Zeremii 48:26 - LAWA A BOO SONBORE

²⁶ Moabu na á taasɛ, mà asɛ a golebaa la Dɛnaa Lawa nɛ. Ka duvɛ̃ kɔ la a mi, yǎa a pisii. Bɛa biikoo li kəni, min tumaa á re yaa we a ganaa.

LAWA A BOO SONBORE 2011

²⁶ Moabu na á taasɛ, mà asɛ a golebaa la Dɛnaa Lawa nɛ. Ka duvɛ̃ kɔ la a mi, yǎa a pisii. Bɛa biikoo li kəni, min tumaa á re yaa we a ganaa.

Zeremii 48:26 ပူးပေါင်းရင်းမြစ်များ

Zɔbu 15:25

A giala, ǹ nə́ n gòon pipiri Lawa li, ǹ nə́ n gòãn dii Pàayiidɛnaa lɛ ganaa.

Zɔbu 9:4

Sii-doɛ̃ na á goã Lawa din ni, pàã tumaa na á goã a din ni. Die nə n gòãn dii a ganaa, n wusoo n na a laakalaa?

Loen 2:4

Sɛnɛ, Dɛnaa Lawa mɛn bɛ́ kiibaa la lon, bɛ́ yaa wɔ ǹ ganaa, á ǹ da yaa lɛa.

Loen 59:8

Ǹ lɛ gɔ́ɔ̃ piɛ̃maa nɛ ka boo baraan nɛ. Ǹ boon lɛ n we ka gɔya a min fɔ̃ bɛ́ lɔn. Maǹ taasɛ mà min kɔn ba bɛ miɛ̃ wa.

Loen 60:3

Lawa, ń wɔ daa, ń wɔ nana kɔn. N laanka n foo-yoo lɛ tumaa nɛ, wusoo n nə n yɔrɔ da wɔ la.

Loen 75:8

Lawa n kiri kuri. A din nə min goon gisĩ, a min goon saa lon.

Bɔ bɛ̀rɛbaa nɛ 5:2

Faarahɔn pɛ: «Dɛnaa lɛ n die lɛa, ma tɔn nə n too kɔ a boo ganaa, ma toa Izirayeli nɛnyaanan nə woo? Ma a Dɛnaa doɛ̃ wa, ma a toɛ Izirayeli nɛnyaanan nə woo wa.»

Bɔ bɛ̀rɛbaa nɛ 9:17

N nə n tɔn nə n laɛ, n piɛ̃ ka maa zaman lɛ a soo a woo ne.

Izayii 10:15

Sɛ̀miɛ̃ á boe la a n din gole kɔ a dí nya ma-n wole ganaa? Hinlaa gɔya á boe la a n din koa a dí nya ma-n wole ganaa? Bɛ n goon ka min mɛn nə́ ke bàbàla ná a gɔn, asɛ n bàbàla lɛ foo sii zɛnɛɛ. Hinlaa ka min bɛ́ dɔ̀rɔ̀ ná a gɔn asɛ n dɔ̀rɔ̀ lɛ foo sii zɛnɛɛ.

Izayii 19:14

Dɛnaa Lawa na á ǹ yiri lɔlɔkɔn. Sonbore, bɛa kiãn lɛn man Ezipti yiri siɛ̃ a zɛnaa ǹ sii tumaa nɛ. Ezipti na á kɔnbɔ ka yɔdɛnaa nɛ n lɔloɛ a pisəə ne.

Izayii 28:8

Ǹ tabalan tumaa n pisəə lɛa, ǹ tumaa n gɔgɔrɛ.

Izayii 29:9

Ka n kaãbaa, tɔwaa ka kũ! Ka yii tere-an baa, ka goã miɛ̃! Ka yɔdɛnan baa, ka n ka duvɛ̃ mi dɔn wa! Ka tatalaa, ka n ka yɔ kakaarɛ mi wa!

Izayii 51:17

Zeruzalɛmu, n yii kaa! N yii kaa, n yoo n golee lon! Dɛnaa Lawa goã á n da foo-yoo ǹ paan kɛa mu mii ganaa. Ń mi lenlen, á n yii tii.

Izayii 63:6

Maa foo-yoo lɛ gɔ́ɔ̃ nɛ, má tɔrɔn yɔyɔrɛ ma gòã li. Má ǹ kã ka maa foo-yoo kɛ nɛ, má ǹ mà kaa tán furu-n.

Zeremii 48:39

Wàa! Moabu yɔyɔrɛ! Ka gini! Moabu nə́ n dɔ̀ɔ̃ wɔ! Sìi nə́ n kɔ lɛ. Ǹ miãkɛnɛn man diɛ yaa lɛa. Nyɛ́ɛ nə ǹ ganaa.»

Zeremii 48:42

Moabu minin nə́ ziziɛ̃, ǹ ba zaman lɛa doo wa. Maǹ nə́ taasɛ mà ǹsɛn tá gole ǹ nə́ la Dɛnaa Lawa nɛ.

Zeremii 50:29

Ka sa-zũlin tumaa sɔkɔn, ka ǹ kaa Baabilonii kiwi ganaa. Ka a lɛnpɛnɛ a paǹ tumaa li! Ka nyan toa min kɔn la wa! Ka a saraa kɔ la a kɔnpɛ ka a zɛnaa ǹ siin ni. A siin mɛnɛn zɛnaa ǹ miãn manɛ, ka zɛnaa a dɔ-n miɛ̃. A giala, á n din koa Dɛnaa Lawa, Izirayeli a Lawa sonbore kɛ ganaa.

Zeremii 51:39

Ǹ la n kakaɛ̃, sɛnɛ bɛa biikoo li, ma màn-bii zɛnaa ǹ wɔ lɛa. Man die mi ǹ màn koe ǹ la ǹ mi a ǹ yii kũ. Ǹ tá re nyuù we, ǹ yii ná a kiɛ doo duduu wa. Ma din Dɛnaa Lawa a da ǹ boo ne.

Zeremii 51:57

«Baabilonii gána a dí-nyali dadaran kɛn nɛ, a sii-dɔ̃len ne, a gánadɛnan nɛ, bɛn kiodɛnan nɛ, ká a zia-baali zanbian nɛ, ma á re mi ǹ màn koe ǹ la a ǹ yii kũ. Ǹ tá re nyuù we, ǹ yii ná a kiɛ doo duduu wa.» Kii mɛn bɛ́ a tɔ n Dɛnaa Lawa Pàãyiidɛnaa, bɛa da ǹ boo ne.

Zeremii 51:7

Baabilonii na á goã ka mu mi ǹ kaaran bɛ́ lɔn, sana lɛa Dɛnaa Lawa gɔn. A n gàãn yui kanaa a tɔrɔn tumaa li. Kanaa a tɔrɔn man nə́ goã a duvɛ̃ mii, yǎa a ǹ yii kuĩ.

Busii pɛ 1:21

Maǹ ma lɛ miɛ gini, min banban a tá ma foo wɛɛ wa. Maa zɔ́ɔn tumaa maa koe kɛ boo ma. N sii mɛn da ma mìi ni, maǹ bɛa nyɛnyaa we. N lɛawaa mɛn bɔ n koa, toa bɛ́ dɔ. Toa ǹ dɔn nə n baa ka ma dɔ bɛ́ lɔn.

Busii pɛ 3:15

Dɛnaa Lawa ma kã ka foo-busii gole ne. Á ma da màn kɔɔsɛ mii ganaa.

Busii pɛ 4:21

Ka á boe la ka n nyɛnyaa ka bɛ̀ baa, Edɔmu a zaman, nsɛ mɛn bɛ́ giã nɛ Usu gána nɛ. Sɛnɛ n dɔ á re Dɛnaa Lawa a foo yoo ǹ paan mu kɛ mii, a n yii kũ, n nə n tontoro da.

Nahumu 3:11

Á dɔ n dɔ ganaa kanna Ninivu, fuu á re liɛ n yii ni. Bɛ̀ á dɔ n dɔ ganaa, n tá re giɛ duru ǹ bǎã li, n zɔ́ɔn nyɛɛnɛ.

Abakuku 2:16

Sɛnɛ, kaa wɔ ǹ die goɛ̃ ka sìi ni, gugurubaa ná a bie wa. A mii dɔ ka dɔn ganaa kanna. Ka dɔn tontoro á re goɛ̃, ǹ kaa soromabaa nyaa. Dɛnaa Lawa n die a foo-yoo baraa kɛ kiɛ ka la taãn-taãnɛ. Kaa gugurubaa kɛ á re n bɔyɛɛ a sìi baa.

Tesaloniki2 2:4

Minbuiinin bɛ́ màn mɛn tumaa guguru koe, a n die n gòãn doɛ kɔn ka bɛ din tumaa nɛ, a zia da ǹ ganaa, yǎa a dinmaa die giɛ̃ tán Lawa a Kion, a pii mà asɛ n Lawa lɛa.

Sii-nyaan 16:19

Kiwi gole lɛ nə́ n talakɔn sɔɔ, gánan tumaa a kiwin nə́ bɔ ǹ nə́ kaa. Lawa nə́ n yiri koa *Baabilonii kiwi gole kɛ a zɛnaa ǹ sii ni, á da Lawa a foo-yoo ǹ duvɛ̃ mii ganaa, ǹ mɛn lɛ bɛ́ Lawa a foo-yoo gole paan kɛ nɛ.