Zeremii 46:19 - LAWA A BOO SONBORE

¹⁹ Ezipti minin, ka kaa dúgun yii. A giala Mɛmifisi kiwi n die nyɛ́ɛ da ǹ bǎã biɛ. A n die ziziɛ̃ lenlen, min kɔn ná a giɛ̃ a-n wa.

LAWA A BOO SONBORE 2011

¹⁹ Ezipti minin, ka kaa dúgun yii. A giala Mɛmifisi kiwi n die nyɛ́ɛ da ǹ bǎã biɛ. A n die ziziɛ̃ lenlen, min kɔn ná a giɛ̃ a-n wa.

Zeremii 46:19 ပူးပေါင်းရင်းမြစ်များ

Izayii 19:13

Gàãn na á yoo Soan kiwi a kiãn li. Mɛmifisi kiwi a kiãn man siɛ̃. Ǹ tanlɛn kiãn man Ezipti gána diɛ zii baraa la.

Izayii 20:4

Asiiriin kii á re Ezipti minin biɛ bɛ̀rɛn lɛa, a Etiopii minin goa a wo ǹ ne. A n die woe ǹ ne, nɛ tenən laanka min zizin ni, ǹ gɔ̀nɔn laanka ǹ gòã kooromaa, ǹ tontoro n diɛ nɛ. Bɛ á re sìi biɛ Ezipti minin ganaa.

Zeremii 26:9

A n siɛ lɔn n tá pii ka Dɛnaa Lawa tɔ nɛ mà Lawa a kion kɛ n die n ziziɛ̃ ka Siiloo wɔ kɛ bɛ́ lɔn! Mà Zeruzalɛmu n die bɔ̀n biɛ, ǹ na a zaman goa ǹ bɔ a nɛ.» Min mɛn tumaa goã Lawa a kion lɛ nɛ, ǹ tumaa yoo Zeremii gialaa.

Zeremii 34:22

Sɛnɛ, man die wusii ma da ǹ nɛ Zeruzalɛmu, ǹ yoo a gialaa, ǹ kũ, ǹ tɛ da a ganaa. Zudaa kiwin tá re diə gole biɛ, min ná a ba ǹ nɛ wa.» Dɛnaa Lawa a da ǹ boo ne.

Zeremii 44:1

Dɛnaa Lawa boo da Zeremii ni. Zudaa minin mɛnɛn nə goã giã-n Ezipti gána nɛ, a n boo diɛ bɛn wɔ paǹ li, Migdɔli minin ni, Tapanɛsi wɔn nɛ, Mɛmifisi wɔn nɛ ka Patɔrɔsi gána minin ni. Zeremii tɔn pɛ ǹ nɛ:

Zeremii 46:14

Ka boo kɛ da Ezipti gána nɛ, ka a boo da Migdɔli kiwi, Mɛmifisi ka Tapanɛsi kiwin ni, ka pɛ ǹ nɛ: «Ka yoo! Ka n yɔrɔ bɔ! Zia ka miãkɛnɛn bɔ̀nbaa!»

Zeremii 48:18

Dibɔn a zaman, gisĩ n nə n tɔ golebaa kɛ toa walan. Giã tán bǎã gere ne. A giala, Moabu a basaã-kɔle kɛ n die n gialaa, màn mɛn bɛ́ toɛ n kungɔnɔn kɛn tamaa nɛ a bɛn ziziɛ̃.

Ezekieli 29:11

Minbuiin nɛ a re boe a-n doo a kiɛ̃ wa, tɔɔ dɔ a re boe a-n doo a kiɛ̃ wa. Màn yiikoonaa kɔn ba re giɛ̃ a-n wa, yǎa lɛ̀ pusi.

Ezekieli 29:12

Ma á re Ezipti gána kɛ gɔ́ɔ̃ kooro diɛ, a la diə golen kɛn tumaa nɛ. Masɛ á re a kiwin kɛn biɛ kɛbɔlɔ lɛa, a la kiwi kɔsɔn kɛn manɛ. A n die goɛ̃ miɛ̃, yǎa lɛ̀ pusi. Masɛ á re Ezipti minin kɛn sasawɛɛ ma ǹ kaa tɔrɔ kɔsɔn bii, masɛ á re ǹ pɛsɛ̃, ma ǹ kaa gána kɔsɔn nɛ.»

Ezekieli 30:13

Masɛ Dɛnaa Lawa a boo á ke: Ma á re ǹ dì kɛn yɔyɔrɛ, màn kooron kɛn ǹ tá ǹ guguru koe, ma á re bɛn papaɛ̃ ma ǹ bɔ Manfisi kiwi, kii a re yii a giã Ezipti gána mìi la doo wa. Ma á re nyɛ́ɛ kiɛ Ezipti gána lɛ nɛ.

Ozee 9:6

Á ke, ǹ gána lɛ bɛ́ á ziziɛ̃, ǹ dinin nə́ baa si. Maǹ die woe n lɛ soekɔn Ezipti, Ǹ bĩ ǹ bǎã á re goɛ̃ Mɛmifisi. Ǹ gɔn màn giɔ̀mɔ kakan kɛn wɔrɔ lɛa koronkoron tá re bɛn sii a n kɔ lɛ. Nyan babaraan tá re ǹ kionən kɛn sii, ǹ nə n kɔ ǹ lɛ.

Sofonii 2:5

Kasɛn mɛnɛn bɛ́ boe tà lɛ-a gánan nɛ, Kerɛti minin lɛa bɔ̀n nə kaa wɔ lɛa. Kiri mɛn bɛ́ Dɛnaa Lawa n die we ka ganaa, bɛ á ke: «Kanaan, Filisiti minin gána, man die n bɔ̀n biɛ, ma n minin si n la lenlen.