Zeremii 49:29 - LAWA A BOO SONBORE

²⁹ Ka ǹ zìãn laanka ǹ tɔɔn si ǹ la, ǹ mìi duru ǹ bǎã laanka ǹ màn tumaa nɛ! Ka wo ka ǹ nyɔɔmaan nɛ, ka n lɛ dɛ ǹ ganaa, ka pɛ: «Nyɛ́ɛ n bǎã tumaa nɛ!»

LAWA A BOO SONBORE 2011

²⁹ Ka ǹ zìãn laanka ǹ tɔɔn si ǹ la, ǹ mìi duru ǹ bǎã laanka ǹ màn tumaa nɛ! Ka wo ka ǹ nyɔɔmaan nɛ, ka n lɛ dɛ ǹ ganaa, ka pɛ: «Nyɛ́ɛ n bǎã tumaa nɛ!»

Zeremii 49:29 ပူးပေါင်းရင်းမြစ်များ

Siin Giala 37:25

Bɛ kio, ǹ nə́ giã tán, ǹ nə́ màn bii. Ǹ bɛ́ ǹ nə́ n mìi saa lon, ǹ nə́ nyɔɔmaadɛnan yɛ boe Galaati gána-n die. Isimayeli tɔrɔn manɛ. Da gón gìĩ kɔɔ̃n nə́ ǹ nyɔɔmaan lɛn la, ǹ tá woe-n Ezipti gána nɛ.

Zɔbu 1:3

Tɔɔn nə́ goã a lon giãgiã: Sère duu sɔbaa (7 000), nyɔɔmaa duu sɔɔ (3 000), buu-kɔsɔ ǹ dii duu goon (1 000) ka dundun dan biɛsooro (500). A dí-nyalin dɔn nə́ goã mɔnaa-n parsiini. A din lɛ tɔ na á bɔ lɛ̀giala gána minin tumaa bii.

Loen 120:5

Bɔ̀n na á masɛ yɛ! Ma din a wo tii baa min kakaarɛn bii ke Mesɛki, ma din a wo giã min baraan bii ke Kedaara.

Loen 31:13

Minin yiri bɔ ma nɛ ka man má gã, ǹ yiri bɔ ma nɛ, ka màn ziziɛ̃ nɛ.

Izayii 13:20

Min kɔn ba re giɛ̃ a-n doo duduu wa, a gɔ́ɔ̃ kooro n die goɛ̃ miɛ̃. Mu gòo-kɔlen dinin ba re golee a nɛ wa, tɔɔ-lɛduə̃lin ba re woe ǹ tɔɔn nɛ a-n wa.

Izayii 60:7

Kedaara minin tɔɔ kurun kɛn tá re die n soekɔn-a n li. Nebayɔti minin sère gɔ̀lɔ̀n kɛn tá re maa wɔn biɛ, ǹ tá re wúlu boe ǹ ne maa *wúlu bɔ ǹ bǎã kɛ nɛ, Á re *wúlu màn sonbore biɛ ma yii li. Man die maa kion lɛ a siĩnbaa tɔ boe ka bɛ nɛ.

Zeremii 10:20

Sɛnɛ, maa mɔnaa kion lɛ ziziɛ̃. A biɛn tumaa nana. Maa nɛnyaanan nə woo ǹ nə́ ma toa walan. Min kɔn banban a maa kion lɛ dɔ wa, a maa giã ǹ bǎã kɛ zɛnaa wa.»

Zeremii 4:20

Maǹ bɔ̀n dinsɔɔ̃ boo diɛ, gána lɛ tumaa ziziɛ̃. Ǹ nə́ wɔa mɔnaa kionən ziziɛ̃ bǎã goon ne, wɔa duru ǹ bǎãn nə́ papaã gunyin goon.

Zeremii 46:5

Ma yii n wàa ganaa ke? Nyɛ́ɛ nə ǹ ganaa, maǹ wusii ǹ kio ne! Ǹ nə́ boo ǹ zia-baali zanbian lɛn la. Maǹ nə n mìi foɛ̃, nyɛ́ɛ taman yii, ǹ ba n bɔyɛɛ ǹ kio-n wa. Nyɛ́ɛ n bǎã tumaa nɛ. Dɛnaa Lawa a da ǹ boo ne.

Zeremii 49:24

Damaasi minin foo ziziɛ̃maa nɛ, maǹ nə n yɔrɔ boe die baa sii. Ǹ gɔ̀nɔn nə bìn diɛ nyɛ́ɛ gɔn. Nyɛ́ɛ nə ǹ ganaa, ǹ gɔ̀nɔn nə bìn diɛ, ka lɔ bɛ́ lɔn a nɛ yɛ biikoo li.

Zeremii 49:5

Dɛnaa Lawa Pàãyiidɛnaa a da ǹ boo á ke: «Man die nyɛ́ɛ kiɛ ǹ ganaa, a bɔ paǹ tumaa li. Ǹ tá re ka kiɛ ǹ nyɛɛnɛ ǹ ka loo, min kɔn ba re yii a baa-silin lɛn sɔkɔn wa.

Zeremii 6:25

Ka nyan wo wuru-n wa, ka nyan wo ziin la wa. A giala, zɔ́ɔ tan, a n gɛ̀ dii. Nyɛ́ɛ n bǎã tumaa nɛ.

Abakuku 3:7

Ma yii n Kuusan gána a zìãn ganaa tɔtoɛ̃ nɛ, Madiã gána a giã ǹ bǎã ziziɛ̃ nɛ.

Korɛnti2 4:8

Fuu tɔrɔ tumaa n guĩ lɛa ma kɔrɔn ma paǹ tumaa li, sɛnɛ, a ma dii wa; ma gɔ́ɔ̃ n bii ni, sɛnɛ, ma yiri ba n sii ma la wa;

Korɛnti2 7:5

Haalɛ ma bɛ́ má dɔ Masedoanɛ gána nɛ, ma susui yɛ ka duduu wa. Sii kakan nə́ ma yɛ paǹ din tumaa ganaa: má yɔ bɔ kɔn ka min kɔsɔn nɛ, nyɛ́ɛ n ma foo ne.

Sii yɔrɔ-bɔlen 6:5

Sonbore, maǹ nə́ goã yui ka ǹ mɔnaa kionən ne, ǹ dinin laanka ǹ tɔɔn nɛ, gigiã ka bisinin bɛ́ lɔn, bɛ̀ ǹ da Izirayeli minin lɛn gialaa. Ǹ laanka ǹ nyɔɔmaan kɛn man nə́ goã gigiã, min ba boe la a tá ǹ nimii wa. Maǹ nə́ goã die we gána lɛ nɛ, bɛ̀ ǹ basaã kɔ nɛ.

Sii yɔrɔ-bɔlen 7:12

Á ke, Madiã minin ni, Amalɛki tɔrɔn laanka lɛ̀giala gána minin kɛn tumaa na á goã nyɔmaa-n tán diə fúlu lɛ nɛ, gigiã ka bisinin manɛ. Ǹ nyɔɔmaan kɛn, min ba boe la á bɛn nimii wa. Maǹ gigiã ka nyɔɔsɔ bɛ́ lɔn yìsi mu lɛ-a.

Sii yɔrɔ-bɔlen 8:21

Zebaa laanka Salmunaa tɔ́n pɛ Zediɔ̃ nɛ: «N dinmaa yoo n wɔ dɛ. A giala, bɛ̀ min tá giĩ lɛa, maǹ doɛ̃ a nya ǹ dí li.» Zediɔ̃ yoo á Zebaa laanka Salmunaa dɛ. Nyaǹ mànan mɛnɛn bɛ́ ǹ nyɔɔmaan bɔlɔ ganaa, á bɛn waa.

Sii yɔrɔ-bɔlen 8:26

Zediɔ̃ nɔ̀n da ka sana kaaranan mɛnɛn nɛ, ǹ gugurubaa dɔ kilo fuə. Ǹ nyaǹ bɔ ǹ mànan kɛn, ǹ too gɔ́ɔ̃ nɛ ǹ wɔn nɛ, Madiã kiin kɛn nə goã dɔnkɛ tã giməə mɛn we, ka mànan mɛnɛn nə goã ǹ nyɔɔmaan wìi ganaa, bɛ kɔn gòɛ̃ ba a-n wa.