Zeremii 49:8 - LAWA A BOO SONBORE

⁸ Dedan minin lɛn, ka n dɔ̀ɔ̃ wɔ ka baa si! Ka n duru kele yalan nɛ! Ezawu a kion minin lɛn, man die koe boe ka ganaa. Biikoo n ke má n die yui ka gialaa.

LAWA A BOO SONBORE 2011

⁸ Dedan minin lɛn, ka n dɔ̀ɔ̃ wɔ ka baa si! Ka n duru kele yalan nɛ! Ezawu a kion minin lɛn, man die koe boe ka ganaa. Biikoo n ke má n die yui ka gialaa.

Zeremii 49:8 ပူးပေါင်းရင်းမြစ်များ

Izayii 2:21

Dɛnaa Lawa bɛ́ re yui pin mɛnaa, a nyɛɛ da tán tumaa ganaa, ka á re kiɛ para yalan nɛ, ka wɔ tii li, ń giɛ Dɛnaa Lawa a foo-yoo, laanka a gugurubaa a tɛ-pɛ kɛ nyan dɔ ka-a wa.

Izayii 21:13

Larabun gána a boo gii: Dedan a diə gole zii tɔ-wɔlen lɛn, ka á re lɛ̀ wɛɛ Larabun gána-n don.

Izayii 34:5

Dɛnaa Lawa a gɔya sa á ke yii lon. Á ke gisĩ Edɔmu minin la, a tɔrɔ mɛn lɛ bɔ á koa ziziɛ̃ taman yii.

Zeremii 25:23

Dedan minin ni, Temaa wɔn nɛ, Buuzu wɔn nɛ ka tɔrɔn kɛn nɛ n karazɔɔ ka koɛ̃.

Zeremii 46:21

Ezipti sɔraasi tiin mɛnɛn pii, á goã giɛ bɛn walan parsiini ka tɔɔ mɛn bɛ́ ǹ tá toe. Sɛnɛ, bɛn dɔn nə́ n dɔ̀ɔ̃ wɔ nɛ, ǹ tumaa baa si kun. Ǹ dɔlɔ pinaa á die ǹ gialaa, koe lɛawaa nɛ.

Zeremii 48:28

Moabu minin, ka soo ka n bɔ kaa kiwin ni, ka wo giã kele yalan nɛ. Ka n dinin baa ka don zɛrɛkatoan bɛ́ lɔn, a kii n kele yalan nɛ, nyankɔrɔ zuzulu mìi la.

Zeremii 48:44

Min mɛn bɛ́ baa sii nyɛ́ɛ taman yii, bɛa dɛnaa n die mɛnɛɛ nyankɔrɔ zuzulu ni. Bɛ̀ á boo la á soo, kan kũ. Taãn nɛ, ma bɛ́ re yui Moabu gialaa lɛ̀ mɛn-a, man die kɛa sii kɛ lɛ tumaa diɛ a mìi ni. Masɛ Dɛnaa Lawa a da ǹ boo ne.

Zeremii 48:6

Ka papaã ka n bɔ kànaa, ka nyin a lɛa. Ka n baa ka Aroɛɛrɛ bɛ́ lɔn diə gole ne!

Zeremii 49:30

Asɔɔrɔ minin lɛn, ka baa si, ka baa si fufuu. Ka n duru kele yalan nɛ. Dɛnaa Lawa a da ǹ boo ne. A giala, Baabiloniin kii Nebukadenezɔɔrɔ nə n yɔrɔ boe, a n sii yɔrɔ boe die-n ka gialaa.

Zeremii 49:32

Ǹ zɔ́ɔn tá re ǹ nyɔɔmaan koɛ̃, ka ǹ tɔɔ kuru damata nɛ, ka bɔ zia la ǹ màn bɛ́ lɔn. Min mɛnɛn bɛ́ n karazɔɔ ka koɛ̃, ma á re bɛn pɛsɛ̃ bǎã tumaa nɛ. Ma á re toɛ koe bɔ paǹ yii-a a da ǹ ganaa. Dɛnaa Lawa a da ǹ boo ne.

Zeremii 50:27

Ka a sɔraasi sonboren tumaa dɛ, ka wo ǹ ne ǹ bɔlɔ kuru ǹ bǎã nɛ! Ǹ wɔ n ka bɔ̀n nɛ, a giala ǹ dɔlɔ bɔ biikoo na á dɔ.

Zeremii 6:1

Bɛnzamɛn tɔrɔn lɛn, ka soo ka n bɔ Zeruzalɛmu! Ka n duru bǎã kɔsɔ nɛ. Ka sère gɔ̀lɔ̀ bɛn pɛ Tekoa, ka sii giala pɛ ǹ màn doa tán Bɛti-kerɛmu. A giala, koe n die, koe taãn-taãn lɛa, boe gɔsɛ a lɛ̀gɔn la.

Ezekieli 25:13

bɛ lɛ taman yii ni masɛ Dɛnaa Lawa á kɛ pii: «Man die yui Edɔmu gána kɛ gialaa. Ma á re a minin laanka a tɔɔn dii lenlen, ma ǹ bɔ a nɛ. Ma á re bɛa bǎã lɛ biɛ kɛbɔlɔ lɛa, a saa Teman kiwi ganaa, a wo yǎa Dedan kiwi, ǹ tá re ǹ minin dii zia la.

Malakii 1:3

má Ezawu toa walan. Ezawu tɔrɔn nə goã kele yii mɛn nɛ, má bɛ ziziɛ̃, má gána lɛ kɔ diə gole a tolokan la.

Malakii 1:4

Bɛa minin kɛn lɛn tá re pii: Ǹ nə́ wɔ yɔyɔrɛ, sɛnɛ, wɔ n die wusii wɔ wɔa kiwi soen lɛn dɔ. Masɛ Dɛnaa Lawa Pàãyiidɛnaa, man kɛ pii: Ka wusoo ka dɔ, man die kaa dí lɛ ziziɛ̃. Ǹ tá re tɔ kɛ koe a ganaa: «Gána mɛn bɛ́ sii baraa na á nɛ» ká «zaman mɛn bɛ́ Dɛnaa Lawa foo n yoo-n li biikoo yii li».

Sii-nyaan 6:15

Min mɛn tumaa bɛ́ tán la, ǹ nə́ n duru nyankɔrɔn nɛ, ka kelen gɛ̀fun biin ni: gánadɛnan nɛ ka nyɛɛnaandɛnan nɛ, sɔraasin goledɛnan nɛ, pàãman nɛ ka pàãdɛnan nɛ, bɛ̀rɛn nɛ ka tá ma din gɔn wìi a lɛa wolen tumaa nɛ.

Sii yɔrɔ-bɔlen 6:2

Madiã minin lɛn nə́ bɔ Izirayeli minin yii ni taãn-taãnɛ. Madiã minin lɛn lɛa nɛ, Izirayeli minin lɛn nə́ goã n duri kele kɔ́sɔn nɛ, kele yalan nɛ, gɛ̀fun bii.

Samayeli1 13:6

Izirayeli minin lɛn yii na á goã a ganaa mà ǹsɛn tá re bɔ̀n biɛ, a giala, Filisiti minin lɛn nə́ kunu kɔ zaman lɛ ganaa ǹ ná a lɛ gɛwaa. Zaman lɛ nə́ n duru kele yalan nɛ, kɔlɔ biin ni, nyankɔrɔ gɔ́ɔ̃n nɛ, ka da kusin ni.