Zeremii 44:14 - LAWA A BOO SONBORE

¹⁴ Min mɛnɛn yii goã koo Zudaa gána nɛ, ǹ nə́ woo gùli kɔ Ezipti gána nɛ, ǹ kɔn ba re boe la a baa si a la wa. Ǹ kɔn ba re n sii gɛ̀ la wa. Min mɛnɛn tumaa bɛ́ li ǹ wusoo ǹ wo Zudaa gána nɛ, ǹ ba re boe la ǹ wusoo ǹ woo wa, yǎa min gogoon mɛn bɛ́ re n sii gɛ̀ la.»

LAWA A BOO SONBORE 2011

¹⁴ Min mɛnɛn yii goã koo Zudaa gána nɛ, ǹ nə́ woo gùli kɔ Ezipti gána nɛ, ǹ kɔn ba re boe la a baa si a la wa. Ǹ kɔn ba re n sii gɛ̀ la wa. Min mɛnɛn tumaa bɛ́ li ǹ wusoo ǹ wo Zudaa gána nɛ, ǹ ba re boe la ǹ wusoo ǹ woo wa, yǎa min gogoon mɛn bɛ́ re n sii gɛ̀ la.»

Zeremii 44:14 ပူးပေါင်းရင်းမြစ်များ

Izayii 10:20

Bɛa waáraa, min mɛnɛn yii goã koo Izirayeli gána nɛ, Zakɔba tɔrɔ gialakun mɛn goã, bɛn ba re n foo doɛ ǹ dɛle wole kɛ ganaa doo wa. Sɛnɛ, ǹ tá re n foo doɛ Dɛnaa Lawa ganaa taãn-taãnɛ, Izirayeli a Lawa sonbore ke.

Izayii 4:2

Bɛa pinaa lɛ nɛ, Dɛnaa Lawa a da ten kɛ n die siĩn koe parsiini. Min mɛnɛn bɛ́ re goɛ̃ ǹ yii n koo Zeruzalɛmu, gána lɛ a da nɛn tá re foo kɔɔ̃n laanka gugurubaa koe bɛn la.

Zeremii 22:10

Zudaa minin lɛn, min mɛn bɛ́ á gã, ka nyan wuu pɛ bɛ la wa. Ka nyan wuu pɛ kii Zoziasi la wa. Sɛnɛ, min mɛn bɛ́ woe a ná a die doo wa, ka wuu pɛ bɛa dɛnaa la. A giala, a yɛ gána mɛn nɛ, a yii á re miɛ̃ bɛ ganaa doo wa.

Zeremii 42:17

Min mɛn tumaa golee li mà ǹsɛn man woe gùli koe Ezipti gána nɛ, zia n die ǹ bii, bòo ne ka piɛ̃ busu ni. Min kɔn ba re liɛ koe kɛ la ma á re diɛ ǹ la wa.

Zeremii 42:22

Kanna kəni, ka dɔ̃ mà ka n die giɛ̃ zia gɔn, bòo ne ka piɛ̃ busu ni gána kɛ lɛ nɛ ka n woe gùli koe a nɛ.»

Zeremii 44:26

Sɛnɛ, kasɛn Zudaa minin kɛn giã-n Ezipti gána nɛ, ka n too kɔ Dɛnaa Lawa a boo kɛ li! Á ke, masɛ Dɛnaa Lawa, ma nə n liɛ ka ma tɔ gole kɛ nɛ: Ezipti gána tumaa nɛ, Zudaa min kɔn ba re masɛ tɔ pii wa. Min kɔn ba re pii doo: "Ka Dɛnaa Lawa, Lawa yiikoonaa tɔ nɛ wa".

Ezekieli 20:38

Min mɛnɛn nə n piã ka ma nɛ, ǹ nə́ ma bɔlɔ tii, má á re bɛn wɛɛ ma ǹ bɔ kun ka nɛ. Ǹ bɛ́ ǹ nə́ woo giã gána kɔsɔ mɛn nɛ, ma á re ǹ wɛɛ ma ǹ bɔ walan, sɛnɛ, ǹ gòã na a re miɛ̃ Izirayeli gána-n wa. Ka á re doɛ̃ ka bɛ-n kəni, mà ma din nə Dɛnaa Lawa lɛa.»

Ezekieli 6:8

Sɛnɛ, ma á re toɛ ka gialakun nə goã zia lɛ kio, ma bɛn pɛsɛ̃ gána kɔsɔn nɛ.

Matiə 23:33

Kɔrɔkan tɔrɔn, min babaraan kɛn! Ka n die siɛ lɔn ka tɔn kanbaa Sɛtaan a piɛ a dɔlɔ kɛ ganaa?

Rɔmu minin 2:3

Nsɛ mɛn bɛ́ bɛa siin kɛn zɛnaali zɛ̀rɛ biɛ, n din dɔ nə ǹ zɛnɛɛ, ma n taasɛ mà n tá re n sii Lawa a kiri la?

Rɔmu minin 9:27

Izayii dɔ́ pɛ Izirayeli wɔ gɔn la kɛnɛn: «Ta Izirayeli nɛnyaanan lɛn man mɔnaa-n ka mu lɛ-a ǹ nyɔɔsɔ̃ bɛ́ lɔn, ǹ gialakun boɛɛn dininsɔɔ̃nɔn man die kirisibiɛ.

Ebrəə 2:3

wɔsɛn dɔn kəni, wɔ ǹ die liɛ lɔn, bɛ̀ wɔ́ sàn kɔ ka kirisibaa gole kɛ nɛ? Kirisibaa mɛn bɛ́ Dɛnaa din ná a boo da bɔrɔ, bɛ kio, min mɛnɛn na a boo ma ka ǹ too ne, bɛn dɔn nə́ wusoo ǹ ná a sonborebaa pɛ.