Zeremii 49:2 - LAWA A BOO SONBORE

² «Dɛnaa Lawa a da ǹ boo á ke, lɛawaan tá re doe, man die toɛ, ziabaa ǹ lɛ dɛ bɔ Rabaa, Amɔn tɔrɔn kiwi gole kɛ nɛ. Bɛa kiwi gole lɛ á re kɛbɔlɔ biɛ. Tɛ á re a lɛkoro lɛ-a kiwin kuĩ. Bǎãn mɛnɛn bɛ́ Izirayeli wɔ lɛa, á re ǹ sii.»

LAWA A BOO SONBORE 2011

² «Dɛnaa Lawa a da ǹ boo á ke, lɛawaan tá re doe, man die toɛ, ziabaa ǹ lɛ dɛ bɔ Rabaa, Amɔn tɔrɔn kiwi gole kɛ nɛ. Bɛa kiwi gole lɛ á re kɛbɔlɔ biɛ. Tɛ á re a lɛkoro lɛ-a kiwin kuĩ. Bǎãn mɛnɛn bɛ́ Izirayeli wɔ lɛa, á re ǹ sii.»

Zeremii 49:2 ပူးပေါင်းရင်းမြစ်များ

Samayeli2 11:1

Lɛ̀ bɛ́ á bɔ, kiin wo zia baa biikoo li, Davida Zoabu dia kun ka a dí-nyalin ni, ka Izirayeli minin lɛn zia-baalin tumaa nɛ. Ǹ nə́ Amɔn tɔrɔn lɛn dɛ, ǹ nə́ ǹ kiwi gole Rabaa kɛ kũ. Sɛnɛ, Davida din giã Zeruzalɛmu.

Loen 48:11

Ee Lawa, maǹ nə n tɔ boe kanaa paǹ yii ni, maǹ nə n guguru koe kanaa paǹ yii ni. N zɛnaa ǹ sii tumaa n pepere.

Loen 97:8

Zeruzalɛmu kiwi bɛ́ á bɛ ma, a foo kɔɔ̃n kɔ, Zudaa gána a kiwin kɛn nə́ bɛ̀ baa ka foo kɔɔ̃n nɛ, n din a sii yɔrɔ-bɔn kɛn taman yii, Dɛnaa Lawa.

Izayii 11:14

Lɛ̀nyɛɛn gɔn la, maǹ die n mìi foɛ̃ Filisiti minin kelen kɛn ganaa, lɛ̀giala gɔn la, n tá re diə gole minin kɛn gɔn mànan kokoe. Edɔmu gána laanka Moabu gána n die goɛ̃ ǹ pàã giulun, Amɔn tɔrɔn nə dí nya ǹ nɛ.

Izayii 17:1

Damaasi a boo gii: Á ke, kànaa ka boɛɛn, Damaasi a re kiwi biɛ doo wa. A n die kɛbɔlɔ biɛ.

Zeremii 4:19

Áh! Ma nɔ̀! Ma nɔ̀! Ma nə n duwii là paparɛɛ gɔn! Ma foo n die puri! Ma gɔ̀nɔn tumaa n bìn diɛ. Ma a n lɛ tiɛ̃ doɛ̃ wa. A giala, ma bɛn wuu ma, ka ziabaa ǹ lɛ-dɛ nɛ.

Zeremii 49:1

Amɔn tɔrɔn wɔ paǹ li: Dɛnaa Lawa n kɛ pii: «A na á saa lɔn, Amɔn tɔrɔn kii Gaadi gána si á baa a wɔ lɛa? Ǹ zaman nə́ Izirayeli kiwin si ǹ nə́ n kɔ lɛ. Bɛ giala mà wàa kəni? Izirayeli minin nɛnyaanan ma nə ǹ banban ǹ nə́ boe la ǹ bɛa kiwin lɛn baa ǹ kíɛ̃ lɛa wa?»

Ezekieli 21:20

Má min doa ǹ kiɛnlɛn tumaa lɛ-a, ka gɛ̀ dɛ ǹ gɔya sa ná a gɔn. A n tɛ zuĩ ka la a tɛ-pɛ bɛ́ lɔn, a lɛ na á n lɔ gɛ̀-dɛ taman yii, màn mɛn bɛ́ toɛ nyɛ́ɛ minin kũ, màn mɛn bɛ́ toɛ min gigiã mɛnaa.

Ezekieli 21:25

Zia nɛn lɛn man die Zii lɛa goon siɛ ǹ wo Amɔn tɔrɔn kiwi Rabaa kɛ gialaa, ǹ kɔsɔ dɔ saa, ǹ wo Zeruzalɛmu kiwi kɛ gialaa Zudaa gána nɛ, kiwi mɛn lɛ bɛ́, ǹ nə́ kungɔn dɔ ǹ ná a lɛnpɛnɛ nɛ.

Amɔɔsi 1:14

Man diɛ tɛ kiɛ Rabaa kiwi a kungɔnɔn kɛn ganaa. Tɛ á re a duru ǹ bǎã kakan kɛn kuĩ, zia nɛn lɛ-dɛ wuu li zia la, piɛ̃ gole wuu li piɛ̃ a bɔ pinaa.

Abdiasi 1:19

Ezawu tɔrɔn kele yii kɛ á re doe gusin a lɛ̀gɔn la dɛnan kɛn ganaa. Ǹ mɛnɛn bɛ́ diə bǎã kɛ nɛ, Filisiti minin bǎã kɛ á re doe bɛn ganaa. Efrayimu tɔrɔn laanka Samarii minin bǎã kɛ á re doe Izirayeli minin ganaa. Galaati gána kɛ á re doe Bɛnzamɛn tɔrɔn ganaa.

Minin nimi 10:9

Kaa gána nɛ, bɛ̀ ka á woe koe zɔ́ɔn lɛ ka zia nɛ, zɔ́ɔn mɛnɛn bɛ́ ka nɔmɛɛ, ka die ka bɛa bɛnɛn kɛn lɛn pɛ kɔsɛkɔsɛ. Bɛ n die toɛ masɛ nə n yiri koa ka li. Masɛ din Dɛnaa Lawa, kaa Lawa lɛ n die ka sii kaa zɔ́ɔn la kəni, ma ka kaa.

Minin nimi 21:25

Izirayeli minin lɛn nə́ Amɔɔrɔ tɔrɔn kiwin tumaa si, ǹ nə́ giã ǹ nɛ. Ǹ nə́ giã Ɛsibɔn kiwi dɔ nɛ, ka a kiwi bisinin tumaa nɛ.

Timəə dí-pɛn 13:16

ka bɛa kiwi lɛ a min tumaa dɛ, ka a tɔɔn tumaa nɛ, ka ziziɛ̃ lenlen, kɔnlɛ ka a gɔ́ɔ̃gɔ́ɔ̃ ǹ màn tumaa nɛ.

Timəə dí-pɛn 3:11

Basanan kii Ɔgu dinsɔɔ̃ na á goã Refayimu tɔrɔn lɛn min giala-nyɔmiɛ̃ lɛa. Ǹ na a gere da goo mɛn nɛ, fɔlɔ goo ne. A din lɛ n ke tɔn Amɔn tɔrɔn kɛn kiwi Rabaa. A sasabaa n mɛtərə sii ka talɛɛ, a gɔ́ɔ̃ a golebaa n mɛtərə paa.

Zozoe 17:11

Isakaara tɔrɔn laanka Asɛɛrɛ tɔrɔn bǎã nɛ, Bɛti-Seyan kiwi laanka a lɛkoro lɛ-a bǎãn man nə́ dɔ Manaasee tɔrɔn lɛn ganaa, Yibuleyamu laanka a lɛkoro lɛ-a bǎãn nɛ, Dɔɔrɔ kiwi ni, Ɛn-Dɔɔrɔ nɛ, Tanaaki ni, Megidoo kiwi laanka a lɛkoro lɛ-a bǎãn nɛ, kiwi sɔɔ.

Zozoe 17:16

Sɛnɛ, Zozɛfu a nɛnyaanan lɛn nə́ pɛ Zozoe ne: «Kele yii bǎã lɛ a die wɔsɛn boe wa. A giala, Kanaan minin mɛnɛn bɛ́ nyankɔrɔ basa gána kɛ nɛ, fɔlɔ wotoro tá ǹ tumaa lon. Min mɛnɛn bɛ́ Bɛti-Seyan kiwi, ka a lɛkoro lɛ-a bǎãn nɛ, a tá bɛn lon, a tá Zizereyɛli a nyankɔrɔ basa dɛnan kɛn dɔn lon.»