Zeremii 47:5 - LAWA A BOO SONBORE

⁵ Gaazaa kiwi, minin mìi n kɔɔ̃ nɛ, maǹ gɛ̀ koɛ. Asikalɔn kiwi, min tumaa nə́ n lɛ tã. Kasɛn kɛn giã-n nyankɔrɔ lɛ kɛ nɛ, ka ǹ die ka gɔ̀nɔn tɔtoɛ̃ yǎa biĩ kəni?

LAWA A BOO SONBORE 2011

⁵ Gaazaa kiwi, minin mìi n kɔɔ̃ nɛ, maǹ gɛ̀ koɛ. Asikalɔn kiwi, min tumaa nə́ n lɛ tã. Kasɛn kɛn giã-n nyankɔrɔ lɛ kɛ nɛ, ka ǹ die ka gɔ̀nɔn tɔtoɛ̃ yǎa biĩ kəni?

Zeremii 47:5 ပူးပေါင်းရင်းမြစ်များ

Kiin1 18:28

Ǹ nə́ màn da ǹ lɛ dɛ li, a kɔnpɛ ka ǹ landa nɛ, ǹ nə́ ǹ dinin tɔtoɛ̃ ka gɔyan laanka sɛmiɛ̃n nɛ, yǎa ǹ gɔ̀nɔn yii nə́ n baa mà lɛa.

Izayii 15:2

Wúlu bɔ ǹ bǎãn nɛ, Dibɔn minin nə woo wuu pɛ. Neboo kele la ka Medebaa kiwi ni, Moabu minin nə́ woo gɛ̀ wuu pɛ. Ǹ tumaa mìi n kɔɔ̃ nɛ, ǹ tumaa lɛtoro ka n kɔɔ̃ nɛ.

Zeremii 16:1

Dɛnaa Lawa boo da ma nɛ á pɛ:

Zeremii 16:6

Kiãn laanka min kooron tá re giɛ̃ gána lɛ nɛ. Ǹ ba re ǹ biĩ wa. Min kɔn ba re ǹ gɛ̀ wuu pii wa. Min kɔn ba re n gɔ̀nɔn tɔtoɛ̃ hinlaa a n mìi ka kɔɔ̃ wa.

Zeremii 25:20

kɔnlɛ ka tɔrɔn kɛn tumaa nɛ giã-n Ezipti gána nɛ. Usu gána a kii ni, Filisiti minin kiin ni: Asikalɔn wɔ nɛ, Gaazaa wɔ nɛ, Ekrɔn wɔ nɛ, ka Asidɔdi min lɛkun mɛn goã.

Zeremii 41:5

Minin nə́ bɔ Sisɛmu, Siiloo, ka Samarii kiwi ni ǹ nə́ daa. Maǹ min pɔkiwisi, ǹ lɛtoro ka koɛ̃maa nɛ, ǹ mɔnaan nə́ tɔtoɛ̃ nɛ, ǹ nə́ n gɔ̀nɔn tɔtoɛ̃. Maǹ die Lawa gɔ ǹ màn laanka da yon gìĩ kɔɔ̃n nɛ Lawa a kion wɔ lɛa.

Zeremii 47:1

Dɛnaa Lawa boo da Lawa a boo gii-dali Zeremii ni, Filisiti minin wɔ paǹ li. A bɛ́ n zɛnɛɛ, bɛ̀ Eziptin kii tɔn yoo Gaazaa gialaa wa.

Zeremii 47:4

A giala, Filisiti minin sii tumaa ziziɛ̃ lɛawaa nɛ. Min mɛn tumaa bɛ́ re n doe Tiiri laanka Sidɔn kiwi lɛ, maǹ die bɛn ziziɛ̃. Filisiti minin li, Dɛnaa Lawa n màn tumaa ziziɛ̃, ka min mɛnɛn yii goã koo mu a bǎã da bii wole Krɛti ni.

Zeremii 48:37

Giĩn nə́ n mìi kɔɔ̃, ka ǹ lɛtoro ka nɛ. Ǹ nə́ n gɔ̀nɔn tɔtoɛ̃, ǹ nə́ gɛ̀ koa ǹ mɔnaan wɔ.

Ezekieli 25:16

masɛ Dɛnaa Lawa gole n kɛ pii: «Ma á re yui Filisiti minin lɛn gialaa. Ma min mɛnɛn tumaa bɔ Kafutɔɔrɔ ǹ nə́ daa giã yìsi mu kɛ lɛkoro-a, ma á re bɛn tumaa dii lenlen.

Ezekieli 7:18

Ǹ tá re gɛ̀ koa ǹ mɔnaan we, ǹ nə ǹ tumaa mìi kɔɔ̃. Gɔ̀nɔn bìn diɛ á re ǹ kuĩ, sìi nə́ ǹ tumaa ganaa.

Lawa a wúlu-bɔlen 19:28

Ka baran wɔ̀lɔ̀ da ka dinin ganaa gere a lɛa wa. Ka baran nyaǹ dɔ kiɛ̃ ka dinin ganaa wa. Masɛ din nə Dɛnaa Lawa lɛa.

Lawa a wúlu-bɔlen 21:5

Bɛ̀ gɛ̀ gã, Lawa a wúlu-bɔlen doamaa bie ǹ nə n mìi paǹ goon kɔɔ̃ wa, ǹ doamaa bie ǹ nə n lɛtoro ka kuru a wàãn ganaa wa, ǹ doamaa bie ǹ nyaǹ dɔ kiɛ̃ ǹ dinin ganaa wa.

Misee 1:16

Zeruzalɛmu minin lɛn, ka n mìi kɔɔ̃. Ka zèwon bɛ́ lɔn, ka nyan ka toa ka mìi-n wa, kaa là-paparɛɛ taman yii, kaa nɛnyaanan kɛn lɛn lɛa, ka tá ǹ narɛ. A giala, maǹ die ǹ goɛ, ǹ wo ǹ ne bɛ̀rɛbaa ǹ bǎã nɛ, ǹ wɔlɔ lui ka ganaa.

Marki 5:5

Biikoo yii, penleen ba la wa, tèlò ba la wa, a na á goã n bibiĩ geren bĩ ǹ bǎã nɛ, á wo kelen la, bɛ̀ a n lɛ dɛ, a n din tɔtoɛ̃ ka kɔlɔ nɛ.

Timəə dí-pɛn 14:1

Ka n kaa Lawa, Dɛnaa Lawa lɛ a nɛnyaanan lɛa. Bɛ lɛ nɛ, ta gɛ̀ na á gã ka la, ka nyan nyaǹ kiɛ̃ ka gɔ̀nɔn ganaa wa, ka nyan nə n mìi kɔɔ̃ wa.

Sii yɔrɔ-bɔlen 1:18

Zudaa minin nə́ Gaazaa laanka a lɛkoro bǎãn kũ, Asikalɔn laanka a lɛkoro bǎãn nɛ, ka Ekrɔn laanka a lɛkoro bǎãn nɛ.