Zeremii 49:39 - LAWA A BOO SONBORE

³⁹ Sɛnɛ, ǹ kɔn pinaa, ma á re wusii ma Elamu a lɛlɛ ǹ giã ǹ gɔn kɛ kɔ la. Dɛnaa Lawa a da ǹ boo ne.

LAWA A BOO SONBORE 2011

³⁹ Sɛnɛ, ǹ kɔn pinaa, ma á re wusii ma Elamu a lɛlɛ ǹ giã ǹ gɔn kɛ kɔ la. Dɛnaa Lawa a da ǹ boo ne.

Zeremii 49:39 ပူးပေါင်းရင်းမြစ်များ

Zɔbu 42:10

Zɔbu bɛ́ á Lawa nyankɔ a giaáran lɛn lɛa, Dɛnaa Lawa wusoo á Zɔbu saa á da lon. Á gɔn màn kɔ la, bɛ́ la lɛlɛ ǹ wɔ kɛ-n gunyin paa.

Izayii 2:2

Lɛawaa kɔn tá re doe Dɛnaa Lawa a kion lɛ bɛ́ kele mɛn la, a mìi la á re liɛ kelen tumaa wɔ nɛ, á re goɛ̃ tentelen tumaa lalan. Tɔrɔn tumaa á re yiɛ ǹ wo walan girigiri.

Zeremii 12:15

Bɛ kio, ǹ makara á re wusii a ma kũ doo. Ma á re woe didie tumaa nɛ a tán la, a gána nɛ.

Zeremii 48:47

«Sɛnɛ, ǹ kɔn pinaa, ma á re Moabu a lɛlɛ ǹ giã ǹ gɔn koe la.» Dɛnaa Lawa a da ǹ boo ne. Moabu a kiri wɔmaa nə n lɛ doɛ kànaa.

Zeremii 49:38

Man die Elamun kii laanka a dí-nyalin dii, ma dinmaa kii dankan koa bɛa gána lɛ nɛ. Dɛnaa Lawa da ǹ boo ne.

Zeremii 49:6

Sɛnɛ bɛ kio, ma á re Amɔn tɔrɔn giã ǹ gɔn zizi kɛ koe ǹ la.» Dɛnaa Lawa a da ǹ boo ne.

Ezekieli 29:14

Ma á re wusii ma da ka Ezipti a kòso nɛn lɛn nɛ. Ma á re die ǹ ne Ezipti gána a gusin a lɛ̀gɔn la, ǹ yɛ ǹ gána nɛ. Ǹ tá re giɛ̃ walan, ǹ gána boɛɛn koa.

Ezekieli 38:16

N tá re die maa zaman Izirayeli minin lɛn gialaa, n kɔ n lɛ ka labara bɛ́ lɔn. Bɛ n die n zɛnɛɛ biikoo giala nyɔmiɛ̃ waáraa. Ma á re nsɛ Gɔgu diɛ, n wo maa gána minin lɛn gialaa, màn mɛn bɛ́ toɛ, tɔrɔ kɔsɔn nə maa Lawabaa dɔ̃.

Ezekieli 39:25

Sɛnɛ, masɛ Dɛnaa Lawa n kɛ pii: «A kũ sisia ganaa, ma á re makara boe Izirayeli minin ganaa, kɛn Zakɔba tɔrɔn lɛa. Ǹ bɛ́ sii mɛn gɔ́ɔ̃ nɛ, ma á re ǹ wɛɛ ma ǹ bɔ bɛ nɛ. Ma a re toɛ min ma tɔ sonbore kɛ puusə kɔ doo wa.

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Amɔɔsi 9:14

Man die wusii ma maa zaman, Izirayeli minin lɛn sii bɔyaa ma da a giala la. Kiwin mɛnɛn nə ziziɛ̃, ǹ tá re wusii ǹ bɛn dɔ, ǹ giã ǹ nɛ. Ǹ tá re *rezɛ̃ dan zuzumi ǹ bɛa duvɛ̃ mi. Ǹ tá re dù gɔrɔn boboe, ǹ bɛa mànan bii.

Misee 4:1

Lɛawaan kɔnɔn tá re doe, Dɛnaa Lawa a kion lɛ bɛ́ kele mɛn la, bɛ á die goɛ̃ ǹ miã kelen mìi la, lon tentenen tumaa mìi la, tɔrɔn tá re yiɛ girigiri bɛ̀ ǹ wo la.