Zeremii 46:21 - LAWA A BOO SONBORE

²¹ Ezipti sɔraasi tiin mɛnɛn pii, á goã giɛ bɛn walan parsiini ka tɔɔ mɛn bɛ́ ǹ tá toe. Sɛnɛ, bɛn dɔn nə́ n dɔ̀ɔ̃ wɔ nɛ, ǹ tumaa baa si kun. Ǹ dɔlɔ pinaa á die ǹ gialaa, koe lɛawaa nɛ.

LAWA A BOO SONBORE 2011

²¹ Ezipti sɔraasi tiin mɛnɛn pii, á goã giɛ bɛn walan parsiini ka tɔɔ mɛn bɛ́ ǹ tá toe. Sɛnɛ, bɛn dɔn nə́ n dɔ̀ɔ̃ wɔ nɛ, ǹ tumaa baa si kun. Ǹ dɔlɔ pinaa á die ǹ gialaa, koe lɛawaa nɛ.

Zeremii 46:21 ပူးပေါင်းရင်းမြစ်များ

Samayeli2 10:6

Amɔn tɔrɔn lɛn nə́ yɛ, mà ǹsɛn nə́ n dinin tìĩ bɔ Davida nyin ni. Bɛ lɛ nɛ, ǹ nə́ wɔrɔ bɔ, ǹ nə́ minin dia woe Siirii minin kɛn zia-baalin goɛ Bɛti-Rehɔbu laanka Soobaa kiwi. Maǹ nə́ Siirii minin lɛn min duu fuə (20 000) goa, ǹ mɛnɛn bɛ́ tɔ we ka ǹ gòã nɛ bɛ̀ ǹ wo zia baa. Ǹ nə́ Min duu goon (1 000) goa Maakaan kii kɛa bǎã nɛ, ǹ nə́ min duu fulupaa (12 000) goa Tɔbu kiwi.

Kiin2 7:6

Dɛnaa na á goã á zɛnaa, Siirii minin nə́ màn wuu kɔn ma, ka n pɛ mà sɔraasi damata na a gialaa die ka sùin laanka ziabaa ǹ wotoron ne. Siirii minin lɛn nə́ tɔ́n pɛ kɔn nɛ: «Izirayeli gána a kii lɛ ná á Ɛti minin kiin laanka Ezipti minin kiin saa paa ganaa, mà ǹ da ziabaa wɔ ganaa.»

Loen 37:13

Sɛnɛ, Dɛnaa Lawa n yaa we min baraa ganaa, a giala, a yii tá a bɔ̀n baa ǹ lɛawaa ganaa die.

Suusun 15:17

Liɛ sɔ̃ kɔn-narɛɛ gɔ́ɔ̃ nɛ á soɛ siĩ nyɔɔnaa soɛ̃ nɛ zɔ́ɔbaa gɔ́ɔ̃ nɛ.

Izayii 10:3

Bɛ̀ Dɛnaa Lawa a dɔlɔ bɔ pinaa dɔ, bɛ̀ koe bɔ wɔlɔ sɔsɔɔ nɛ á daa, ka ǹ die n biɛ lɔn? Ka ǹ die gú diɛ die ne a da n dɔ ka lɛ? Ka ǹ die kaa naforon kɛn kiɛ maa?

Izayii 34:7

Zùn tá re mɛnɛɛ kunun ǹ ni, dii gɔ̀lɔ̀n laanka diin nə mɛnaa kun. Mà á re baa sii tán, siĩ nyɔɔ tán si á n kɔ lɛ.

Zeremii 18:17

Bɛ̀ zɔ́ɔ daa ǹ mɛn waáraa, ma á re maa zaman lɛ pɛsɛ̃ paǹ tumaa li, ka gusuũ bɛ́ lɔn la piɛ̃ li. Ǹ koe pinaa, ma nə n dɔ̀ɔ̃ we ǹ ne, ma a re n yɔrɔ diɛ ǹ la wa.

Zeremii 46:22

Ezipti n lɛ pìi pii ka miɛ̃ bɛ́ lɔn baa sii, a giala, maǹ die a gialaa ka pàã nɛ, ka da-kurulin bɛ́ lɔn, kukun ni ǹ gɔn.

Zeremii 46:5

Ma yii n wàa ganaa ke? Nyɛ́ɛ nə ǹ ganaa, maǹ wusii ǹ kio ne! Ǹ nə́ boo ǹ zia-baali zanbian lɛn la. Maǹ nə n mìi foɛ̃, nyɛ́ɛ taman yii, ǹ ba n bɔyɛɛ ǹ kio-n wa. Nyɛ́ɛ n bǎã tumaa nɛ. Dɛnaa Lawa a da ǹ boo ne.

Zeremii 46:9

Sùin, ka n ta ǹ gialaa! Ziabaa ǹ wotoron, ka n mìi fɔ̃! Zia baali zanbian lɛn, ka nyɛɛnaan bɔ: Etiopii minin laanka Liibii minin, goórodɛnan lɛa, Ludu minin ni sadɛnan lɛa!

Zeremii 48:44

Min mɛn bɛ́ baa sii nyɛ́ɛ taman yii, bɛa dɛnaa n die mɛnɛɛ nyankɔrɔ zuzulu ni. Bɛ̀ á boo la á soo, kan kũ. Taãn nɛ, ma bɛ́ re yui Moabu gialaa lɛ̀ mɛn-a, man die kɛa sii kɛ lɛ tumaa diɛ a mìi ni. Masɛ Dɛnaa Lawa a da ǹ boo ne.

Zeremii 49:8

Dedan minin lɛn, ka n dɔ̀ɔ̃ wɔ ka baa si! Ka n duru kele yalan nɛ! Ezawu a kion minin lɛn, man die koe boe ka ganaa. Biikoo n ke má n die yui ka gialaa.

Zeremii 50:11

Ka n nyɛnyɛɛ ka bɛ̀ baa ka foo kɔɔ̃n nɛ, kasɛn mɛnɛn nə maa kíɛ̃ lɛ ziziɛ̃. Ka paparɛ ka dii nɛ ten bɛ́ lɔn, buu sɔ̃ ǹ bǎã nɛ. Ka lɛ baa ka sùin wɔ bɛ́ lɔn!

Zeremii 50:27

Ka a sɔraasi sonboren tumaa dɛ, ka wo ǹ ne ǹ bɔlɔ kuru ǹ bǎã nɛ! Ǹ wɔ n ka bɔ̀n nɛ, a giala ǹ dɔlɔ bɔ biikoo na á dɔ.

Ezekieli 30:22

Bɛ lɛ na á toa masɛ Dɛnaa Lawa á kɛ pii: «Á ke, man die Eziptin kii Faarahɔn kɛ gialaa. Man die a gɔnɔn paanan yiɛ. A gɔn lɛ a mɛn bɛ́ siĩni, man die bɛ dɔ yiɛ, ma ti a yiɛ wole kɛ lɛ ganaa, a gɔya sa kɛ nə n si la a mɛnaa.

Ezekieli 35:5

A giala, ka dinin Edɔmu minin lɛn man ká goã Izirayeli minin lɛn biɛ zɔ́ɔ duduu. Sii bɛ́ á Izirayeli minin lɛn yɛ ǹ mɛn pinaa, ma bɛ́ má ǹ sii baraa lɛ a dɔlɔ bɔ ǹ ganaa ǹ mɛn pinaa, ka n ká n gɔn kũ bɛ lɛ ganaa, ká Izirayeli minin lɛn dɛ.

Ozee 9:7

Dɔlɔ bɔ lɛawaa dɔ, saraa lɛawaa dɔ. Izirayeli minin tá re bɛ doɛ̃. Lawa a boo gii-dali lɛ n gàãnaa lɛa, a yiri na á n si la, a giala, kaa sã lɛ la yii ni, kaa baraabaa lɛ dɔ la yii ni.

Amɔɔsi 6:4

Ka n wɛɛ piìn la, ǹ nə ǹ mɛnɛn nyaǹ kɔ ka don a díi sɔn nɛ, ka n giɛ̃ dankanan la, ǹ mɛnɛn bɛ́ mumuu. Ka dinin lɛn man tɔɔ kuru lɛ a sère ten sonboren soɛ̃, ka dinin lɛn man zìã lɛ a dii ten kasiɛ̃ wolen soɛ̃.

Abdiasi 1:13

Sii bɛ́ á maa minin lɛn yɛ ǹ mɛn pinaa, bɛ̀ ka doamaa bie ka wɔ ǹ kiwi lɛ-n wa. Sii lɛ bɛ́ á ǹ yɛ ǹ mɛn pinaa, bɛ̀ kasɛn kɛn dinin doamaa bie ka golee, ka ga ǹ nɔmaa ganaa wa. Sii bɛ́ á ǹ yɛ ǹ mɛn pinaa, bɛ̀ ka doamaa bie ka n gɔn da ǹ gɔn mànan ganaa wa.

Misee 7:4

Min mɛn din bɛ́ soɛ ǹ bii, bɛ n ka koronkoron bɛ́ lɔn, ǹ min sonbore á baraa á la zama nyan nɛ. N wɔlɔ-lɛduə̃lin nə lɛawaa mɛn boo da, ǹ dɔlɔ bɔ ǹ lɛawaa mɛn boo da, bɛ á ke á dɔ. Sisia, ǹ gɔ́ɔ̃ woɛ̃maa nɛ.

Matiə 22:4

Á wusoo á dí-nyali kɔsɔn dia, mà ǹ wo pɛ ǹ nɛ: «Á ke, man má màn-bii gole zɛnaa, má maa dii gɔ̀lɔ̀n laanka maa tɔɔ nyɔɔnaan dɛ, sii din tumaa nə́ n yɔrɔ bɔ á nya. Ka da kɔn wɔ ǹ màn bii.»

Timəə dí-pɛn 32:15

Sɛnɛ, Izirayeli minin kɛn, ǹ bɛ́ ǹ nə́ kã kəni, maǹ nə n gòã toe. Ǹ bɛ́ ǹ nə́ gole kɔ, ǹ nə́ kasã, ǹ nɔ̀ bɔ, ǹ nə́ Lawa toa walan, a da yaa, a din dɔ na á ǹ zɛnaa. Ǹ ná a puusə kɔ, a da yaa a din dɔ nə ǹ tamaɛ, á tá ǹ kirisibiɛ.