Zeremii 44:23 - LAWA A BOO SONBORE

²³ Koe na á ka yɛ bɛ lɛ taman yii: Ka n ka da yon gìĩ kɔɔ̃n tã dì soreen wɔ lɛa, ka sii baraa zɛnaa ka wɔ Dɛnaa Lawa lon ne. Ka n too kɔ a lon wa, ka n too kɔ a daraan li wa, a dí-pɛn nɛ ka a doroon ne ka min tumaa yii bɛ́ a ganaa lɔn pelo.»

LAWA A BOO SONBORE 2011

²³ Koe na á ka yɛ bɛ lɛ taman yii: Ka n ka da yon gìĩ kɔɔ̃n tã dì soreen wɔ lɛa, ka sii baraa zɛnaa ka wɔ Dɛnaa Lawa lon ne. Ka n too kɔ a lon wa, ka n too kɔ a daraan li wa, a dí-pɛn nɛ ka a doroon ne ka min tumaa yii bɛ́ a ganaa lɔn pelo.»

Zeremii 44:23 ပူးပေါင်းရင်းမြစ်များ

Kiin1 9:9

Minin tá re ǹ lɛ sii ǹ pɛ: «A giala, maǹ nə́ ǹ Lawa, Dɛnaa Lawa lɛ toa walan, ǹ mɛn lɛ bɛ́ á ǹ digolon waa Ezipti gána nɛ á soo ǹ ne. Maǹ nə́ ǹ paraa guguru kɔ ǹ mànan kɔsɔn ganaa ǹ nə́ dí nya ǹ nɛ, ǹ nə́ ǹ guguru kɔ. Bɛ lɛ nɛ, Dɛnaa Lawa koe kɛ tumaa da ǹ mìi ni.»

Kiin2 17:15

Ǹ ná a landa boon lɛn toa walan ka lɛ kɔ kɔn la boon kɛn dɔ nɛ, á doa kɔn ka ǹ digolon ne. A ǹ yiri gisĩ ka siin mɛnɛn nɛ, ǹ zɛnaa boo n kaka a gɔn, ǹ nə́ bɛn dɔn toa walan. Maǹ nə́ baa si màn kokooron kio, á ke ǹ dɔn nə́ màn kooron baa. Gánan mɛnɛn nə ǹ lɛnpɛnɛ, maǹ nə́ bɛn sii zɛnaa ǹ gɔn saa, a da yaa, Dɛnaa Lawa goã á n gɔn waa ǹ nɛ mà ǹ baran bɛa gánan lɛn gòɛ̃ saa wa.

KZS2 36:16

Sɛnɛ, Izirayeli minin lɛn man nə́ goã yaa we Lawa a dia dí-a wolen lɛn ganaa, ǹ ba Lawa a boon kɛn diɛ sii li wa, ǹ nə́ Lawa a boo gii-dalin foo saa. Bɛ lɛ nɛ, Dɛnaa Lawa a foo-yoo gole kɛ nə́ n sawaa zaman lɛ la, ǹ nə́ ǹ ba boe sii kɔn la ǹ zɛnaa wa.

Nehemii 13:18

Tá a ka digolon lɛn dɔn man nə́ goã ǹ nə́ zɛnaa kɛnɛn, wɔa Lawa lɛ tɔ́n koe kɛ tumaa dia wɔ laanka kiwi kɛ la. Sɛnɛ, kasɛn, bɛ̀ ka tá susu ǹ pii lɛ ziziɛ̃, ka n Lawa a foo-yoo lɛn baraa koe Izirayeli wɔ paǹ li.»

Loen 119:136

Yii mu bɔ ma yɔrɔ nɛ, a giala, ǹ ba n landa boon lɛn tamaɛ wa.

Loen 119:150

Min mɛnɛn lɛn bɛ́ baa sii sii baraa kio, ǹ nə́ ke die. Ǹ nə́ n dinin wɔlɔ lui n landa boon kɛn ganaa.

Loen 119:155

Kirisibaa wɔlɔ á lui-n min baraan kɛn ganaa. A giala, ǹ ba giɛ n foo sii li, ǹ nə́ koe lɛ wa.

Loen 78:10

A giala, manə ǹ Lawa a lɛ kɔ kɔn la lɛ tamaa wa, ǹ nə́ n piã ǹ kɔ a landa lɛ wa.

Loen 78:56

Bɛ tumaa kio, Izirayeli tɔrɔn nə́ n gòãn dii Lawa ganaa, ǹ nə́ n da Lon a Lawa Gole kɛ gɔ́ɔ̃ li, ǹ kɔ a da ǹ boon lɛ wa.

Zeremii 26:4

Ń tá re pii ǹ ni kəni mà Dɛnaa Lawa a da ǹ boon nə́ ke: Ka n too kɔ ma lon, ka kɔ maa dí-pɛn kɛn lɛ má ǹ kɔ ka la.

Zeremii 40:3

á toa á n zɛnaa dɔn sonbore. A boo mɛn da, bɛ yɔrɔ yɛ. A giala, ka n too kɔ Dɛnaa Lawa lon wa. Zɛ̀rɛ n ka ganaa bɛa paǹ li. Bɛ lɛ nɛ sii kɛ tumaa ka yɛ.

Zeremii 44:10

A da kaa pelo ǹ lɛ, min kɔn tɔn nə n din boɛɛn kɔ, á ma guguru kɔ wa. Min kɔn tɔn kɔ maa daraan laanka maa dí-pɛn kɛn lɛ wa, kɛn má ǹ kɔ ka la kɔnlɛ ka ka digolon ne.»

Zeremii 44:18

Sɛnɛ, ǹ mɛn pinaa, wɔ bɛ́ wɔ́ da yon gìĩ kɔɔ̃n laanka duvɛ̃ zumii lon a kii lɔ la toa walan, a kũ bɛ ganaa, màn tumaa n nyaabiɛ wɔ ganaa, wɔ n giɛ̃ zia laanka bòo gɔn.»

Zeremii 44:2

– Dɛnaa Lawa Pàãyiidɛnaa, Izirayeli a Lawa n kɛ pii: «Ma koen mɛnɛn da Zeruzalɛmu laanka Zudaa kiwin tɛnɛn mìi ni, táa ka bɛn yɛ. Pelo, ǹ tumaa kɛbɔlɔ baa, min goon din ba ǹ nɛ wa.

Zeremii 44:21

«Taãn nɛ, ká goã *wúlu màn gìĩ kɔɔ̃n tiɛ̃ Zudaa kiwin ni ka Zeruzalɛmu a zii la ǹ nɛ: Ka dinin ni, kaa díin ni, kaa kiin ni, kaa gána nyɛɛnaandɛnan nɛ, ka Zudaa min kɔsɔn nɛ. Dɛnaa Lawa yiri tá a-n parsiini, a yiri bɔ-n wa.

Zeremii 44:3

Ǹ sii baraan mɛnɛn zɛnaa ǹ nə́ ma foo yoo ne, bɛ lɛ na á toa sii kɛ nə ǹ yɛ. A giala, maǹ nə́ da yon gìĩ kɔɔ̃n tã dì soreen manɛ, ǹ nə́ ǹ guguru kɔ, a da yaa, ǹ ba bɛa dìn lɛn dɔn dinin doɛ̃ wa, ka dɔn dinin ni ka ka dogolon dɔn ba ǹ doɛ̃ wa.

Zeremii 44:8

Ka ǹ ma foo yui ká kaa zɛnaa ǹ siin ni. A giala, ka ǹ da yon gìĩ kɔɔ̃n tiɛ̃ dì soreen manɛ Ezipti gána nɛ. Ka ǹ li ka papaã lenlen ka n bɔ gána lɛ nɛ, ka sii a kɔnboe baa kanaa a gánan tumaa yɔrɔ-a lɛn baraa bíi laanka sìi a paǹ li?

Busii pɛ 1:8

Á ke: Zeruzalɛmu sii baraa gole zɛnaa, á *gɔ̀ da a din ganaa. Min mɛnɛn nə goã a guguru koe, bɛn man pɔpɔsɛ. A giala, ǹ yii na a tontoro ganaa. Asɛ nə n bɔyɛɛ n dɔ̀ɔ̃ we, a n gini.

Korɛnti1 10:20

Haayii! Sɛnɛ, man pii ka nɛ, máa min kooron bɛ́ wúlu boe ka mànan mɛnɛn nɛ, máa maǹ nə ǹ koe yiri baraan la, ǹ bie ǹ koe Lawa la wa. Ma ba li máa ka goã kun ka yiri baraan nɛ wa.

Korɛnti2 6:16

Lawa a kion a wàa n boe la a goã kun ka min kooron wúlu bɔ ǹ mànan nɛ? A giala, wɔ ǹ Lawa yiikoonaa a kion lɛa. Ka a din bɛ́ á pɛ lɔn: «Ma á re giɛ̃ ǹ bii, ma goã ǹ li. Ma á re ǹ Lawa biɛ, ǹ tá re maa zaman biɛ.»