Zeremii 5:27 - LAWA A BOO SONBORE

²⁷ Bàanan kion bɛ́ piɛ̃ lɔn ka bàanan nɛ, ǹ dɔn kionən piɛ̃maa-n ka mànan nɛ, mɛnaa ma la ǹ mànan lɛa. Bɛ lɛ nɛ, ǹ nə́ yii gugurubaa yɛ, ǹ nə́ pàãman baa.

LAWA A BOO SONBORE 2011

²⁷ Bàanan kion bɛ́ piɛ̃ lɔn ka bàanan nɛ, ǹ dɔn kionən piɛ̃maa-n ka mànan nɛ, mɛnaa ma la ǹ mànan lɛa. Bɛ lɛ nɛ, ǹ nə́ yii gugurubaa yɛ, ǹ nə́ pàãman baa.

Zeremii 5:27 ပူးပေါင်းရင်းမြစ်များ

Zɔbu 12:6

Mɛnaa minin la wolen kɛn, là nyantoro n bɛn kion. Min mɛnɛn bɛ́ n yii we Lawa la, gɔ́ɔ̃-bii ba bɛn-a wa. Ǹ ba Lawa kɔsɔ doɛ̃ wa, yǎa ǹ dinin pàã ke.

Izayii 3:14

A n die kiri we a zaman a min golen ganaa, ka ǹ kiãn kɛn nɛ: «Ka dinin lɛn man ka maa *rezɛ̃ dan kɛn ziziɛ̃, ka doobaan gɔn mànan koã, ka kaa kionən pã nɛ.

Zeremii 12:1

Nsɛ Dɛnaa Lawa, n tá pepere. Sɛnɛ, man die kiri we kɔn ka n nɛ, man li ma boo da n nɛ peperebaa a paǹ li: A n siɛ lɔn min baraan sii á bǐɛ̃ koe kanaa, bɔlɔgoonbǎãdɛnan tá yii-nyɛɛ la? Bɛ n siɛ lɔn?

Zeremii 8:5

Wàa na á baa Zeruzalɛmu zaman nə n lɛ goa zii kɛ ganaa, ǹ nə́ tɔn woe nyɛɛnɛ n piɛ̃ ka masɛ nɛ? Maǹ doa-n màn kooron ganaa, manə n piɛ̃ ǹ ba wusii die ma li wa.

Zeremii 9:6

Bɛ lɛ nɛ, Dɛnaa Lawa Pàãyiidɛnaa á kɛ pii: «Man die ǹ *yoreen koe ka tɛ nɛ. Man die giɛ ǹ giala-a. Man die maa zaman lɛ kuĩ lɔn doo?

Ozee 12:9

Efrayimu pɛ: Sonbore, má pàãma baa. Má gɔn màn gigiã yɛ. Ma dí mɛn tumaa nya, sii baraa zɛnaa ǹ paǹ kɔn yɛ ma-a wa.

Misee 1:12

Marɔti minin man nə́ goã n yii diɛ a susuu lɛ la, sɛnɛ, á kɔsɛ ǹ ganaa. Á ke, bɔ̀n na á bɔ lon Dɛnaa Lawa li, á daa Zeruzalɛmu *kiwi a kiɛnlɛ-a.

Sofonii 1:9

Bɛa pinaa lɛ nɛ, min mɛnɛn bɛ́ kion kiɛnlɛ lɛ lanparɛ ma á re yui bɛn gialaa. Min mɛnɛn dɔn bɛ́ ǹ dɛnaa a kion piɛ̃ ka kakaarɛbaa laanka wurumubaa ǹ mànan nɛ ma á re dɔlɔ boe ǹ ganaa.

Sii-nyaan 18:2

Á n lɛ dɛ ka lɛn gole ne, á pɛ: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Kanna, a bǎã nə́ n baa nɔ̀ɔn baraan giã ǹ bǎã lɛa, yiri baraan tumaa a duru ǹ bǎã lɛa, bàan gɔ̀dɛnaa gìĩ-bɔle-an tumaa a giã ǹ bǎã lɛa.