Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zeremii 50:13 - LAWA A BOO SONBORE

13 Dɛnaa Lawa a foo-yoo gole kɛ taman yii, kaa gána lɛ n goɛ̃ minbuiin nɛ baã. Kɛbɔlɔ nɛ. Min mɛn tumaa bɛ́ kiɛ̃ kunu Baabilonii li, ǹ tumaa yiri a die n lɔlɛkɔn. Ǹ tá re n lɛ dii basaã kɛ tumaa taman yii.

အခန်းကိုကြည့်ပါ။ ကော်ပီ

LAWA A BOO SONBORE 2011

13 Dɛnaa Lawa a foo-yoo gole kɛ taman yii, kaa gána lɛ n goɛ̃ minbuiin nɛ baã. Kɛbɔlɔ nɛ. Min mɛn tumaa bɛ́ kiɛ̃ kunu Baabilonii li, ǹ tumaa yiri a die n lɔlɛkɔn. Ǹ tá re n lɛ dii basaã kɛ tumaa taman yii.

အခန်းကိုကြည့်ပါ။ ကော်ပီ




Zeremii 50:13
18 ပူးပေါင်းရင်းမြစ်များ  

Sɛnɛ, maǹ nə n gɔn dii a bɔ̀n yɛ kɛa lɛa, ǹ tá re loe ka lɛpii ni a din a kion.


Maa zaman ná a gána lɛ bɔyaa á baa kɛbɔlɔ lɛa, yaa da ǹ màn lɛa yǎa duduu. Kiɛ̃ wolen yiri nə́ n lɔlɔkɔn. Maǹ nə n mìi papasɛ.


Man die Zeruzalɛmu biɛ nyɛ́ɛ da ǹ kiwi lɛa, yaa da ǹ màn lɛa. A ziziɛ̃ a la yii-n kɛ á die tɔwaa biɛ kiɛ̃ wolen tumaa ganaa.


Dɛnaa Lawa a da ǹ boo á ke: «Bɛ̀ bɛa lɛ̀ pɔsɔbaa lɛ lɛ pã, man die yui Baabiloniin kii gialaa, ǹ gɛ̀-dɛ kɛa lɛa. Man die yui *Baabilonii minin gána gialaa, ma baa diə gole lɛa yǎa duduu.


Sɛnɛ, man die wusii ma da ǹ nɛ Zeruzalɛmu, ǹ yoo a gialaa, ǹ kũ, ǹ tɛ da a ganaa. Zudaa kiwin tá re diə gole biɛ, min ná a ba ǹ nɛ wa.» Dɛnaa Lawa a da ǹ boo ne.


Edɔmu á re kɛbɔlɔ biɛ. Min mɛn tumaa bɛ́ kiɛ̃ kunu a li, ǹ yiri á re n lɔlɔkɔn. Ǹ tá re n lɛ dii basaã kɛ tumaa taman yii.


Tɔrɔ goon nə boe gɔsɛ a lɛ̀gɔn li die Baabilonii gialaa. A n die Baabilonii gána biɛ kɛbɔlɔ lɛa. Min goo din ba re goɛ̃ a-n wa. Minbuiinin ni, tɔɔn nɛ, ǹ tumaa n die baa sii, ǹ tumaa á re papaɛ̃.


N li, ǹ ba re kɔlɔ kɔn yii ǹ baa kɛ gùrù tele ǹ kɔlɔ lɛa, hinlaa kion giala daa ǹ kɔlɔ lɛa wa. Taãn nɛ, ń tá re goɛ̃ kɛbɔlɔ lɛa, yǎa duduu. Dɛnaa Lawa a da ǹ boo ne.


Dɛnaa Lawa a sii yɔrɔ boe ke, bɛ̀ á bɛ zɛnɛɛ Baabilonii gána nɛ, tán nə bìn diɛ, a n bìn diɛ nyɛ́ɛ gɔn. A n Baabilonii gána bɔyɛɛ, a baa kɛbɔlɔ lɛa, min ná a ba a-n wa.


Man die Baabilonii kiwi bɔyɛɛ, ma baa kɔlɔ da kɔn la lɛa, Á re tolokan giã ǹ bǎã biɛ. Nyɛ́ɛ á re minin kuĩ. Ǹ tá re nyɛ́ɛ da ǹ lɛ biɛ, min kɔn ba re giɛ̃ kiwi lɛ-n wa.


A pɛ: «Dɛnaa Lawa, n din nə́ n boo kɛ da: Baabilonii gána á re n bɔ̀n biɛ, min goon din ba re goɛ̃ a-n wa, minbuiin nɛ lɛa, hinlaa tɔɔ lɛa wa. A n die n biɛ kɛbɔlɔ lɛa yǎa duduu.»


Tɔrɔ kɔsɔn pii-kɔlen nə́ n kaãbaa n wɔ paǹ li, ń nyɛ́ɛ da ǹ màn baa, n wɔ na á nya duduu.


Ninivu n die goɛ̃ kɛnɛn lɛn, asɛ mɛn bɛ́ á goã foo kɔɔ̃nbaa la, ka là nyantoro ne, a n pii a gɔ́ɔ̃ nɛ: «Min kɔn ba ka wɔ bɛ́ lɔn wa!» Sɛnɛ, Ninivu kɛbɔlɔ baa á don siĩn duru ǹ bǎã baa. Min mɛn tumaa bɛ́ kiɛ̃ walan, maǹ puru diɛ a ganaa, ǹ nə́ n gɔn pɛsɛ̃.


Sɛnɛ, tɔrɔn mɛnɛn bɛ́ ǹ nə́ waa ǹ dinin la taãn-taãnɛ, ma foo n yoo ne bɛn li parsiini. A giala, maa foo-yoo bɛ́ a tɔn gole kɔ Izirayeli li ǹ mɛn waáraa wa, bɛa tɔrɔn kɛn lɛn ná a koe mìi saa lon.


Ǹ tá re pii, mà gána lɛ gɔ́ɔ̃ tumaa n kiribi lɛa, yìsi ni, ka tɛ nɛ, á kukũ lenlen. Màn kɔn ba boe la a n da a-n wa, buu dɔ din banban wa, ta ń màn mɛn da a nɛ a boe wa. A n die goɛ̃ ka Sodɔmu laanka Gomɔɔrɔ kiwin kɛn bɛ́ lɔn, ka Admaa laanka Seboyimu wɔn nɛ, ǹ mɛnɛn lɛn bɛ́ Dɛnaa Lawa nə́ ǹ yu a foo-yoo babaraa lɛ gɔ́ɔ̃ nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ