Zeremii 44:8 - LAWA A BOO SONBORE

⁸ Ka ǹ ma foo yui ká kaa zɛnaa ǹ siin ni. A giala, ka ǹ da yon gìĩ kɔɔ̃n tiɛ̃ dì soreen manɛ Ezipti gána nɛ. Ka ǹ li ka papaã lenlen ka n bɔ gána lɛ nɛ, ka sii a kɔnboe baa kanaa a gánan tumaa yɔrɔ-a lɛn baraa bíi laanka sìi a paǹ li?

LAWA A BOO SONBORE 2011

⁸ Ka ǹ ma foo yui ká kaa zɛnaa ǹ siin ni. A giala, ka ǹ da yon gìĩ kɔɔ̃n tiɛ̃ dì soreen manɛ Ezipti gána nɛ. Ka ǹ li ka papaã lenlen ka n bɔ gána lɛ nɛ, ka sii a kɔnboe baa kanaa a gánan tumaa yɔrɔ-a lɛn baraa bíi laanka sìi a paǹ li?

Zeremii 44:8 ပူးပေါင်းရင်းမြစ်များ

KZS2 7:20

bɛa biikoo li kəni, man die ka papaɛ̃ ma ka bɔ tán kɛ la, má kɔ ka la. Kion mɛn dɔ bɛ́ má ma din tɔ da la, ma á re n la boe bɛ dɔ ganaa a susuu da ǹ màn baa, a yaa da ǹ màn baa tɔrɔn tumaa gɔn.

Izayii 19:1

Ezipti a boo gii. Dɛnaa Lawa á ke die, a n woe Ezipti gána nɛ, labara yiifuunaan la. Ezipti gána a dì kooron kɛn man bìn diɛ a nyɛɛnɛ. Ezipti minin foo ziziɛ̃maa nɛ.

Izayii 3:8

Zeruzalɛmu kiwi mɛnaa, Zudaa gána bɔ̀n baa. A giala, maǹ nə́ n gòãn dii Dɛnaa Lawa ganaa ǹ da ǹ boon laanka ǹ nya ǹ dín gɔ́ɔ̃ nɛ, maǹ nə́ n gòãn dii a gugurubaa ganaa.

Izayii 65:15

Ma min mɛnɛn bɔ má ǹ koa, ka tɔ n die goɛ̃ lɛn baraa bíi ǹ màn lɛa bɛn gɔn: «Dɛnaa Lawa toa n gã ka min kɛ bɛ́ lɔn!» Sɛnɛ, min mɛnɛn bɛ́ dí nyɛɛ ma nɛ, tɔ kɔsɔ n die n koe bɛn ganaa.

Zeremii 11:12

Zudaa kiwin laanka Zeruzalɛmu minin tá re ǹ lawan bíi kəni, ǹ goã da yon gìĩ kɔɔ̃n tiɛ̃ ǹ mɛnɛn lɛn wɔ lɛa. Sɛnɛ, koe pinaa, bɛa lawan lɛn ba re boe la ǹ nə ǹ kirisibaa wa.

Zeremii 11:17

Dɛnaa Lawa Pàãyiidɛnaa din na á n zumu. Sɛnɛ kanna, a n koe pii n ni Izirayeli minin laanka Zudaa minin sii baraa zɛnaan taman yii. A giala, maǹ nə́ wúlu mànan kɔ Baali la ǹ nə́ Dɛnaa Lawa foo yoo ne.

Zeremii 18:16

Maa zaman ná a gána lɛ bɔyaa á baa kɛbɔlɔ lɛa, yaa da ǹ màn lɛa yǎa duduu. Kiɛ̃ wolen yiri nə́ n lɔlɔkɔn. Maǹ nə n mìi papasɛ.

Zeremii 24:9

Ǹ tá re sii a kɔnboe biɛ kanaa a tɔrɔn tumaa li. Bɛ̀ ǹ nə́ ǹ yɛ, ǹ gɔ̀nɔn tá re bìn diɛ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ walan, bɛ̀ ǹ tá li ǹ sìi da min ganaa, ǹ min da yaa lɛa, ǹ sɔ kɔ min ganaa hinlaa ǹ lɛn baraa bíi li.

Zeremii 26:6

Bɛ̀ ka n too kɔ wa, man die Lawa a kion kɛ ziziɛ̃ ká ma goã má Siiloo wɔ kɛ ziziɛ̃ lɔn. Man die Zeruzalɛmu biɛ sii a kɔnboe lɛa tán a tɔrɔn tumaa bii, bɛ̀ ǹ tá re liɛ baraa we.»

Zeremii 29:18

Man die ǹ kio lui ka zia nɛ, bòo ne ka piɛ̃ busu ni. Bɛ̀ gánan mɛnɛn nə́ ǹ yɛ, nyɛ́ɛ á re bɛn tumaa kuĩ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ bɛn li, bɛ̀ ǹ tá re lɛn baraa bíi, bɛ̀ ǹ tá sii bɔbɔnɛɛ boo diɛ, nyɛ́ɛ da ǹ sii ni ka sìi boo ni.

Zeremii 32:30

A kũ ǹ tenmaa waáraa ganaa, sii mɛn bɛ́ bɔnɛɛ ma yii li, Izirayeli minin laanka Zudaa minin man nə́ bɛ lɛ zɛnaa. Ǹ zɛnaa ǹ siin tumaa n ma foo yui. Dɛnaa Lawa a da ǹ boo ne.

Zeremii 42:18

Zeremii pɛ doo: – Dɛnaa Lawa Pàãyiidɛnaa, Izirayeli a Lawa n kɛ pii: «Má maa foo-yoo baraa kaa Zeruzalɛmu minin la. A din yɔrɔ goon la, bɛ̀ ka woo Ezipti gána nɛ, man maa foo-yoo baraa kɛ kiɛ ka dɔn la. Ka bɛ nɛ, ǹ tá re ka biɛ sii a kɔnboe lɛa, bɛ̀ ǹ tá re lɛn baraa bíi, ǹ sii bɔbɔnɛɛ boo da, ǹ nyɛ́ɛ da min ganaa ka sìi da ǹ sii ni. Ka a re kaa gána kɛ yii doo duduu wa.»

Zeremii 44:12

Zudaa minin mɛnɛn yii goã koo ǹ nə́ daa gùli kɔ Ezipti gána nɛ, ma á re ǹ tumaa dii lenlen. Ǹ tumaa n die giɛ̃ bɛa gána lɛ nɛ, zia laanka bòo gɔn, ǹ tumaa, nɛnyaanan nɛ ka min zizin ni. Hiĩ, ǹ tumaa n die giɛ̃ bɛa yɔrɔ kɛ lɛ la. Maǹ die ǹ biɛ sii a kɔnboe lɛa, bɛ̀ ǹ tá re lɛn baraa bíi, ǹ sii bɔbɔnɛɛ boo da, ǹ nyɛ́ɛ da min ganaa ka sìi da ǹ sii ni.

Zeremii 44:3

Ǹ sii baraan mɛnɛn zɛnaa ǹ nə́ ma foo yoo ne, bɛ lɛ na á toa sii kɛ nə ǹ yɛ. A giala, maǹ nə́ da yon gìĩ kɔɔ̃n tã dì soreen manɛ, ǹ nə́ ǹ guguru kɔ, a da yaa, ǹ ba bɛa dìn lɛn dɔn dinin doɛ̃ wa, ka dɔn dinin ni ka ka dogolon dɔn ba ǹ doɛ̃ wa.

Zeremii 44:7

Kanna kəni, Dɛnaa Lawa Pàãyiidɛnaa, Izirayeli a Lawa n kɛ pii: «Wàa na á baa ka á baraa kɛ tumaa zɛnɛɛ ka dinin manɛ? Ka ǹ zoɛ̃ li mà ka Zudaa a giĩn dɛ, a lɔn nɛ, a nɛ tenən ne ka a nɛnyaan bɔnboɛɛnɛn nɛ? Ka ǹ li ka bɔ̀nbaa lenlen?

Zeremii 7:9

Ka ǹ wurumu biɛ, ka n gɛ̀ dii, ka n naarɛbaa zɛnɛɛ, ka nə n liɛ soɛ la, ka n da yon gìĩ kɔɔ̃n koe *Baali la, ka bɛ kaa lawa tiin mɛnɛn doɛ̃ wa ka n koe bɛn lɛ.

Ezekieli 33:11

A pɛ ǹ nɛ mà masɛ Dɛnaa Lawa n kɛ pii: «A ma toa maa yii n koo, min baraa a gɛ̀ bie kɔɔ̃nɛ ma ganaa wa. Sɛnɛ, man li, min baraa wusoo a zɛnaa ǹ sii kio a yii boo la a goã koo. Bɛ lɛ nɛ, ma á ka nyankoe, ka wusoo kaa sii baraan lɛn kio. Izirayeli tɔrɔn lɛn, wàa na á baa ka n die toɛ gɛ̀ ka dɛ kooro?»

Ezekieli 9:6

Min golen ne, giĩ tenən ne, nɛniɛ tenən ne, nɛnyaanan laanka lɔn nɛ, ka ǹ tumaa dɛ lenlen. Sɛnɛ, nyaǹ lɛ bɛ́ min woo min ganaa, ka nyan toa ka n mɔrɔ bɛ-a wa. Ka a giala kɔ maa kion lɛ ganaa.» Min goleen mɛnɛn bɛ́ kiãn lɛa ǹ nə́ goã Lawa a kion lɛ yɔrɔ-a, ǹ ná a giala kɔ ǹ nə́ bɛn dɛ.

Ozee 4:13

Maǹ nɛn bɛ̀ ǹ wúlun bɔbɔ kelen mìi ni, maǹ nɛn bɛ̀ ǹ nyɔɔ gìĩ kɔɔ̃n tã tentenen la, ka da luu kɛkɛn kɛn giulun ni, a giala ǹ wúlu n kɔɔ̃nɛ. Bɛ lɛ na á toa, kaa nɛlɔn tá kɔrɔbaa zɛnɛɛ, ka manaan tá naarɛbaa zɛnɛɛ.

Abakuku 1:16

Maǹ wúlu mànan koe ǹ zɔ̀ɔn lɛn la, maǹ màn giĩ kɔɔ̃n tiɛ̃ ǹ kokoon wɔ lɛa. A giala, mà ǹ dinin barka nɛ ǹ tá zɔ̀ gigiã kuĩ, ǹ nə́ màn-bii kɔɔ̃n yii.

Timəə dí-pɛn 32:25

Kanaa, minin tá re ǹ nɛnyaanan dii zia la, kion, nyɛ́ɛ a re ǹ toɛ wa. Ǹ nɛgiĩn laanka ǹ nɛlɔn tá re giɛ̃, ǹ nɛnyaanan laanka ǹ min zizin tá re giɛ̃.»

Ebrəə 3:16

Dien man nə́ Lawa lɛ lɛ ma, ǹ nə́ n piã-n dɔn? Muizu min mɛnɛn tumaa nyɛɛnaan bɔ, á soo ǹ ne Ezipti gána nɛ, bɛn lɛn manɛ.