ke, Baabilonii gána laanka Baabilonii minin nə sii mɛn tɔrɔ nyaa Siɔn nɛ, ma dɔ n die bɛ lɛ tɔrɔ nyɛɛ ǹ dɔn nɛ. Masɛ Dɛnaa Lawa a da ǹ boo ne.

Zeremii 51:25

Hiĩ, Baabilonii, ma lɛ nə n li, Dɛnaa Lawa a da ǹ boo ne. Ziziɛ̃ á paǹ li, ń pàã la kele wɔ nɛ, ń kanaa tumaa ziziɛ̃. Man die n gɔn siɛ n li, ma n da birikəə̃ ganaa gɛ̀fun mìi ni, ma n baa kele tɛdɛnaa lɛa.

Zeremii 51:30

Baabilonii a sɔraasi sonboren nə́ n piã ka ziabaa nɛ. Maǹ nə n duri bǎã kakan nɛ. Ǹ foo tãbaa nya. Maǹ ka lɔ bɛ́ lɔn. Kiwi lɛ a kiɛnlɛn buĩmaa nɛ, tɛ na a kionən kuĩ.

Zeremii 51:36

Bɛ lɛ nɛ Dɛnaa Lawa n kɛ pii: Ma dinmaa n die n gɛ̀ dòo boe, ma n zia gii da. Ma á re Baabilonii gána a tà mun piɛ̃, ma a mu pìãn tumaa dama.

Zeremii 51:44

Dɛnaa Lawa pɛ: Man yui Bɛɛli gialaa Baabilonii, màn mɛn bɛ́ a bɔlɔ-n á n mui, man bɛ baɛ̃ ma soo ne. Tɔrɔn ba re yiɛ ǹ wo a li doo wa. Kungɔnɔn mɛnɛn bɛ́ Baabilonii tamaɛ bɛn nə́ kaa.

Zeremii 51:58

Dɛnaa Lawa Pàãyiidɛnaa n kɛ pii: Kungɔn dadaran mɛnɛn bɛ́ Baabilonii lɛnpɛnɛ, bɛn tumaa ziziɛ̃. Tɛ á re kiɛnlɛ sɔsɔrɔn kɛn kuĩ. Tɔrɔn manə n dinin nɔmɛɛ kooro, gánan man dí nyɛɛ tɛ nɛ!

Zeremii 51:6

Ka baa si, ka n wɔlɔ sɔsɔɔ kɔ Baabilonii ganaa! Didie tumaa ga a din li! Ka bɛ nɛ, ka a re giɛ̃, a sii baraan lɛa wa. A giala, Dɛnaa Lawa a dɔlɔ bɔ biikoo ne. A kɔnbɔ ka màn mɛn nɛ, a n die bɛ lɛ a saraa koe la.

Zeremii 51:64

A pɛ: «Baabilonii n die papaɛ̃ kɛa yɔrɔ kɛ lɛ la. Dɛnaa Lawa bɛ́ re koen mɛnɛn diɛ la, a re yui bɛ kɔn kio doo wa.» «Zaman lɛ á re papaɛ̃.» Zeremii a boon manə n lɛ doɛ kànaa.

Busii pɛ 5:6

Wɔ́ n gɔn dia Ezipti laanka Asiirii gána la, màn mɛn bɛ́ toɛ wɔ boo la wɔ màn yɛ wɔ bii.

Ezekieli 17:18

A liɛ mɛn wɔ, á n lɛ bɔ, a lɛ kɔ kɔn la lɛ ziziɛ̃. Á goã á n lɛ kɔ taãn-taãnɛ, sɛnɛ, a din na á wusoo á siin kɛn lɛn tumaa zɛnaa. Bɛ lɛ na á toa, a ba re n boe a-n wa.

Ezekieli 21:22

Masɛ dɔ n die gɛ̀ dii ka ma gɔnɔn paanan nɛ, ma foo mɛn yoo ke, yǎa man foo nyɛɛ. Ma din Dɛnaa Lawa a da ǹ boo ne.»

Nahumu 1:2

Lawa a sii á kaka. Min mɛnɛn bɛ́ n piɛ̃ nɛ, Dɛnaa Lawa n dɔlɔ boe bɛn ganaa, a foo-yoo á baraa. Dɛnaa Lawa na a gɛ̀ dòo boe a zɔ́ɔn ganaa, a foo-yoo á kiɛ̃ wa.

Matiə 7:2

Ka bɛ́ ka miãn zɛ̀rɛ biɛ lɔn ke, Lawa n die ka dɔn zɛ̀rɛ biɛ miɛ̃. Ka bɛ́ ka miãn wɔ zoɛ̃ màn mɛn ganaa, Lawa n die ka dɔn wɔ zoɛ̃ bɛ lɛ ganaa.

Luku 21:22

A giala, bɛa biikoo lɛ n die goɛ̃ Lawa a gɛ̀ dòo bɔ ǹ lɛawaan lɛa. Màn mɛn tumaa nə n kiɛ̃ sɛ́wɔ nɛ, bɛ doamaa nɛ a n zɛnaa bɛa lɛawaan kɛn lɛn nɛ.

Rɔmu minin 12:19

Ma dɔɔ̃nɔn lɛn, ka dinin baran kaa gɛ̀ dòo bɔ wa, sɛnɛ, ka toa Lawa bɔ, a giala, a tá kiɛ̃ nɛ: «Masɛ din nə gɛ̀ dòo boe, masɛ din nə dòo sarɛɛ. Dɛnaa a da ǹ boo ne.»

Rɔmu minin 3:5

Sɛnɛ, bɛ̀ wɔa bɔlɔgoonbaãdɛnaabaa tá Lawa a bɔlɔgoondɛnaabaa nyɛɛ, wɔa bɔlɔgoonbaãdɛnaabaa lɛ sɛ a soɛ wa? Á siĩn doo Lawa dɔlɔ bɔ wɔ ganaa bɛa lɛa? Bɛ a kɔkɔrɔ wa? Man bɛa nɔ̀n-diɛ kɛ we á kɔnpii minbuiinin taasiɛ nɛ.

Timəə dí-pɛn 32:35

Ma din nə gɛ̀ dòo boe, ma din nə dòo sarɛɛ. Bɛ̀ ǹ nə́ sã ǹ nə́ wɔ ma lon ǹ mɛn pinaa, ǹ bɔ̀n baa pinaa na á dɔ. Sii mɛn nə n yɔrɔ bɔ ǹ wɔ lɛa, bɛa re n lɔloɛ wa.

Timəə dí-pɛn 32:41

Bɛ̀ má maa gɔya sa tɛ-pɛle kɛ lɛ lɔ, bɛ̀ má dɔlɔ-bɔ giala kɔ, ma á re maa gɛ̀ dòo boe maa zɔ́ɔn kɛn ganaa, min mɛnɛn bɛ́ ma biɛ zɔ́ɔ, ma á re bɛn sarɛɛ.

Timəə dí-pɛn 32:43

Tɔrɔn lɛn, ka n nyɛnyɛɛ kun ka Dɛnaa a zaman nɛ. A giala, a n die a dí-nyalin lɛn gɛ̀ dòo boe, a n die dɔlɔ diɛ a zɔ́ɔn lɛn mìi ni. Sɛnɛ, á re a gána lɛ laanka a minin lɛn sii baraan sawɛɛ.

Tesaloniki2 1:8

A n die die tɛ buə̃ bii, min mɛnɛn bɛ́ ǹ nə́ n piã ka Lawa doɛ̃ nɛ, ǹ nə́ n piã ka wɔa Dɛnaa Yezu a Boo Tii Kɔɔ̃n kɛ dɔ nɛ, a dɔlɔ bɔ bɛn ganaa.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.

Zozoe 6:20

Bɛ kio, ǹ nə́ bɛn pɛ. Zaman lɛ din bɛ wuu ma lɔn, ǹ nə́ kaa lɛ-dɛ-n kɔsɛkɔsɛ, kiwi lɛ a kungɔn na, á kaa a din li. Zaman lɛ yiɛ á tele kiwi lɛ ganaa. Didie woo a din nyɛɛn perepere, ǹ nə́ kiwi lɛ si ǹ nə́ n kɔ lɛ.

Zozoe 6:5

Bɛ̀ ǹ nə́ bɛn pɛ kɔsɛkɔsɛ, yǎa ka a wuu ma lɔn gɔrɔ, zaman lɛ tumaa nə n lɛ dɛ kɔsɛkɔsɛ. Kiwi lɛ a kungɔn tá re kiɛ a din li. Bɛa biikoo li, zaman lɛ a min gogoonmaa wo a din nyɛɛn perepere.»

Sii-nyaan 16:6

Minin lɛn bɛ́ ǹ nə́ n min sonboren laanka n boo gii-dalin mà kaa tán, bɛ lɛ nɛ, ma dɔ mà kɔ ǹ la, máa ǹ mi. Ǹ tá kɔnboe ka bɛ nɛ!»

Sii-nyaan 18:6

A ka kũ lɔn, a dɔ die a n kũ miɛ̃. A sii mɛn zɛnaa ka nɛ, bɛ miã màn paa die a n zɛnaa a dɔ nɛ. A yɔ kaka mɛn kaa ka lon, bɛ miã nə n kaa a dɔ lon, a n kaka á la a wɔ-n gunyin paa.

Sii-nyaan 19:2

A kiri-kurii n taãnɛ, a n pepere! Naarɛbaali gole mɛn bɛ́ á goã kanaa tumaa yiri ziziɛ̃, ka a din kũ doɛ̃baã sii ni, á kiri wɔ bɛ ganaa. Á dɔlɔ bɔ a ganaa, a giala mà á Lawa dí-nyalin dɛ lɛlɛ ǹ nə́ gã.»

Samayeli1 15:33

Samayeli pɛ: «A saa lɔn, n dɔ minin nɛnyaanan nyin bɔ ka gɔya nɛ, ǹ daanan gɔn kooro goã, n dɔ dan gɔn kooro á re goɛ̃ pelo, lɔn bii.» Bɛ kio, Samayeli tɔ́n Agaagi dɛ á pɔpɔsɛ Dɛnaa Lawa yɔrɔ-a Gilgaali.