Zeremii 46:2 - LAWA A BOO SONBORE

² Ezipti a paǹ li: Lɛ dia á ke Ezipti ǹ kii *Faarahɔn Nekoo a sɔraasin wɔ paǹ li. Zoziasi a nɛgiĩ Zoakimu a kiibaa lɛ siibaa ǹ wɔ li Zudaa gána mìi la, bɛ̀ Eziptin kii n Karkemisi kunu Efrati tà ganaa. Bɛa biikoo lɛ li, Baabiloniin kii Nebukadenezɔɔrɔ gɔ̀lɔ̀baa yɛ la.

LAWA A BOO SONBORE 2011

² Ezipti a paǹ li: Lɛ dia á ke Ezipti ǹ kii *Faarahɔn Nekoo a sɔraasin wɔ paǹ li. Zoziasi a nɛgiĩ Zoakimu a kiibaa lɛ siibaa ǹ wɔ li Zudaa gána mìi la, bɛ̀ Eziptin kii n Karkemisi kunu Efrati tà ganaa. Bɛa biikoo lɛ li, Baabiloniin kii Nebukadenezɔɔrɔ gɔ̀lɔ̀baa yɛ la.

Zeremii 46:2 ပူးပေါင်းရင်းမြစ်များ

Kiin2 18:21

Á ke, ma n nə n foo doa Ezipti gána a dɔmalɛ ganaa, bɛa bàlà yiɛ kɛ lɛ, a doamaa wole tumaa gɔn foɛ̃ kiɛ̃ li. Min mɛnɛn tumaa bɛ́ n foo doɛ Ezipti gána a kii *Faarahɔn lɛ ganaa, a nə n biɛ kɛnɛn lɛn ǹ ganaa.»

Kiin2 23:29

Zoziasi a kiibaa biikoo li, Ezipti gána a kii Nekoo woo ziabaa Asiirii gána a kii-a, dia-n woe Efrati tà ganaa. Kii Zoziasi lɛ woo a gialaa, sɛnɛ Ezipti gána a kii lɛ yii mɛ Zoziasi ganaa lɔn gɔrɔ, á dɛ á gã Megidoo kiwi.

Kiin2 23:33

Eziptin kii *Faarahɔn Nekoo Zoakazi da biɛ nɛ Ribla kiwi, Amaati gána nɛ, màn mɛn bɛ́ toɛ, a kiibaa zɛnaa lɛ da Zeruzalɛmu kiwi. Faarahɔn Nekoo lɛ wɔrɔ kilo duu sɔɔ ka biɛsii (3 400) da gána lɛ mìi ni, ka sana kilo pɔsɔɔwensii ni, nyin giɔ̀mɔ lɛa.

Kiin2 24:7

Ezipti gána a kii lɛ wusoo á soo á n bɔ a gána-n doo wa. A giala, a saa Ezipti a lɛ̀giala gɔn la tà kɛ ganaa, a wo Efrati tà yaa, màn mɛn yii bɛ́ a wɔ lɛa, Baabilonii gána a kii goã á bɛ yii si la.

Izayii 10:9

Fuu mɛn Karkemisi kiwi yɛ, bɛ miã dɔ na á Kalnee kiwi yɛ. Ma màn mɛn da Amaati la, a din lɛ-n ma da Arpaadi dɔ la. Ǹ mɛn nə Damaasi yɛ, bɛ lɛ dɔ na á Samarii yɛ.

Izayii 19:1

Ezipti a boo gii. Dɛnaa Lawa á ke die, a n woe Ezipti gána nɛ, labara yiifuunaan la. Ezipti gána a dì kooron kɛn man bìn diɛ a nyɛɛnɛ. Ezipti minin foo ziziɛ̃maa nɛ.

Izayii 19:19

Bɛa pinaa lɛ nɛ, Ezipti gána bii, *wúlu bɔ ǹ bǎã laanka kɔlɔ zumii n die yii Dɛnaa Lawa wɔ lɛa, kunu Ezipti gèlè ganaa.

Zeremii 25:1

Zoziasi a nɛgiĩ Zoakimu a kiibaa lɛ̀ siibaa ǹ wɔ li Zudaa gána mìi la, Dɛnaa Lawa boo da Zeremii ni Zudaa zaman tumaa a paǹ li, bɛ̀ *Baabiloniin kii Nebukadenezɔɔrɔ a kiibaa lɛ̀ bibinaa nɛ.

Zeremii 25:19

Bɛ kio, á dɔ tɔrɔ kɔsɔn kɛn dɔn ganaa: Eziptin kii *Faarahɔn laanka a sɔraasin nyɛɛnaandɛnan nɛ, a gána nyɛɛnaandɛnan nɛ ka a zaman tumaa nɛ,

Zeremii 25:9

man die gɔsɛ a lɛ̀gɔn la tɔrɔn kɛn tumaa bíi, ma maa dí-nyali Baabiloniin kii Nebukadenezɔɔrɔ bíi. Ma ǹ die yui gána kɛ gialaa, a zaman nɛ, ka ǹ miãkɛnɛn nɛ. Man die ǹ tumaa ziziɛ̃. Man die gána kɛ biɛ bǎã bɔbɔnɛɛ lɛa, kɛbɔlɔ lɛa biikoo yii li. Minin tá re foo ziziɛ̃ ǹ lɛ-dɛ we a ganaa. Masɛ Dɛnaa Lawa a da ǹ boo ne.

Zeremii 36:1

Zoziasi a nɛgiĩ Zozakimu a kiibaa lɛ̀ siibaa ǹ wɔ li Zudaa gána nɛ, Dɛnaa Lawa boo da Zeremii ni á pɛ nɛ:

Zeremii 43:11

Bɛ̀ á daa, á re yui Ezipti gána gialaa. Min mɛnɛn doamaa bɛ́ nɛ ǹ gã, bɛn tá re giɛ̃, ǹ mɛnɛn doamaa bɛ́ ka goa nɛ, ǹ tá bɛn goɛ, ǹ mɛnɛn doamaa bɛ́ ka gɔya sa gɛ̀ nɛ, gɔya sa á re bɛn dii.

Zeremii 45:1

Zoziasi a nɛgiĩ Zoakimu a kiibaa lɛ̀ siibaa ǹ wɔ li Zudaa gána mìi la, Lawa a boo gii-dali Zeremii boon da Neriya a nɛgiĩ Baruku ni, Baruku nə ǹ kiɛ̃.

Zeremii 46:14

Ka boo kɛ da Ezipti gána nɛ, ka a boo da Migdɔli kiwi, Mɛmifisi ka Tapanɛsi kiwin ni, ka pɛ ǹ nɛ: «Ka yoo! Ka n yɔrɔ bɔ! Zia ka miãkɛnɛn bɔ̀nbaa!»