Zeremii 49:22 - LAWA A BOO SONBORE

²² Zɔ́ɔ n ka zèwo bɛ́ lɔn, piɛ̃, á n nyàan lɛ bɔ Bosraa kiwi lalan. Bɛa pinaa lɛ nɛ, nyɛ́ɛ á re Edɔmu a zia-baali zanbian kɛn kuĩ ka lɔ bɛ́ lɔn a nɛ yɛ biikoo li.

LAWA A BOO SONBORE 2011

²² Zɔ́ɔ n ka zèwo bɛ́ lɔn, piɛ̃, á n nyàan lɛ bɔ Bosraa kiwi lalan. Bɛa pinaa lɛ nɛ, nyɛ́ɛ á re Edɔmu a zia-baali zanbian kɛn kuĩ ka lɔ bɛ́ lɔn a nɛ yɛ biikoo li.

Zeremii 49:22 ပူးပေါင်းရင်းမြစ်များ

Loen 18:5

Gɛ̀ na á goã á n gɔn lɔɔ ma nɛ, a na á baa mu gole a min kũ lɛa, mà a ma papaã.

Suusun 30:19

Sia a yoo a wo lon ne, miɛ̃ a kiɛ̃ ǹ zii gɛ̀fu la, mu la ǹ goo á zii yìsi mu lalan. A siibaa ǹ wɔ tan: Bɛ n ka zii mɛn bɛ́ giĩ á koe lɛ a wo lɔ li.

Izayii 11:14

Lɛ̀nyɛɛn gɔn la, maǹ die n mìi foɛ̃ Filisiti minin kelen kɛn ganaa, lɛ̀giala gɔn la, n tá re diə gole minin kɛn gɔn mànan kokoe. Edɔmu gána laanka Moabu gána n die goɛ̃ ǹ pàã giulun, Amɔn tɔrɔn nə dí nya ǹ nɛ.

Izayii 13:8

Nyɛ́ɛ nə ǹ ganaa. Busii tɔrɔ tumaa nə ǹ ganaa. Maǹ nə n birikəĩ tán, ka lɔ nɔɔrɔ-kɔle bɛ́ lɔn. Maǹ giɛ kɔn-a, ǹ gɔ́ɔ̃ n wɛɛ̃ nɛ, ǹ yɔrɔ n tɛ lɛa.

Izayii 21:3

Bɛ lɛ nɛ, ma kii á busi, ma nɔmaa maa nɛ, ka lɔ bɛ́ lɔn nɔɔrɔ koe. Là paparɛɛ la ma yii ni ma too a màn kɔn miɛ wa, nyɛ́ɛ la ma yii ni ma yii a màn kɔn yii wa.

Izayii 26:17

Dɛnaa Lawa, wɔ n wɔ́ goã n yɔrɔ-a ka lɔ nɔɔrɔ-kɔle bɛ́ lɔn, n duwii, n lɛ dii la paparɛɛ gɔn.

Zeremii 13:21

Ń giaárabaa zɛnaa ka ǹ tɛnɛn nɛ ǹ lɛ mui ni. Ǹ mɛn pinaa bɛ̀ ǹ nə́ n bɔyaa, maǹ die n diɛ ǹ pàã giulun, n nə n die wàa boo diɛ? N nə n die fuu yii ka lɔ nɔɔrɔ kɔle bɛ́ lɔn.

Zeremii 22:23

Sisia, ma n giã-n Liban daã nɛ, ń kii dɔ sɛdrə dan la. Sɛnɛ, bɛ̀ là paparɛɛ daa n tɔwaa, n tá re gini, ka lɔ bɛ́ lɔn nɔɔrɔ koe.

Zeremii 30:6

Ka nɔ̀n da minin la, ka ga a ganaa: Giĩ á boe la a nɛ yɛ? A da yaa, ma yii n giĩn tumaa ganaa, ǹ gɔnɔn nə́ ǹ kii la ka lɔ bɛ́ lɔn a nɛ yɛ waáraa, ǹ yɔrɔ n ziziɛ̃ nɛ.

Zeremii 4:13

Zɔ́ɔn lɛn nə́ ke: maǹ die ka la a tì bɛ́ lɔn, Ǹ ziabaa ǹ wotoron yii n fuu ka piɛ̃ gole bɛ́ lɔn, ǹ sùin yii n fuu á la giogialatã-a nɛ. Wàa koe n ka kɛ nɛ! Wɔ́ sàabaa!

Zeremii 4:31

Sonbore, ma á lɛ-dɛ miɛ̃, ka lɔ nɛ-yɛli bɛ́ lɔn, lɔ ten a lɛ-dɛ lɛa, a gɔ́ɔ̃ yii bibinaa nɛ yii. Siɔn kiwi a lɛ-dɛn manɛ. A n gini, á n gɔnɔn lɛ boe: «Aba! Man giɛ̃ gɛ̀-dɛlin mandɛ gɔn.»

Zeremii 49:24

Damaasi minin foo ziziɛ̃maa nɛ, maǹ nə n yɔrɔ boe die baa sii. Ǹ gɔ̀nɔn nə bìn diɛ nyɛ́ɛ gɔn. Nyɛ́ɛ nə ǹ ganaa, ǹ gɔ̀nɔn nə bìn diɛ, ka lɔ bɛ́ lɔn a nɛ yɛ biikoo li.

Zeremii 50:36

Ka zia baa a wɔ-kũlin ganaa, kɛn baãnaan lɛa. Ka zia baa a sɔraasin ganaa, ka ǹ foo ziziɛ̃!

Zeremii 50:43

Baabiloniin kii bɛ́ á bɛa kibərə lɛ ma, a foo ziziɛ̃, nyɛ́ɛ kũ. A nɔmaamaa nɛ ka lɔ bɛ́ lɔn a nɛ yɛ biikoo li.

Zeremii 6:24

Wɔ bɛ́ wɔ bɛa kibərə lɛ ma, wɔ foo ziziɛ̃, nyɛ́ɛ wɔ kũ, wɔ n nɔmaa nɛ ka lɔ bɛ́ lɔn a nɛ yɛ biikoo li.

Ozee 8:1

Ka bɛn pɛ! Bɔ̀n nə́ n tele á die Dɛnaa Lawa a kion lɛ gialaa, ka giogialatã bɛ́ lɔn. A giala, ǹ nə́ maa lɛ kɔ kɔn la lɛ ziziɛ̃, ǹ nə́ n piã ka maa dí-pɛn kɛn nɛ.

Abdiasi 1:9

E, Temaa minin, nyɛ́ɛ á die kaa zia-baalin kɛn kuĩ. Bɛ lɛ n ke, ǹ tá re Ezawu tɔrɔn kɛn giĩn tumaa dii zia la.

Timəə dí-pɛn 28:49

Dɛnaa Lawa á re tɔrɔ kɔsɔn diɛ, ǹ bɔ bǎã sɔsɔɔ nɛ kanaa lɛ dàn ganaa ǹ da ka gialaa. Ka a bɛa tɔrɔn lɛn dinin bɔlɔ miɛ̃ wa. Maǹ die die ka gialaa, ka giogialatã-a wɔ bɛ́ lɔn.

Tesaloniki1 5:3

Minin bɛ́ re pii biikoo mɛn li mà «Là nyantoro tan, mà baraa banban!», a din biikoo lɛ nɛ, basaã á die kirii ǹ la, ka nɔɔrɔ bɛ́ kirii lɔ nɔnɔa la lɔn, ǹ ba re n boe a-n dɔn wa.