Zeremii 44:13 - LAWA A BOO SONBORE

¹³ Ma yoo Zeruzalɛmu minin gialaa lɔn, man die yui minin kɛn gialaa giã-n Ezipti gána nɛ ka zia nɛ, bòo ne ka piɛ̃ busu ni.

LAWA A BOO SONBORE 2011

¹³ Ma yoo Zeruzalɛmu minin gialaa lɔn, man die yui minin kɛn gialaa giã-n Ezipti gána nɛ ka zia nɛ, bòo ne ka piɛ̃ busu ni.

Zeremii 44:13 ပူးပေါင်းရင်းမြစ်များ

Zeremii 11:22

Bɛ lɛ nɛ, Dɛnaa Lawa Pàãyiidɛnaa n kɛ pii: «Man die yui ǹ gialaa. Ǹ tá re ǹ nɛ tenən dii zia la. Bòo á re ǹ nɛgiĩn laanka ǹ nɛlɔn dii.

Zeremii 21:9

Min mɛn tumaa bɛ́ re goɛ̃ Zeruzalɛmu, zia laanka bòo ka piɛ̃ busu n die bɛn dii. Sɛnɛ, min mɛnɛn bɛ́ re n dinin we *Baabilonii minin kɛn gɔn, kɛn zia diɛ ka-a, bɛn yii á re goɛ̃ koo. Ǹ tá re yiikoonaabaa sɛ kɔn yii.

Zeremii 24:10

Man die yui ǹ gialaa ka zia nɛ, ma bòo kaa ǹ ganaa, ka piɛ̃ busu ni yǎa ǹ papaɛ̃ gána kɛ nɛ ma kɔ ǹ la, ka ǹ digolon ne.»

Zeremii 24:9

Ǹ tá re sii a kɔnboe biɛ kanaa a tɔrɔn tumaa li. Bɛ̀ ǹ nə́ ǹ yɛ, ǹ gɔ̀nɔn tá re bìn diɛ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ walan, bɛ̀ ǹ tá li ǹ sìi da min ganaa, ǹ min da yaa lɛa, ǹ sɔ kɔ min ganaa hinlaa ǹ lɛn baraa bíi li.

Zeremii 42:15

Bɛ̀ á n baa miɛ̃, kasɛn Zudaa zaman gialakun, ka n too kɔ Dɛnaa Lawa a boo li. Dɛnaa Lawa Pàãyiidɛnaa, Izirayeli a Lawa n kɛ pii: Bɛ̀ ka golee li sonbore mà ka n woe Ezipti gána nɛ, bɛ̀ ka woo n mìi duru walan sonbore,

Zeremii 42:16

ka bɛ́ nyɛ́ɛ biɛ zia mɛn lɛ nɛ, bɛ á die ka kio lui yǎa walan. Bòo mɛn lɛ á ke ka foo biɛ niɛ̃, bɛ á re doe ka-a Ezipti gána nɛ. Walan lɛ nɛ ka á re giɛ̃.

Zeremii 42:17

Min mɛn tumaa golee li mà ǹsɛn man woe gùli koe Ezipti gána nɛ, zia n die ǹ bii, bòo ne ka piɛ̃ busu ni. Min kɔn ba re liɛ koe kɛ la ma á re diɛ ǹ la wa.

Zeremii 42:18

Zeremii pɛ doo: – Dɛnaa Lawa Pàãyiidɛnaa, Izirayeli a Lawa n kɛ pii: «Má maa foo-yoo baraa kaa Zeruzalɛmu minin la. A din yɔrɔ goon la, bɛ̀ ka woo Ezipti gána nɛ, man maa foo-yoo baraa kɛ kiɛ ka dɔn la. Ka bɛ nɛ, ǹ tá re ka biɛ sii a kɔnboe lɛa, bɛ̀ ǹ tá re lɛn baraa bíi, ǹ sii bɔbɔnɛɛ boo da, ǹ nyɛ́ɛ da min ganaa ka sìi da ǹ sii ni. Ka a re kaa gána kɛ yii doo duduu wa.»

Zeremii 43:11

Bɛ̀ á daa, á re yui Ezipti gána gialaa. Min mɛnɛn doamaa bɛ́ nɛ ǹ gã, bɛn tá re giɛ̃, ǹ mɛnɛn doamaa bɛ́ ka goa nɛ, ǹ tá bɛn goɛ, ǹ mɛnɛn doamaa bɛ́ ka gɔya sa gɛ̀ nɛ, gɔya sa á re bɛn dii.

Ozee 9:6

Á ke, ǹ gána lɛ bɛ́ á ziziɛ̃, ǹ dinin nə́ baa si. Maǹ die woe n lɛ soekɔn Ezipti, Ǹ bĩ ǹ bǎã á re goɛ̃ Mɛmifisi. Ǹ gɔn màn giɔ̀mɔ kakan kɛn wɔrɔ lɛa koronkoron tá re bɛn sii a n kɔ lɛ. Nyan babaraan tá re ǹ kionən kɛn sii, ǹ nə n kɔ ǹ lɛ.