Zeremii 44:29 - LAWA A BOO SONBORE

²⁹ Dɛnaa Lawa a da ǹ boo á ke: Man die yui ka gialaa kànaa Ezipti gána nɛ. Man die sii a kɔnboe nyɛɛ ka nɛ, ka dɔ̃ mà ma din a da ǹ boon man yɔrɔ yii, kaa koe yɛ a lɛa. Bɛa sii a kɔnboe lɛ á ke:

LAWA A BOO SONBORE 2011

²⁹ Dɛnaa Lawa a da ǹ boo á ke: Man die yui ka gialaa kànaa Ezipti gána nɛ. Man die sii a kɔnboe nyɛɛ ka nɛ, ka dɔ̃ mà ma din a da ǹ boon man yɔrɔ yii, kaa koe yɛ a lɛa. Bɛa sii a kɔnboe lɛ á ke:

Zeremii 44:29 ပူးပေါင်းရင်းမြစ်များ

Suusun 19:21

Minbuiinin man sii gigiã taasɛ ǹ yiri ni, sɛnɛ, Dɛnaa Lawa foo sii nə n zɛnɛɛ.

Izayii 31:2

A da yaa, a dɔ á sii doɛ̃. Á boe la a da ka koe ne, a wusii a da ǹ boo kio wa. A n yui min baraan lɛ sɔkɔn gialaa, ka sii baraa-zɛnaalin dɔmalɛ nɛ.

Izayii 40:8

Buu n laɛ, dà buu n bɛbɛnɛ. Sɛnɛ, wɔa Lawa a boo na a tan yǎa duduu.»

Izayii 7:11

«Dɛnaa Lawa, n Lawa nyankɔ mà a sii a kɔnboe nyaa n nɛ boe geren piɛ hinlaa lon gɔ̀nɔn ganaa.»

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Izayii 8:18

Á ke, masɛ laanka Dɛnaa Lawa nɛnyaanan mɛnɛn kɔ ma la, wɔ ǹ sii a kɔnboe laanka gɔn waa lɛa Izirayeli gána nɛ ka Dɛnaa Lawa Pàãyiidɛnaa tɔ nɛ, asɛ mɛn bɛ́ giã-n *Siɔn kele la.

Zeremii 44:30

Má Zudaan kii Sedekiasi wɔ Baabiloniin kii Nebukadenezɔɔrɔ gɔn, a zɔ́ɔ kɛ lɛ giɛ a gɛ̀ li. A din yɔrɔ goon la, man die Eziptin kii *Faarahɔn Ofra we a zɔ́ɔn gɔn ǹ mɛnɛn lɛn bɛ́ giɛ a gɛ̀ li. Masɛ Dɛnaa Lawa n má pɛ.

Zakarii 1:6

A da yaa ma boo laanka gɔn waan mɛnɛn kɔ maa dí-nyalin, Lawa a boo gii-dalin la, máa ǹ pɛ ǹ nɛ, á dɔ ǹ li ǹ nə́ golee li. Ǹ nə́ ǹ giã ǹ gɔn bɔyaa, ǹ nə́ pɛ: Dɛnaa Lawa Pàãyiidɛnaa na á golee li mà a n die wɔ kuĩ wɔa giã ǹ gɔn li ka wɔa sii zɛnaan nɛ. A na á bɛ lɛ zɛnaa.»

Samayeli1 2:34

Sii mɛn bɛ́ re n nɛgiĩ min paa lɛ yii, Ɔfuni laanka Fineyasi, bɛ n die sii a kɔnboe biɛ n gɔn. Ǹ dinin paanan tá re giɛ̃ pinin goon.