Zeremii 5:31 - LAWA A BOO SONBORE

³¹ Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

LAWA A BOO SONBORE 2011

³¹ Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Zeremii 5:31 ပူးပေါင်းရင်းမြစ်များ

Kiin1 22:6

Izirayeli gána a kii lɛ tɔ́n Lawa a boo gii-dali, biɛsii (400) kɛ miã lɛ sɔkɔn, á pɛ ǹ nɛ: «Ma á boe la ma wo zia baa Ramɔti kiwi Galaati gána nɛ, hinlaa ma a lɛ da?» Lawa a boo gii-dalin lɛn ná a lɛ si ǹ nə́ pɛ: Woo! Dɛnaa Lawa tá re we n gɔn.

Suusun 17:4

Min mɛn bɛ́ sii baraa zɛnɛɛ, a n boe a din ni, á n too koe boo baraan li. Min mɛn bɛ́ soɛ boe, a nə n too koe soɛ boon li.

Izayii 10:3

Bɛ̀ Dɛnaa Lawa a dɔlɔ bɔ pinaa dɔ, bɛ̀ koe bɔ wɔlɔ sɔsɔɔ nɛ á daa, ka ǹ die n biɛ lɔn? Ka ǹ die gú diɛ die ne a da n dɔ ka lɛ? Ka ǹ die kaa naforon kɛn kiɛ maa?

Izayii 20:6

Bɛa pinaa kɛ nɛ, min mɛnɛn bɛ́ giã-n Yìsi mu gole lɛkoro lɛ-a, bɛn tá re pii: «Wɔ foo bɛ́ doa-n min mɛnɛn ganaa, sii mɛn bɛ́ bɛn yii, bɛ n ka kɛ nɛ! Wɔ n wɔ́ goã wáa wɔ n duru ǹ li, ǹ nə n dɔ wɔ lɛ, ǹ wɔ si Asiiriin kii la. Sɛnɛ, wɔ n die siɛ lɔn wɔ kirisibaa sisia kəni?»

Izayii 33:14

Siɔn kiwi, nyɛ́ɛ n zɛ̀rɛdɛnan ganaa. Min baraan gɔ̀nɔn nə bìn diɛ. Maǹ nɔ̀n diɛ: «Wɔ bii, die n boe la a n mɔrɔ tɛ baraa kɛ ganaa, hinlaa a diri tɛ girigiri kɛ la, a ná a nimi duduu wa?»

Izayii 43:27

N digolo bibinaa sii baraa zɛnaa, n boo gii-dalin nə́ n gòãn dii ma ganaa.

Izayii 47:7

Ma nə n goã pii: «Man kii lɔ lɛa miɛ̃ yǎa duduu.» N nə n taasɛ kɛa siin kɛn nɛ wa. N nə n taasɛ ka biɛ̃ ǹ sii-n wa.

Zeremii 12:4

Gána lɛn die goɛ̃ koe ne yǎa biĩ kəni? Wurun man die goɛ̃ tán gere lɛa yǎa biĩ? Tɔɔn laanka bàanan man bɔ̀n biɛ minbuiin nɛn baraabaa taman yii. Maǹ pii: «Sii mɛn bɛ́ re wɔ yii, Dɛnaa Lawa yii ba re bɛ yii wa.»

Zeremii 14:14

Dɛnaa Lawa ma lɛ si á pɛ: – Lawa a boo gii-dalin kɛn bɛ́ boo mɛn diɛ ka ma tɔ nɛ, soɛ nɛ. Ma ǹ dia wa. Ma boo goon din da ǹ nɛ wa. Ǹ sii yɛn lɛn man soɛ lɛa. Ǹ bɛ́ boo mɛn diɛ, boo kooron manɛ. Ǹ dinin taasiɛ boon manɛ.

Zeremii 26:7

Lawa a wúlu-bɔlen ne, Lawa a boo gii-dalin laanka zaman tumaa goã Zeremii lɛ miɛ boo diɛ Lawa a kion lɛ a sumu-n.

Busii pɛ 1:9

A gɔ̀ lɛ n yii a mɔnaa ganaa. Sii mɛn bɛ́ kio, a n yiri kɔ bɛ li wa. A mɛnaa n gɔn tɔwaa baa. Min banban a tá a foo wɛɛ wa. Á pɛ: «Dɛnaa Lawa, ga maa nɔmaa ganaa. Á ke, maa zɔ́ɔ na a din pàã laakalɛɛ.»

Busii pɛ 2:14

Lawa a boo gii-dalin nə sii-nyaa mɛn tumaa yɛ n wɔ lɛa, sii-nyaa kooron manɛ. Maǹ nə n sã pɛ n nɛ wa, màn mɛn bɛ́ toɛ n kanbaa bɛ̀rɛbaa ganaa. Ǹ sii-nyaan mɛnɛn yɛ n wɔ lɛa, soɛ laanka yiri sã ǹ boon manɛ!

Busii pɛ 4:13

Bɛ na á giala yɛ miɛ̃, Lawa a boo gii-dalin laanka Lawa a wúlu-bɔlen sii baraan taman yii. A giala, ǹ dinin maǹ nə́ toa Lawa bɔlɔ-sili sonboren mà kaa kiwi lɛ nɛ.

Busii pɛ 4:18

Maǹ gɔn diɛ wɔ ganaa, wɔ a boe la wɔ á n gòan boe kɔn doɛ̃ wa. Wɔa gɔn nyɔmɔɔ dɔ. Wɔa lɛawaa dɔ, wɔa wɔ nya.

Ezekieli 13:10

Maǹ maa minin lɛn bebele mà «là nyantoro tan», a da yaa là nyantoro din banban. Maa zaman lɛ bɛ́ kungɔn mɛn doe, ǹsɛn man bɛ gialaa tɔrɛ.

Ezekieli 13:6

Sii-nyaa kooron manɛ ǹ tá yii, maǹ nə n gɔn noɛ̃: «Dɛnaa Lawa a da ǹ boo ne.» A da yaa, masɛ Dɛnaa Lawa nə ǹ dia wa. Maǹ nə n yii diɛ kəni, mà masɛ sii lɛ zɛnaa a kɔnpɛ ka ǹ da ǹ boo ne.

Ezekieli 22:14

Bɛ̀ ma yoo ka gialaa ǹ mɛn pinaa, táa foo tãbaa laanka pàã á re yii ka lon, ka boo la ka golee? Bɛ̀ masɛ Dɛnaa Lawa boo mɛn da, man bɛ lɛ zɛnɛɛ.

Ozee 4:9

Dɔlɔ mɛn bɛ́ re zaman lɛ yii, a din lɛ n die wúlu-bɔlen dɔn yii. Ma á re didie a zɛnaa ǹ siin kɛn dɔlɔ boe a ganaa, a sii mɛn zɛnaa, ma á re a dòo sarɛɛ la.

Ozee 6:10

Izirayeli a kion kɛ nɛ, má sii bɔbɔnɛɛn yɛ! Efrayimu tɔrɔn kɛn nə́ kɔrɔbaa zɛnaa walan, bɛ lɛ dɔ n die *gɔ̀ diɛ Izirayeli minin tumaa ganaa.

Ozee 9:5

Kɔn-yɛ gole kɛa pinaa, Dɛnaa Lawa a zɔ́n kɛa pinaa, ka ǹ die wàa zɛnɛɛ?

Misee 2:11

Min mɛn bɛ́ re die boo kooro diɛ ka nɛ, a soɛ bɔ ka nɛ, mà ka á die duvɛ̃ laanka yɔ kakaarɛ yii, táa ka n giɛ bɛ miã min lɛ li. Sɛnɛ min tɛnɛn maǹ baãnaabaa ǹ boo kɛ diɛ zaman lɛ nɛ:

Misee 2:6

Gialakunun mà yǎa man lɛ tiɛ̃, mà ma din a pɛ ke, mà sìi á die ǹsɛn kuĩ, mà baãnaabaa ǹ boo ne.

Misee 3:11

A kiri-wɔlen man minin sii yɔrɔ boe màn ganaa, A Lawa a wúlu-bɔlen man minin darɛɛ giɛ saraa li, A Lawa a boo gii-dalin manə ǹ dí nyɛɛ wɔrɔ-a. Maǹ wusii n gòãn koɛ Dɛnaa Lawa la, ǹ nə́ pii: Dɛnaa Lawa bɛ́ kun ka wɔsɛn nɛ, wàa mɛn sii baraa n die wɔ yii?

Sofonii 3:4

A Lawa a boo gii-dalin man din koa wolen lɛa, ǹ tá ǹ miãn yiri siɛ̃. A wúlu-bɔlen man Lawa a kion zaãbiɛ, ǹ ná a dí-pɛn ziziɛ̃.

Timəə dí-pɛn 32:20

á tɔ́n pɛ kɛnɛn: «Ma á re n yɔrɔ bɔyɛɛ ma bɔ ǹ la, bɛ̀ maǹ die n biɛ lɔn, ma á re giɛ a ganaa. A giala, tɔrɔ babaraan manɛ, maǹ minin lɛa, min ba boe la á n foo doɛ ǹ ganaa wa.

Timəə dí-pɛn 32:29

Bɛ̀ maǹ sii doɛ̃, sii mɛn bɛ́ n yii diɛ ǹ la, bɛ̀ ǹ tá n taasɛ ka bɛ nɛ, bɛ̀ ǹ tá re a giala miɛ.