Zeremii 49:37 - LAWA A BOO SONBORE

³⁷ Elamu minin gɔ̀nɔn tá re bìn diɛ ǹ zɔ́ɔn nyɛɛnɛ, ǹ mɛnɛn bɛ́ giɛ ǹ gɛ̀ li. Maa foo yoo baraa kɛ gɔ́ɔ̃ nɛ, man die koe diɛ ǹ la. Dɛnaa Lawa a da ǹ boo ne. Ma á re ǹ kio lui ka zia nɛ, yǎa ma ǹ tumaa dii lenlen.

LAWA A BOO SONBORE 2011

³⁷ Elamu minin gɔ̀nɔn tá re bìn diɛ ǹ zɔ́ɔn nyɛɛnɛ, ǹ mɛnɛn bɛ́ giɛ ǹ gɛ̀ li. Maa foo yoo baraa kɛ gɔ́ɔ̃ nɛ, man die koe diɛ ǹ la. Dɛnaa Lawa a da ǹ boo ne. Ma á re ǹ kio lui ka zia nɛ, yǎa ma ǹ tumaa dii lenlen.

Zeremii 49:37 ပူးပေါင်းရင်းမြစ်များ

Zeremii 30:24

Dɛnaa Lawa a golee ka a foo-yoo baraa kɛ-n wa, yǎa bɛ̀ a din dùũ sii kɛ nə́ n zɛnaa á nya ǹ mɛn waáraa. Ǹ kɔn pinaa, ka á re a giala miɛ.

Zeremii 48:2

Màn mɛn bɛ́ Moabu diɛ din koa ganaa, bɛ́ papaã. Minin man koe yɔrɔ boe Ɛsibɔn ganaa, ǹ nə́ pii: «Ka daa wɔ kiwi kɛ yu, wɔ bɔ tɔrɔn bii!» Nsɛ dɔ Madmɛn, ǹ tá re n diɛ lɛ tã ganaa, ǹ tá re n bɔ̀n biɛ ka zia nɛ.

Zeremii 48:39

Wàa! Moabu yɔyɔrɛ! Ka gini! Moabu nə́ n dɔ̀ɔ̃ wɔ! Sìi nə́ n kɔ lɛ. Ǹ miãkɛnɛn man diɛ yaa lɛa. Nyɛ́ɛ nə ǹ ganaa.»

Zeremii 49:22

Zɔ́ɔ n ka zèwo bɛ́ lɔn, piɛ̃, á n nyàan lɛ bɔ Bosraa kiwi lalan. Bɛa pinaa lɛ nɛ, nyɛ́ɛ á re Edɔmu a zia-baali zanbian kɛn kuĩ ka lɔ bɛ́ lɔn a nɛ yɛ biikoo li.

Zeremii 49:24

Damaasi minin foo ziziɛ̃maa nɛ, maǹ nə n yɔrɔ boe die baa sii. Ǹ gɔ̀nɔn nə bìn diɛ nyɛ́ɛ gɔn. Nyɛ́ɛ nə ǹ ganaa, ǹ gɔ̀nɔn nə bìn diɛ, ka lɔ bɛ́ lɔn a nɛ yɛ biikoo li.

Zeremii 49:29

Ka ǹ zìãn laanka ǹ tɔɔn si ǹ la, ǹ mìi duru ǹ bǎã laanka ǹ màn tumaa nɛ! Ka wo ka ǹ nyɔɔmaan nɛ, ka n lɛ dɛ ǹ ganaa, ka pɛ: «Nyɛ́ɛ n bǎã tumaa nɛ!»

Zeremii 49:38

Man die Elamun kii laanka a dí-nyalin dii, ma dinmaa kii dankan koa bɛa gána lɛ nɛ. Dɛnaa Lawa da ǹ boo ne.

Zeremii 49:5

Dɛnaa Lawa Pàãyiidɛnaa a da ǹ boo á ke: «Man die nyɛ́ɛ kiɛ ǹ ganaa, a bɔ paǹ tumaa li. Ǹ tá re ka kiɛ ǹ nyɛɛnɛ ǹ ka loo, min kɔn ba re yii a baa-silin lɛn sɔkɔn wa.

Zeremii 50:36

Ka zia baa a wɔ-kũlin ganaa, kɛn baãnaan lɛa. Ka zia baa a sɔraasin ganaa, ka ǹ foo ziziɛ̃!

Zeremii 6:19

Ka n too kɔ kanaa tumaa a tɔrɔn: Man die koe boe minin kɛn ganaa. Ǹ dí mɛn lɛ bɔ, bɛ lɛ a binyəə ne. Ma boo mɛn da ǹ nɛ, ǹ yiri bɔ bɛ li wa. Ǹ nə́ n piã ka maa dí-pɛn nɛ.

Zeremii 9:15

Tɔrɔn mɛnɛn bɛ ǹ dininmaan laanka ǹ díin nə ǹ dɔ̃ wa, man die ǹ pɛsɛ̃ bɛn bii. Ma á re zia yiɛ ǹ ganaa, ma ǹ yii dɛ lenlen.»

Zeremii 9:16

Dɛnaa Lawa Pàãyiidɛnaa a da ǹ boo á ke: Ka n yiri kɔ li, ka lɔ wuu-pɛlen bíi. Ǹ mɛnɛn bɛ́ a yɔrɔ doɛ̃ parsiini, ka bɛn bíi.

Ezekieli 12:14

Min mɛn tumaa bɛ́ a lɛnpɛnɛ, a lɛduə̃lin laanka a sɔraasin tumaa nɛ, ma á re bɛn sasawɛɛ, ǹ wo bǎã tumaa nɛ. Ma á re maa gɔya sa kɛ woɛ̃, ma ǹ kio loo ne.

Ezekieli 32:23

Asiirii minin yalan lɛn man tán giulun sɔsɔɔ. Ǹ yalan lɛn man kii lɛ wɔ lɛnpɛnɛ. Ǹ nə́ ǹ tumaa dɛ zia la, ǹsɛn mɛnɛn nə goã nyɛ́ɛ kiɛ minin ganaa, yiikoonaan kanaa kɛ nɛ.

Ezekieli 5:12

Piɛ̃ busu á re kaa minin lɛn talakɔn sɔɔ a goon dii, hinlaa bòo á re ǹ nyɛɛ a ǹ bɔ kiwi lɛ nɛ. Ǹ tá re kaa talakɔn sɔɔ lɛ a paabaa ǹ wɔ dii zia la kiwi lɛ lɛkoro-a. Kaa talakɔn sɔɔ lɛ a giala-nyɔmiɛ̃ ke, ma á re bɛn pɛsɛ̃ kanaa paǹ tumaa nɛ, ma maa gɔya sa kɛ woɛ̃ ǹ li.

Ezekieli 5:2

Bɛ̀ Zeruzalɛmu nə n kũ biikoo mɛn li, n ka lɛ a talakɔn sɔɔ goon tã kiwi lɛ bii. A talakɔn sɔɔ lɛ a paabaa ǹ wɔ ke, n bɛ yawaa ka gɔya sa nɛ, n kiwi lɛ lɛnpɛnɛ nɛ. A talakɔn lɛ a sɔɔbaa ǹ wɔ ke, n die n bɛ pɛsɛ̃ piɛ̃ li, ma á re a kio lui ka maa gɔya sa nɛ.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.