Zeremii 48:32 - LAWA A BOO SONBORE

³² Sibumaa a zaman, man wuu pii n la, á la Zazɛɛrɛ minin wɔ nɛ. Ma nə́ n kɔn bɔ ka *rezɛ̃ da nɛ. N nə́ n gùrùn nyɔmaa ń yìsi mu la bɔ nɛ, yǎa ń Zazɛɛrɛ yìsi mu la bɔ nɛ. Sɛnɛ, basaã-kɔle lɛ daa kɔ n rezɛ̃ lɛ, n kaa-piɛ mànan kɛn.

LAWA A BOO SONBORE 2011

³² Sibumaa a zaman, man wuu pii n la, á la Zazɛɛrɛ minin wɔ nɛ. Ma nə́ n kɔn bɔ ka *rezɛ̃ da nɛ. N nə́ n gùrùn nyɔmaa ń yìsi mu la bɔ nɛ, yǎa ń Zazɛɛrɛ yìsi mu la bɔ nɛ. Sɛnɛ, basaã-kɔle lɛ daa kɔ n rezɛ̃ lɛ, n kaa-piɛ mànan kɛn.

Zeremii 48:32 ပူးပေါင်းရင်းမြစ်များ

Zeremii 40:10

Masɛ n giã-n Mispaa man ka bǎã siɛ Baabilonii minin yɔrɔ-a, kɛn die wɔ li. Sɛnɛ kasɛn, ka rezɛ̃ nɛ na, da nɛ nɛ, ka nyɔɔ nɛ. Ka kaa kaa-piɛ mànan tamaa, ka giã sɔnbɔraanɛ kaa kiwin kɛn nɛ ka ǹ si.»

Zeremii 48:15

Moabu ziziɛ̃, Maǹ we a kiwin kuĩ. Maǹ woe ka a nɛ tenən lɛn nɛ bɔlɔ kuru ǹ bǎã nɛ. Kii ke a tɔ n Dɛnaa Lawa Pàãyiidɛnaa, bɛa da ǹ boo á ke:

Zeremii 48:18

Dibɔn a zaman, gisĩ n nə n tɔ golebaa kɛ toa walan. Giã tán bǎã gere ne. A giala, Moabu a basaã-kɔle kɛ n die n gialaa, màn mɛn bɛ́ toɛ n kungɔnɔn kɛn tamaa nɛ a bɛn ziziɛ̃.

Zeremii 48:8

Basaã-kɔle lɛ n die boe kiwi gogoonmaa nɛ, a yiri a re boe a goon din ganaa wa. Nyankɔrɔ basan tá re papaɛ̃, wurun kɛn dɔn nə ziziɛ̃, ka Dɛnaa Lawa goã á pɛ lɔn.

Minin nimi 21:32

Muizu minin dia woe giɛ Zazɛɛrɛ kiwi ganaa ka durii ni. Bɛ kio, Izirayeli minin lɛn nə́ Zazɛɛrɛ kiwi lɛ a kiwi bisinin si ǹ nə́ nɔmɔ ǹ ganaa. Amɔɔrɔ tɔrɔ mɛnɛn nə goã giã-n bɛa kiwin kɛn lɛn nɛ, Muizu bɛn loo.

Minin nimi 32:1

Urubɛn tɔrɔn laanka Gaadi tɔrɔn tɔɔn man nə́ goã mɔnaa-n taãn-taãnɛ. Ǹ nə́ tɔ́n yɛ, mà Yazɛɛrɛ bǎã laanka Galaati gána tá tɔɔn sii.

Minin nimi 32:3

«Atarɔti kiwi ni, Dibɔn kiwi ni, Yazɛɛrɛ kiwi ni, Nimura kiwi ni, Ɛsibɔn kiwi ni, Eleyale kiwi ni, Sebamu kiwi ni, Neboo kiwi ni, ka Bewɔn kiwi ni,

Minin nimi 32:35

Atrɔti-Sofan kiwi ni, Yazɛɛrɛ kiwi ni, Zogbaa kiwi ni,

Minin nimi 32:38

Neboo kiwi ni, Baali-Mehɔn kiwi ni, ka Sibma kiwi ni. Ǹ wusoo ǹ nə́ kiwin mɛnɛn lɛn dɔ, ǹ nə́ tɔ dii wɔ ǹ tɛnɛn ganaa.

Zozoe 13:19

Kiriyatayimu ni, Sibimaa nɛ, Serɛti-Asakaara nɛ nyankɔrɔ basa lɛ a kele lalan,

Zozoe 13:25

Ǹ bǎã lɛ na á goã siɛ Zazɛɛrɛ kiwi ganaa, a Galaati gána a kiwin kɛn tumaa kaa a nɛ, ka Amɔn tɔrɔn kɛn gána a talɛɛ nɛ, a wo yǎa Aroɛɛrɛ kiwi, Rabaa kiwi yɔrɔ-a.

Zozoe 21:39

Ɛsibɔn laanka a lɛkoro lɛ-a bǎãn nɛ, Yazɛɛrɛ laanka a lɛkoro lɛ-a bǎãn nɛ. Bɛa kiwin lɛn kaa kun nə kiwi sii.