Zeremii 5:6 - LAWA A BOO SONBORE

⁶ Bɛ lɛ nɛ, daã gòã li ǹ yàra á re ǹ kuĩ, don ginin nə ǹ sɔ̃. Goe tá re n yii diɛ ǹ la kunu ǹ kiwin ganaa, a minin kũ ǹ soo waáraa. Sonbore, ǹ sii baraan nə́ mɔnaa á la yii ni, ǹ bɔlɔgoonbaãdɛnaabaa kɛ a n nimii doɛ̃ wa.

LAWA A BOO SONBORE 2011

⁶ Bɛ lɛ nɛ, daã gòã li ǹ yàra á re ǹ kuĩ, don ginin nə ǹ sɔ̃. Goe tá re n yii diɛ ǹ la kunu ǹ kiwin ganaa, a minin kũ ǹ soo waáraa. Sonbore, ǹ sii baraan nə́ mɔnaa á la yii ni, ǹ bɔlɔgoonbaãdɛnaabaa kɛ a n nimii doɛ̃ wa.

Zeremii 5:6 ပူးပေါင်းရင်းမြစ်များ

KZS2 36:14

Ka bɛ dɔ nɛ, Lawa a wúlu-bɔlen nyɛɛnaandɛnan laanka zaman tumaa nə́ n bɔyaa ǹ nə́ bɔlɔgoonbaãdɛnan baa Lawa ganaa. Maǹ tɔrɔ kɔsɔn sii bɔbɔnɛɛn lɛn zoɛ̃. Lawa a kion ke Dɛnaa Lawa wɔ lɛa, Zeruzalɛmu, ǹ nə́ bɛ gɔgɔrɛ kɔ.

Ɛsidrasi 10:10

Lawa a wúlu-bɔle Ɛsidrasi lɛ yoo á pɛ ǹ nɛ: «Ka goã bɔlɔgoondɛnan lɛa wa. Tɔrɔ kɔsɔn wɔ lɔ lɛa kɛ na á wusoo á màn da Izirayeli minin zɛ̀rɛ li.

Ɛsidrasi 9:6

má pɛ nɛ: – Maa Lawa, ma yiri lɔlɔkɔnmaa nɛ. E maa Lawa, sìi dɔ n ma ganaa man yɔrɔ saa ma dia n la. A giala, wɔa sãn lɛn nə́ kaa kɔn la wɔ mìi ni, wɔ zɛ̀rɛ dɔ gole kɔ yǎa á dɔ lon.

Zɔbu 10:16

Bɛ̀ má n mìi saa lon lɔn gɔrɔ, ma n ma lui ka yàra bɛ́ min lui lɔn, ma n ma yɔyɔrɛ ka n pàã gole kɛ nɛ.

Loen 104:20

Bɛ̀ n din wɔlɔ tii, tèlò na á kɔ. Don mànan tumaa nə n bibiĩ bɛa biikoo li.

Loen 80:13

Wàa na á baa, ń ná a lɛnpɛnɛ ǹ màn kɛ toɛ̃, ń kaa, n nə́ toɛ kiɛ̃ zii la wolen tumaa á màn siɛ a nɛ?

Izayii 1:23

N kiãn man gòãn dii wolen lɛa. Maǹ nə n lɛ kiɛ kun ka wurumun ni. Lɛ pii ǹ mànan si n kɔɔ̃nɛ ǹ ganaa. Maǹ baa sii bɛn kio. Ǹ ba bǐɛ̃ zɛnɛɛ nɛ toen ne wa, ǹ ba lɔ giɔɔrɔ a guĩ siɛ wa.

Izayii 59:12

Taãn nɛ, wɔa siɛ̃n nə́ mɔnaa n yɔrɔ-a. Wɔa sii baraan man wɔ zɛ̀rɛ biɛ. Wɔ nə n taasɛ ka wɔa sã ǹ siin kɛn nɛ biikoo yii li. Taãn nɛ, wɔ á wɔa siɛ̃n doɛ̃.

Zeremii 14:7

Bɛ̀ wɔa sii baraan tá zɛ̀rɛ diɛ wɔ la, Dɛnaa Lawa n din tɔ taman yii, sii zɛnaa. Sonbore, wɔa sãn nə́ mɔnaa. Wɔ n zɛ̀rɛdɛnan lɛa n wɔ paǹ li.

Zeremii 2:15

Yàran man lɛ biɛ a ganaa, maǹ wɔɔsaa we a ganaa, ǹ ná a gána ziziɛ̃ lenlen, ǹ nə́ tɛ da a kiwin ganaa. Màn kɔn ba giã nɛ a-n doo wa.

Zeremii 2:17

Bɛ bie n din sii lɛa wa, Izirayeli? Masɛ Dɛnaa Lawa nə n nyɛɛnaan boe, sɛnɛ, n nə́ n la bɔ ma-a.

Zeremii 2:19

N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

Zeremii 2:31

Kasɛn pelo minin lɛn, ka yiri bɔ Dɛnaa Lawa a boon li. Man má n baa ka diə gole bɛ́ lɔn Izirayeli gɔn? Hinlaa ka gána mɛn bɛ́ wɔlɔ tì li duduu? Maa zaman, wàa na á baa ka n pii: «Bǎã mɛn bɛ́ kɔɔ̃n wɔ-a, wɔ ǹ woe walan. Wɔa wusii wɔ da n li doo wa.»

Zeremii 25:38

Lawa n soe n boe a bǎã nɛ ka yàra bɛ́ soe n boe daã-n lɔn. Zia baraa kɛ taman yii ka Dɛnaa Lawa a foo-yoo gole kɛ nɛ, gána lɛ diə gole baa.

Zeremii 30:14

N sanan tumaa yiri bɔ n nɛ. Ǹ laadoo ba n ganaa doo wa. Zeruzalɛmu, má n dɛ ka zɔ́ɔ bɛ́ lɔn, má dɔlɔ baraa bɔ n ganaa, n sã gole kɛ laanka n sii baraa damata kɛa lɛa.

Zeremii 30:15

A n siɛ lɔn kəni n tá wuu pii n busu kɛ laanka n la paparɛɛ kɛ taman yii? Min kɔn ba boe la a na a kaka kɔ wa. N sã gole kɛ laanka n sii baraa damata kɛa lɛa nɛ má fuun kɛn da n mìi ni.

Zeremii 30:24

Dɛnaa Lawa a golee ka a foo-yoo baraa kɛ-n wa, yǎa bɛ̀ a din dùũ sii kɛ nə́ n zɛnaa á nya ǹ mɛn waáraa. Ǹ kɔn pinaa, ka á re a giala miɛ.

Zeremii 4:7

Yàra soo tewon ne, min mɛn bɛ́ tɔrɔn ziziɛ̃, á ke die. A n soe a duru ǹ bǎã nɛ, die kaa gána lɛ ziziɛ̃. Kaa kiwin man die kɛbɔlɔn dadaran biɛ, min goon din ná a ba goɛ̃ ǹ nɛ wa.

Zeremii 49:19

Dɛnaa Lawa pɛ: Man die goɛ̃ ka yàra bɛ́ lɔn, á soo da yii ni Zurdɛ̃ tà lɛ-a, woe tɔɔn buu sɔ̃ ǹ bǎãn ganaa. Man die min tumaa goɛ bǎã goon ma wo ǹ ne, Bɛ kio, ma á re min goon boe kiã lɛa ma koa Edɔmu mìi la? Die n ka ma bɛ́ lɔn? Die n boe la a maa sii zɛnaa a nɔ̀n da ma la. Kiã mɛn nə boe la a n gòãn dii ma ganaa?

Zeremii 8:5

Wàa na á baa Zeruzalɛmu zaman nə n lɛ goa zii kɛ ganaa, ǹ nə́ tɔn woe nyɛɛnɛ n piɛ̃ ka masɛ nɛ? Maǹ doa-n màn kooron ganaa, manə n piɛ̃ ǹ ba wusii die ma li wa.

Zeremii 8:7

Gɔgɔrɔ mɛn din bɛ́ lon, a woo biikoo ke, á bɛ doɛ̃. Leere bàan nɛ ka yongoo ne, bɛn tumaa ta ǹ wusoo a daa biikoo doɛ̃. Sɛnɛ, ma landan mɛnɛn koa, maa zaman lɛ sɛ a bɛn doɛ̃ wa.

Busii pɛ 1:5

A zɔ́ɔn nə́ boo la. A bɔ ma yii-n wolen foo nyɛɛ. Dɛnaa Lawa fuu da a mìi ni a sii baraa damatan kɛn lɛa. Min mɛnɛn nə́ boo ǹ la, ǹ nə́ ǹ nɛnyaanan kaa ǹ nyɛɛnɛ, bɛ̀rɛn lɛa, ǹ nə́ woe ǹ ne.

Ezekieli 16:25

Ń *wúlu bɔ ǹ bǎã dɔ zii tumaa a giala kɔ ǹ bǎã nɛ. N nə́ n din a siĩnbaa kɛ ziziɛ̃ walan. Ma n nə́ n din kɔ kiɛ̃ wolen tumaa la, ń wusoo ń màn da n din a kɔrɔbaa li.

Ezekieli 22:27

Kiwi lɛ a nyɛɛnaandɛnan man ka don ginin bɛ́ lɔn siĩ soɛ̃. Ǹ yɔrɔ boemaa nɛ gɛ̀-dɛ taman yii, maǹ minin dii, ǹ nə́ giɛ pàãmaabaa li.

Ezekieli 23:19

Á màn da a kɔrɔbaa lɛ li, á minin yiri gisĩ a tenmaa waáraa a kɔrɔbaa kɛ nɛ, a tá Ezipti-n lɛ a biikoo li.

Ozee 5:14

Man die n biɛ ka yàra bɛ́ lɔn Efrayimu tɔrɔn kɛn ganaa, man baa ka yàra ten bɛ lɔn Zudaa minin ganaa. Ma dinmaa n die ǹ tɔtoɛ̃ ma kiɛ̃. Man die woe ǹ ne, min kɔn dɔ ná a re yii a ǹ si ma la wa.

Abakuku 1:8

Ǹ sùin baa la goen wɔ nɛ. Don ginin mɛnɛn bɛ́ woe dɔ doe wasamiɛ̃nɛ, ǹ kakaarɛbaa la bɛn wɔ nɛ. Ǹ sùidɛnan man boe sɔsɔɔ die, ǹ nə́ paparɛ. Maǹ yui ka giogiatã-a bɛ́ lɔn woe a siĩ siɛ.

Sofonii 3:3

A nyɛɛnaandɛnan man ka yàran mɛnɛn bɛ́ gini. A kiri-wɔlen man ka don ginin bɛ́ lɔn, ǹ nə́ goɛ̃ bɛ ǹ dɔ dɔ wasamiɛ̃nɛ, sɛnɛ baayɛlɛ, màn kɔn ba goɛ̃ wa.

Minin nimi 32:14

Á ke, ka dɔn man ka yoo tán ka digolon lɛn bǎã nɛ, sii baraa-zɛnaali tɔrɔn lɛa, ka n màn diɛ Dɛnaa Lawa a foo-yoo li, Izirayeli minin wɔ paǹ li.

Sii-nyaan 13:2

Ma Tɔɔ mɛn yɛ, a na á kɔnbɔ ka goe ne, a gòãn man nə́ kɔnbɔ ka gòon màn gole gòãn nɛ, a lɛ na á kɔnbɔ ka yàra lɛ nɛ. Tɔɔ babaraa piɛ̃-wole kɛ ná a din pàã kɔ la, ka a kii dankan nɛ ka boo sii la gole ne.