Zeremii 49:36 - LAWA A BOO SONBORE

³⁶ Man die piɛ̃ sii diɛ Elamu la, boe kanaa gùrù sii tumaa ganaa. Man die Elamu minin lui bǎã tumaa nɛ, ǹ gùli-kɔlin tá re yii gána tumaa nɛ.

LAWA A BOO SONBORE 2011

³⁶ Man die piɛ̃ sii diɛ Elamu la, boe kanaa gùrù sii tumaa ganaa. Man die Elamu minin lui bǎã tumaa nɛ, ǹ gùli-kɔlin tá re yii gána tumaa nɛ.

Zeremii 49:36 ပူးပေါင်းရင်းမြစ်များ

Loen 147:2

Dɛnaa Lawa n wusii Zeruzalɛmu doe. A n Izirayeli nɛnyaanan boe bɛ̀rɛbaa nɛ, ǹ soekɔn.

Izayii 11:12

Dɛnaa Lawa n die zanzan zumi, a n gɔn waa bɛa gánan kɛn lɛn manɛ, mà asɛ á re Izirayeli a wo bɛ̀rɛbaa ǹ bǎã-n wolen soekɔn, Zudaa gána minin mɛnɛn tumaa bɛ́ pɛsiɛ̃ nɛ kanaa paǹ tumaa ganaa, a bɛn sɔkɔn.

Izayii 27:13

Bɛa pinaa, sère gɔ̀lɔ̀ bɛn gole n die n pii. Bɛa biikoo li kəni, min mɛnɛn nə papaã Asiirii gána nɛ, ǹ nə n mɛnɛn loo Ezipti gána nɛ, bɛn tumaa á re die lenlen. Ǹ tá re die n musin koɛ tán Dɛnaa Lawa yɔrɔ-a, Zeruzalɛmu a kele sonbore kɛ la.

Izayii 56:8

Dɛnaa Lawa mɛn Izirayeli a wo bɛ̀rɛbaa ǹ bǎã n wolen sɔkɔn, bɛa da ǹ boo á ke: «Má minin sɔkɔn má ǹ lɛpɛnɛ nɛ. Man die wusii ma kɔsɔn sɔkɔn kunun ǹ ni doo.»

Zeremii 30:17

Nsɛ mɛn bɛ́ ǹ nə́ goã n bíi "màn kooro" *"Siɔn mɛn bɛ́ laadoo ba a ganaa wa", ma á re n busulɛn nyɛɛ ma n kaka kɔ. Masɛ Dɛnaa Lawa a da ǹ boo ne.

Zeremii 49:32

Ǹ zɔ́ɔn tá re ǹ nyɔɔmaan koɛ̃, ka ǹ tɔɔ kuru damata nɛ, ka bɔ zia la ǹ màn bɛ́ lɔn. Min mɛnɛn bɛ́ n karazɔɔ ka koɛ̃, ma á re bɛn pɛsɛ̃ bǎã tumaa nɛ. Ma á re toɛ koe bɔ paǹ yii-a a da ǹ ganaa. Dɛnaa Lawa a da ǹ boo ne.

Ezekieli 5:10

Díin tá re ǹ nɛnyaanan soɛ̃ kiwi lɛ nɛ, nɛnyaanan dɔn tá re ǹ díin soɛ̃. Ma dɔlɔ mɛn boo da, man die bɛ lɛ boe ka ganaa. Kaa min mɛnɛn dɔn bɛ́ re goɛ̃, ma á re bɛn tumaa sasawɛɛ, ma ǹ kaa kanaa paǹ tumaa nɛ.»

Ezekieli 5:12

Piɛ̃ busu á re kaa minin lɛn talakɔn sɔɔ a goon dii, hinlaa bòo á re ǹ nyɛɛ a ǹ bɔ kiwi lɛ nɛ. Ǹ tá re kaa talakɔn sɔɔ lɛ a paabaa ǹ wɔ dii zia la kiwi lɛ lɛkoro-a. Kaa talakɔn sɔɔ lɛ a giala-nyɔmiɛ̃ ke, ma á re bɛn pɛsɛ̃ kanaa paǹ tumaa nɛ, ma maa gɔya sa kɛ woɛ̃ ǹ li.

Amɔɔsi 9:9

Sonbore, á ke: «Man die bìn diɛ Izirayeli tɔrɔn kɛn ganaa tɔrɔ kɔsɔn bii, ka ǹ bɛ́ màn zazaaboe ka tɛ̀mɛ-n lɔn, kɔlɔ boɛɛn kɔn din ba re soe a mɛnaa tán wa.

Zakarii 6:5

Á ma lɛ si kɛnɛn: «Lon a piɛ̃ sii kɛ nɛ. Maǹ nə́ goã kunu tán tumaa a Dɛnaa li, kanna, maǹ woe.»

Timəə dí-pɛn 28:25

Dɛnaa Lawa á re toɛ kaa zɔ́ɔn nə boo ka la. Ka á re soe ka kɔ zii goon lɛ ka wo ǹ gialaa. Sɛnɛ, ka á re sasawɛɛ ka zii sɔbaa saa, bɛ̀ ka ń baa sii ǹ nyɛɛnɛ. Sii mɛn bɛ́ re ka yii, bɛ á re nyɛ́ɛ diɛ kanaa minin tumaa ganaa.

Timəə dí-pɛn 28:64

Dɛnaa Lawa á re ka pɛsɛ̃ tɔrɔ kɔsɔn bii kanaa paǹ tumaa nɛ. Ka á re lawa kɔsɔn guguru koe walan, ka dinin laanka ka digolon bɛ́ ka lawan mɛnɛn dɔ̃ wa: Maǹ gɔn laanka kɔlɔ lɛa.

Sii-nyaan 7:1

Bɛ kio, má lon a dia dí-a wole màn sii yɛ golee-n tán gùrù sii kɛ ganaa. Ǹ nə́ tán a piɛ̃ màn sii kɛ kũ ǹ nə́ golee ne, ń giɛ piɛ̃ nyan bɔ tán la wa, a nyan bɔ yìsi mu gole la wa, a nyan kaa da kɔ́n ganaa wa.