Zeremii 49:5 - LAWA A BOO SONBORE

⁵ Dɛnaa Lawa Pàãyiidɛnaa a da ǹ boo á ke: «Man die nyɛ́ɛ kiɛ ǹ ganaa, a bɔ paǹ tumaa li. Ǹ tá re ka kiɛ ǹ nyɛɛnɛ ǹ ka loo, min kɔn ba re yii a baa-silin lɛn sɔkɔn wa.

LAWA A BOO SONBORE 2011

⁵ Dɛnaa Lawa Pàãyiidɛnaa a da ǹ boo á ke: «Man die nyɛ́ɛ kiɛ ǹ ganaa, a bɔ paǹ tumaa li. Ǹ tá re ka kiɛ ǹ nyɛɛnɛ ǹ ka loo, min kɔn ba re yii a baa-silin lɛn sɔkɔn wa.

Zeremii 49:5 ပူးပေါင်းရင်းမြစ်များ

Kiin2 19:7

Á ke, ma á die taasiɛ we Asiirii gána a kii lɛ yiri ni, á re boo miɛ, a n bɔyaa a wo a gána nɛ, bɛa boo lɛ taman yii. Ma á re toɛ a gɔya gɛ̀ wɔ a din a gána nɛ.»

Zɔbu 15:21

Gɔ̀nɔn bìn da ǹ boo ne ǹ tá miɛ miɛ̃. Ta maǹ là nyantoro ne, basaã-kɔli gɔn nə doe ǹ ganaa.

Suusun 28:1

Min baraa n baa la, a da yaa min kɔn dɔ ba a kio lui wa. Min pepere n ka yàra nɛ bɛ́ lɔn a foo n doa nɛ.

Izayii 16:3

Ka yiri kɔ wɔ la, ka golee goon la. Penleen, ka n wúlu kɔ wɔ lɛ, ka tèlò bɛ́ lɔn. Ka n kɔ wɔa baasi wolen lɛ, ka nyan nə ǹ giala da kanaa wa.

Zeremii 15:8

Má ǹ lɔ giɔɔrɔn mɔnaa, ka yìsi mu gole a nyɔɔsɔ̃ bɛ́ lɔn. Penleen tã, má basaã dia sɔraasi ten a náa la. Bǎã goon ne, má nyɛ́ɛ laanka gɔ̀nɔn bìn diɛ dia la.

Zeremii 16:16

Dɛnaa Lawa a da ǹ boo á ke: «Ma á re zɔ̀-kũli gigiã diɛ, ǹ da minin kɛn kũ. Bɛ kio, ma á re dɔ-dɔli damata diɛ ǹ da ǹ loo kelen la, tentenen ne, ka kele yalan tumaa nɛ.

Zeremii 20:4

Bɛ lɛ nɛ, Dɛnaa Lawa a da ǹ boo á ke: «Ma á re nyɛ́ɛ kiɛ ka ganaa, n laanka n giaáran nɛ. Ǹ tá re mɛnɛɛ ǹ zɔ́ɔn gɔya sa nyɛɛnɛ, ǹ gã n din yɔrɔ-a. Man die Zudaa min tumaa we Baabiloniin kii gɔn. Á re ǹ goɛ a wo ǹ ne a gána nɛ, a ǹ dɛ ka gɔya sa nɛ.

Zeremii 46:5

Ma yii n wàa ganaa ke? Nyɛ́ɛ nə ǹ ganaa, maǹ wusii ǹ kio ne! Ǹ nə́ boo ǹ zia-baali zanbian lɛn la. Maǹ nə n mìi foɛ̃, nyɛ́ɛ taman yii, ǹ ba n bɔyɛɛ ǹ kio-n wa. Nyɛ́ɛ n bǎã tumaa nɛ. Dɛnaa Lawa a da ǹ boo ne.

Zeremii 49:29

Ka ǹ zìãn laanka ǹ tɔɔn si ǹ la, ǹ mìi duru ǹ bǎã laanka ǹ màn tumaa nɛ! Ka wo ka ǹ nyɔɔmaan nɛ, ka n lɛ dɛ ǹ ganaa, ka pɛ: «Nyɛ́ɛ n bǎã tumaa nɛ!»

Zeremii 6:25

Ka nyan wo wuru-n wa, ka nyan wo ziin la wa. A giala, zɔ́ɔ tan, a n gɛ̀ dii. Nyɛ́ɛ n bǎã tumaa nɛ.

Busii pɛ 4:15

Bɛ̀ ǹ tá die, maǹ parɛɛ ǹ li: «Ka n tá ka n bɔ kànaa, *gɔ̀ tá ka ganaa! Ka n tá ka n bɔ kànaa! Ka nyan nə n gɔn da wɔ ganaa wa!» Maǹ baa sii, woo ǹ bǎã ná a ba ǹ la wa. Sɛnɛ, tɔrɔ kɔsɔn man pii: «Ǹ ba boe la ǹ giã wɔsɛn li wa.»

Amɔɔsi 4:3

Ka á re soe ka kungɔn kɛa yalan nɛ, didie á re giɛ a din a woo ǹ bǎã li, ǹ tá re ka lui ǹ wo ka nɛ Ɛrmɔn kele la. Dɛnaa Lawa a da ǹ boo ne.

Zozoe 2:9

á pɛ ǹ nɛ kɛnɛn: «Ma á doɛ̃ máa Dɛnaa Lawa gána kɛ lɛ kɔ ka la. Kaa sii din nyɛ́ɛ dɛ á kaa wɔ ganaa. Gána lɛ a minin tumaa gɔ̀nɔn na á bìn da ka nyɛɛnɛ.