Zeremii 45:5 - LAWA A BOO SONBORE

⁵ Sɛnɛ nsɛ n nɔ̀n diɛ sii dadaran li n din wɔ lɛa! N nyan màn kɔn nyankɔ wa. Á ke, man koe boe màn yiikoonaa tumaa ganaa, Dɛnaa Lawa a da ǹ boo ne. Sɛnɛ nsɛ, n bɛ́ re màn mɛn yii, bɛ á ke: N bɛ́ re woe bǎã woo bǎã nɛ, n yii á re goɛ̃ koo.

LAWA A BOO SONBORE 2011

⁵ Sɛnɛ nsɛ n nɔ̀n diɛ sii dadaran li n din wɔ lɛa! N nyan màn kɔn nyankɔ wa. Á ke, man koe boe màn yiikoonaa tumaa ganaa, Dɛnaa Lawa a da ǹ boo ne. Sɛnɛ nsɛ, n bɛ́ re màn mɛn yii, bɛ á ke: N bɛ́ re woe bǎã woo bǎã nɛ, n yii á re goɛ̃ koo.

Zeremii 45:5 ပူးပေါင်းရင်းမြစ်များ

Siin Giala 6:12

Dɛnaa ga kanaa ganaa, á yɛ mà á ziziɛ̃, a giala, minbuiinin tumaa a tɔ wɔ ǹ gɔn baraa kɔ.

Kiin1 3:11

Lawa tɔ́n pɛ Salomɔn nɛ: «N bɛ́ nə bɛ lɛ nyankɔ, n nyín sasa nyan kɔ n din wɔ lɛa wa, n pàãmabaa hinlaa n zɔ́ɔn gɛ̀ nyan kɔ wa, yǎa yiridɛnaabaa ke, ń ná a nyankɔ, màn mɛn bɛ́ toɛ n zaman lɛ nyɛɛnaan bɔ doɛ̃.

Kiin1 3:9

Bɛ lɛ nɛ, sii giala ma ǹ yiri kɔ n dí-nyali lɛ la, màn mɛn bɛ́ toɛ a nə n zaman lɛ a sii yɔrɔ bɔ nɛ, a sii baraa laanka sii bǐɛ̃ bɔkɔnlɛ dɔ̃. Bɛ bie wa, die n boe la a n zaman lɛ nyɛɛnaan bɔ, bɛa zaman didi kɛ lɛ?»

Kiin2 5:26

Sɛnɛ Yiliizee nə́ n toa a ganaa: «Giĩ goon bɛ́ gisĩ fufuu n boe a wotoro la, die n diɛ n lɛ, masɛ n ma bɛ yɛ sii nyaa-n wa? Wɔrɔ yɛ n biikoo n ka kɛ nɛ ń nə́ boe la ń nə́ mɔnaan pii ni, *olivie dan nɛ, *rezɛ̃ dan nɛ, sèren laanka diin ni, bɛ̀rɛgiĩn laanka bɛ̀rɛlɔn nɛ?

Loen 131:1

Wo Zeruzalɛmu loe. Davida a loe. Dɛnaa Lawa, din gole kɔ ba ma gɔ́ɔ̃-n wa. Ma ba n yii baɛ̃ sii dɔ li wa. Sii dadaran kɛn, siin mɛnɛn dinin pàã bɛ́ á la ma nɛ, ma bie bɛn kio wa.

Izayii 66:16

Taãn nɛ, Dɛnaa Lawa n die kiri kuri minbuiin nɛ tumaa la, ka tɛ buə̃ laanka gɔya sa nɛ Dɛnaa Lawa á re geren mɔnɛɛ.

Zeremii 21:9

Min mɛn tumaa bɛ́ re goɛ̃ Zeruzalɛmu, zia laanka bòo ka piɛ̃ busu n die bɛn dii. Sɛnɛ, min mɛnɛn bɛ́ re n dinin we *Baabilonii minin kɛn gɔn, kɛn zia diɛ ka-a, bɛn yii á re goɛ̃ koo. Ǹ tá re yiikoonaabaa sɛ kɔn yii.

Zeremii 25:15

Dɛnaa Lawa, Izirayeli a Lawa boo mɛn da ma nɛ, á ke: «Paan kɛ si ma gɔn, piɛ̃-n ka maa foo-yoo ne. Ma bɛ n diɛ tɔrɔn mɛnɛn tumaa li, n kɔ ǹ la ǹ mi.

Zeremii 25:16

Ǹ tá re mii, ǹ bɔ ǹ mɛnaa. Ma bɛ́ re basaã mɛn koe ǹ bii, bɛ̀ ǹ yii bɛ yɛ, gàãn tá re yui ǹ li.»

Zeremii 25:26

Gɔsɛ a lɛ̀gɔn la kiin tumaa, ǹ mɛnɛn wɔlɔ bɛ́ sɔsɔɔ hinlaa ǹ wɔlɔ n kunu. Kanaa a tɔrɔn tumaa doamaa nɛ ǹ kɛa paan gɔ́ɔ̃gɔ́ɔ̃ ǹ mu kɛ mi. Sekakin kii sɛ doamaa nɛ a mi ǹ tumaa kio.

Zeremii 25:31

A bɛ́ bìn diɛ mɛn we, bɛ n doe kanaa lɛdan ganaa. Dɛnaa Lawa n kiri we tɔrɔn ganaa. A n minbuiin nɛ tumaa bíi we kiri wɔ ǹ bǎã nɛ. Min baraan kɛn, bɛn man die gɔya sa gɛ̀ we. Dɛnaa Lawa a da ǹ boo ne.

Zeremii 38:2

Dɛnaa Lawa n kɛ pii: «Min woo min giã kiwi kɛ nɛ, bɛa dɛnaa á re giɛ̃ zia taman yii, bòo ne, ka piɛ̃ busu ni. Sɛnɛ min mɛn bɛ́ re soe a wo n din wɔ *Baabilonii minin gɔn, bɛ yii á re goɛ̃ koo sɛn.»

Zeremii 39:18

Sonbore, sàabaa ba la wa, ma á re n kirisibiɛ. N ba re gɔya sa gɛ̀ we wa, n yii á re goɛ̃ koo. N là á re goɛ̃ ka bɛ sɛ kɔn nɛ, a giala, n nə́ n foo doa masɛ ganaa. Dɛnaa Lawa a da ǹ boo ne.»

Sofonii 3:8

Dɛnaa Lawa a da ǹ boo á ke: Ka n yii da lɛawaa kɛ la kəni, man die zɛ̀rɛ diɛ ka la! A n ma gɔ́ɔ̃ nɛ ma zaman tumaa sɔkɔn, ma gánan tumaa kaa kun, màn mɛn bɛ́ toɛ, ma maa foo-yoo baraa kɛ kaa ǹ la. Hĩĩ, maa foo-yoo tɛ kɛ n die tán din tumaa kukuĩ.

Rɔmu minin 12:16

Ka toa ka kɔn wɔ ma doɛ̃, ka bɔlɔ goã goon. Ka baran n taasɛ din gole kɔ ǹ siin ganaa wa, ka lɛ kɔ din boɛɛn kɔ ǹ dín ganaa. Ka baran ga ka dinin ganaa màn-dɔ̃lin lɛa wa.

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»