Zeremii 49:16 - LAWA A BOO SONBORE

¹⁶ Ma n nyɛ́ɛ da ǹ màn lɛa, n nə́ n din koɛ n miãn ganaa. Sɛnɛ, ma nə n din siɛ̃. N giã ǹ bǎã n ka kele yalan nɛ, sɛnɛ, n woo giã kele mìi ni. Ta ma n nə́ n kii dɔ lon sɔsɔɔ á la zèwo wɔ nɛ, man die n zuĩ yǎa tán.» Dɛnaa Lawa a da ǹ boo ne.

LAWA A BOO SONBORE 2011

¹⁶ Ma n nyɛ́ɛ da ǹ màn lɛa, n nə́ n din koɛ n miãn ganaa. Sɛnɛ, ma nə n din siɛ̃. N giã ǹ bǎã n ka kele yalan nɛ, sɛnɛ, n woo giã kele mìi ni. Ta ma n nə́ n kii dɔ lon sɔsɔɔ á la zèwo wɔ nɛ, man die n zuĩ yǎa tán.» Dɛnaa Lawa a da ǹ boo ne.

Zeremii 49:16 ပူးပေါင်းရင်းမြစ်များ

Kiin2 14:7

Amasiya lɛ din na á goã á Edɔn minin dɛ yìsi nyankɔrɔ basa kɛ nɛ. A min mɛnɛn dɛ, giĩ duu fù ni (10 000). Zia lɛ gòã wuu li, á Selaa kiwi si á nɔmɔ a ganaa. Á ná a tɔ kɔ mà Yokiteli. Bɛa tɔ lɛ tá tɔn na a tan á da dɔ pelo ganaa.

Zɔbu 39:27

Nsɛ a boo-diɛ n toɛ bɛ̀ giogialatã-a tɔn yoo? Nsɛ a boo-diɛ n toɛ, bɛ̀ a tɔn wo a kii dɔ kele mìi ni?

Suusun 16:18

Din gole kɔ n die mɛnaa nɛ. Din koa n die ka bɔ̀n nɛ.

Suusun 18:21

Gɛ̀ laanka yiikoonaabaa n boe da ǹ boo li. Min mɛn bɛ́ boo narɛ, a doamaa nɛ a lɛ kɔ a mìi gɔ́ɔ̃ nɛ ǹ siin ganaa.

Suusun 29:23

Min mɛn bɛ́ n din gole koe, bɛa dɛnaa á re boɛɛn koe. Sɛnɛ, min mɛn bɛ́ n din boɛɛn koe bɛa dɛnaa tɔ á re boe.

Loe kɔɔ̃n kɔɔ̃n 2:14

Maa paa ǹ wɔ, nsɛ mɛn bɛ́ ka zɛrɛkantoan nə gɛ̀fu yala-n, durii-n kele kɔ́sɔ nɛ, da bɔ, ma n yɛ, da bɔ, ma n bɔlɔ ma. A giala n lɛn gɔ́ɔ̃ lɛ á kɔɔ̃nɛ, n yɔrɔ dɔ á siĩn parɛ.»

Izayii 10:14

Ǹ bɛ́ bàan kii niɛ̃ lɔn, má tɔrɔn naforon goa miɛ̃. Ǹ bɛ́ màn gii goɛ lɔn, man má màn tumaa goa tán la miɛ̃. Min kɔn yɛ á n papasa wa, min kɔn yɛ á n lɛ bũ á boo da wa.»

Izayii 2:21

Dɛnaa Lawa bɛ́ re yui pin mɛnaa, a nyɛɛ da tán tumaa ganaa, ka á re kiɛ para yalan nɛ, ka wɔ tii li, ń giɛ Dɛnaa Lawa a foo-yoo, laanka a gugurubaa a tɛ-pɛ kɛ nyan dɔ ka-a wa.

Izayii 49:25

Dɛnaa Lawa a lɛ si ǹ boo á ke: Hiĩ, sàabaa ba la wa. Ma á re zia-baali a kòso nɛ lɛ gɔsiɛ a gɔn, zia-baali mànan mɛnɛn si zia la, ma á re bɛn sii la. Minin mɛnɛn bɛ́ zia biɛ n ganaa, ma din nə die yui bɛn gialaa, ma n nɛnyaanan kirisibaa.

Zeremii 48:14

Moabu minin, a n siɛ lɔn ka á pii: «Wɔ ǹ sɔraasi foo taãn-an lɛa, zia-baali taãn-taãnan lɛa?»

Zeremii 49:15

«Taãn nɛ, Edɔmu, man die n biɛ tɔrɔn tumaa a kiɛɛrɛ lɛa, tɔrɔ mɛn bɛ́ min tumaa ná a puusə koe.

Zeremii 50:29

Ka sa-zũlin tumaa sɔkɔn, ka ǹ kaa Baabilonii kiwi ganaa. Ka a lɛnpɛnɛ a paǹ tumaa li! Ka nyan toa min kɔn la wa! Ka a saraa kɔ la a kɔnpɛ ka a zɛnaa ǹ siin ni. A siin mɛnɛn zɛnaa ǹ miãn manɛ, ka zɛnaa a dɔ-n miɛ̃. A giala, á n din koa Dɛnaa Lawa, Izirayeli a Lawa sonbore kɛ ganaa.

Zeremii 51:53

Ta Baabilonii din dii lon sɔsɔɔ, ta á n duru kungɔn sɔsɔrɔn kio, min mɛnɛn bɛ́ re die a ziziɛ̃ taman yii, ǹ gɔn tá re doe a ganaa. Ma dinmaa nə ǹ diɛ. Dɛnaa Lawa a da ǹ boo ne.

Amɔɔsi 9:2

Ta ǹ dinin man nə́ woo yǎa geren piɛ, ma á re ǹ wɛɛ walan ma soo ǹ ne. Ta maǹ nə́ dii lon, ma á re ǹ gisĩ ma ǹ kaa tán.

Abakuku 2:9

Kaa wɔ ǹ ka bɔ̀n nɛ! Ka mɛnaa minin la, ka gɔn mànan yɛ, kaa kion minin wɔ lɛa. Ka bàan wɔ bɛ́ lɔn, ka n kaa giãǹ bǎã doe lon, màn mɛn bɛ́ toɛ koe ná a doe ka ganaa wa.

Malakii 1:3

má Ezawu toa walan. Ezawu tɔrɔn nə goã kele yii mɛn nɛ, má bɛ ziziɛ̃, má gána lɛ kɔ diə gole a tolokan la.